Gelî dost û hevalên ezîz, sala we ya nû pîroz be !

Gelî xwendevan, nas, dost û hevalên ezîz, sala we ya nû hemûyan bi dil û can pîroz dikim.

Bi hêvîya sala nû ji me ra, ji miletê kurd ra bibe saleke baştir, saleke bê derd û êş, sala serketinê û azadiyê.

Me haziriya xwe ya sersalê temam kir

Ez û xanim em haziriya sibe, ya sersalê dikin. Xanim di mitpaxê da dixebite. Kufta, pela çêdike, haziriya nanê goşt dike. Rojen jî alî dike, ew jî fêrî pelpêçanê bûye.

Lê helbet karê giran dîsa bû para min.
Ez du caran çûm dikanan û hatim. Hewa jî gelkî ne xweş e. Dinya ewr e, xunaviyek hûr dibare, berf dihele, erd şematok e.
Lê ez pir semt dimeşiyam.

Dibê êdî em bi derewên tirkan ên devkî nexapin !

Cîgirê Serokê CHPê Oguz Kaan Salici ji Rûdawê ra gotiye ”heger ew werin ser hukim, ewê ji bo çareseriya mesela kurdî hin gavan bavêjin, hin gavên di vî warî da ew bajin ewê hebin.”

Ev gotin tiştekî konkret nabêje, nayê maneya ewê heqê kurdan bidin. Dibê meriv wer fêm neke.

Du dîn

Tuxtorê nexweşxana dînan(aqil)li nav nexweşan digerîya, li halê wan dipirsî. Ji nexweşekî navê wî pirsî, got:

-Navê te çi ye?

-Yê nexweş hinekî fikirî, got:

-Navê min Napoleon Bonaparte.

Tuxtor got:

Mûcîze

Di dersa dînî da mamoste ji zarokan ra qala çîroka Hezretî Yûnis û masiyê balîne dikir. Hezretî Yûnis çawa ji zikê balîne sax derketibû, bi heyecan ji wan ra digot.

Zarokan jî bi heyecaneke mezin lê gudarî dikirin. Mamoste ji bo ku bi wan ra heyecanê zêdetir bike got:

Hiş nemaye

Carnan serê gotinê, wek nimûne meriv dibêje, ”nayê bîra min, min do çi xwariye."

Ev yek îro bi rastî hat serê min, min nizanîbû min do çi xwariye.

Bîstek berê min ji xanimê ra got:

-Xanim, îşev şîva me çi ye?

Got:

Miletê tifaqa xwe çêkir, zû dereng qezenc kir

Mal jî, dewlet jî bi tifaqê çê dibe. Tifaq, piştgirî, hevkarî tune be ne mal çê dibe, ne jî dewlet.

Miletên bi tifaq bûn, yên yekîtiya xwe çêkirin gihîştin armanca xwe û dewletên xwe ava kirin. 

Miletên wek me bêtifaq man jî perîşan bûn û man bindest. Gotina pêşiya ye, ”mala rik û bahsê, wê rake tûrê parsê."
Tifaqa meriya welatan şên dike, çiyan werdigerîne.

Rojekê emê hesabê qetlîama Roboskê ji we bipirsin

10 sal di ser qetlîama Robskîyê ra derbas bûn. Deh sal berê di 28ê meha 12a da leşkerên Tirkiyê bi balafiran 34 kurdên siwîl kuştin. 19 jê zarok bûn, hîn 18ê xwe neqedandibûn.

Ji bo ku yên hatin kuştin kurd bûn, qatil û yên emir dan qatilan hîn nehatine girtin û cezakirin. Dewleta tirkan kuştina kurdan tim xweş dîtine, îdare kiriye. Yên hatin kuştin heger tirkbûna helbet ewê bêceza nemana.

Bi koça kurdan Kurdistana Başûr vala dibe

Di malpera Rûdawê da li ser koçkirina ji başûrê Kurdisranê xebereke ecêb heye.

Li gorî xeberê Kurdistan bi bêdengî vala dibe. Kurd qefle bi qefle, bi hezaran ji Kurdistanê direvin. Ev felaketeke pir mezin e, felaketeke netewî ye.

Li gorî îstatîstîkên rêxistina Elened(NGO) îsal ji herêma Duhokê tennê zêdetirî 10 hezar kesan berên xwe dane Ewrûpayê.

Dibê meriv şerefa xwe di ser her tiştî ra bigre

Dibê meriv şerefa xwe di ser her tiştî ra bigre. Malê dinyê wek qilêra desta ye, ne hêja ye meriv ji bo malê dinyayê xwe rezîl û bêşeref bike.

Li vê dinyê "hewcedariya meriv ne bi nan û xarinê tenê, bi heysîyet û şerefê jî heye."

Teleskopa James Webbê derket rêwîtiyeke 1,6 milyon kîlometroyî dûr

 

NASAyê(Dahîra Feza û Hewa ya Amerîka)du roj berê teleskopa herî xurt James Webb şand fezayê 30 sal in mêrikan li ser vê teleskopê dixebitin.

10 milyar Dolar li çêkirina teleskopa James Webbê çûye; ewê dewsa telskopa Hubbleyê bigre.
Riya Webbê 1,6 milyon km dûr e, rêwîtiya wê ewê 29 rojan bigre.

Gerek NASAyê ji zûda Webb şandiba, lê tim kêmasiyek derket, şaşiyek hat dîtin û ma hatanî îro.
Webb ewê bûyerên 13,5 milyar sal berê qewimîne, avabûna kaînatê analîz bike.

Îro min da ser golê

 

Gola me bûz girtiye(qerisîye), îro milet li ser dabû çirvîta. Hinek dimeşiyan, hinekan bûz qul kiribûn masî digirtin. Dilê min biya xelkê.

Min ji xanimê ra got, hema çi dibe bira bibe, were em jî çend gavan li ser bimeşin.

Xanim dudil bû, xwe nêzî golê nekir. Min da pêş, xaninê bi gavên tirsonek da dû min û em meşiyan, min da ser golê. Meşa li ser avê hestekî ecêb e...

Însan û tirs

Dibêjin her însan bi du tirsan ji diya xwe dibe. Tirsa ji dengê pir bilind û tirsa ketinê, ketina ji dereke bilind. Ev herdu tirs jî ji makzayî bi însên ra hene.

Tirsên din hemû meriv dûra, di jiyanê da xwe fêr dike ya jî tê fêrkirin.

Li Tirkiyê meriv pir zû, berî her tiştî fêrî tirsê dibe. 

Tirkên faşîst û zebanî welatê me li me kirine dojeh

 

Dronereka(firoka bêpîlot) Tirkiyê li Kobanê dîsa malek bombebaran kiriye. Di bombebaranê da du kes hatine kuştin, 6 kes jî birîndar bûne.
Tirkiye heftê çend caran eynî tiştî dike, hefteya tirk çend kurdan nekujin tune ye. Her hefte kuştina çend kurdan ji xwe ra kirine rûtîn.

Tirk ji merivê dîktator hez dikin

Li ser qereketerê dîktatoran gelek teşbîh û aforîzmeyên xweş hene. Li her dera dinyayê qerekterê dîktatoran pir hindik dişibin hev. Li ku dibe bira bibe, tu dîktator dîktatoriya xwe qebûl nake.

Her dîktator dewletê wek milkê xwe dibîne, lema dixwaze ew tenê îdare bike.

Yê dîktaror dixwaze însanên din giş îtîatî wî bikin, ew çi bibêje, çi bixwaze wek wî bikin.

Îro min jî Noel pîroz kir

Îro roja erafa Noelê ye

Di Noelê(Julê)da swêdî hin xwarinên taybetî yên mexsûsî Noelê dixun. Swêdî jê ra dibêjin ”Jul mat”, yanî xwarinên Noelê.

Ji wan xwarinan ya herî muhîm çend şiklên masiyê sîll in.
Ez ji sîll pir hez dikim û her sal di Noelê da 3-4 şiklan dikirim û dixum. Yanî ez jî Noela xwe wiha pîroz dikim.

Girêka Gordîas

Jinikê ji mêrik ra got, "Mêro, tu bî, burûska serê sibê li te xe !"

Mêrik lê vegerand, got:
 "Jinê, ne ez ji ber êrgûn derdikevim der, ne jî burûska serê sibê li min dixe".

Em dikanin vê gotina pêşiyan bi vî hawî jî bibêjin:

Bekçiyê şevê

Ji fabrîqê ra bekçiyekî şevê lazim bû. Mudûr îlanek dabû rojnameya mehelî. Şiyar îlan xwend û çû ba mudûr. Mudûr got:

-Tu dixwazî bibî bekçiyê şevê?

Şiyar got:

Erê mudûr beg.

Mudûr got:

Kemal Kiliçdaroglu jî ji navê Kurdistanê pir aciz e !

Li Anqerê di civînekê da yekî ji serokê CHPê Kemal Kiliçdarogluyê heramzade pirsiye:

-Hinek kes dibêjin Kurdistan, tu ji vê nerehet dibî ya na?

Kemal Kiliçdarogluyê bêesil gotiye:

Xelk bû dahş, em nebûn tu mahş

Gotinên pêşiyan xezîneyeke pir muhîm ya ziman û kultura miletekî ye. Di gotin û bêwêjên pêşiyan da gelek temî û şîretên muhîm û pir hêja hene.

Pêşiyên me bi wan gotinan hestên xwe, fikir, bîr û baweriyên xwe dane der, kirine xezîne û ji nifşên li pey xwe ra hîştine.

Li başûrê Kurdistanê ji 3 kesan 2 kes xwedî erebe ne

Li gorî malpera Kurdistan24ê beşê tirkî nivîsîye li Kurdistanê ji hers ê kesan 2 kes xwedî erebeyeke şexsî ne.

Li dinyayê ji her 7 kesan 1 xwedî erebeyeke şexsî ye, lê Kurdistana Başûr ji 3 kesan 2 kes xwedî erebeyeke şexsî ne.

Yanî halê kurdan hewqasî xweş e, kurd hewqasî zengîn in. Hema hema otomobîleke her kesî heye. Wasîteyên kevn jî najon, erebeyên wan bi piranî nuh û top in. Îsal 107 hezar erebe îtxal kirine.

Di nav çend salan da me ji îspanîyan jî derbas kir

Berê, hetanî salên 1980-2000î jî gîtar di muzîka kurdî da tune bû, tembûr, ûd, cumbûş û keman hebû.

Xortan bi piranî jî li tembûrê disxistin. Jixwe di muzîka elewî da tembûr/saz amûra(enstrûmana)sereke ye.

Lê nuha ez bala xwe didimê xort êdî li tembûrê, li ûdê, li cumbûşê naxînin.

Haya me ji şerpezetîya me tune

Kêsrek* rûniştiye li halê kevir kûr, kûr giriya ye, gotiye ”baran hat kevirê çawa bike?”

Hin kurd haya wan ji halê wan ê şerpeze, giriyê meriv pê tê tune; perîşanî, bindestî û êsîriya xwe nabînin, diçin gazî û hawara koçberên afganî, ereb û afrîqî. Li ser wan tiştên kezebşewat dibêjin.

Bawer bikin halê me kurdan ji yê her koçberê hûn ji bonê digrîn û alîkariyê pê ra dikin xerabtir e.

Reîs milet li hev şaşomaşo kiriye

Bi daketine buhayê Dolar û Euro ra li Tirkiyê û li Kurdistanê gelek kesan qirîza dil derbas kirine.

ên Dolar bi 17 lîreyî kirîbûn li çonga xwe dixin, porê xwe dirûçikînin, dibêjin Reîs dîsa mala me wêran kir.

Dolar bilind dibe em zirarê dikin, Dolara dadikeve dîsa em zirarê dikin. Ev çito îş e?

Emanet

Mêrik ji êvar da bû giramafona xwe negirtibû, wer li muzîkê gudarî dikir, pîlaqek dida ser, yek radikir. Derengê şevê deriyê wî lêket. Çû derî vekir. Yê li ber derî lawê cîranê wî bû. Matmayî ma, got:

-Xêr e ?

-Lîwik got:

-Bavê min got bira giramafona xwe îşev bi emanetî bide me.

Mêrik şaş ma, got:

Dizê bîstana li xwe mukur tê zivistana

Ev demeke Alî Babacan û Ahmet Davutoglu hevalê xwe yê berê Serokê Tirkiyê Recep Tayyip Erdogan bi peyvên giran rexne dikin, hin dizî û sûcên wî îfşa dikin, tinazê xwe pê dikin.

Alî Babacan gotiye , ”dibêjin Reîs, Reîs. Yê jê ra dibêjin Reîs, Reîsê dewleteke eşayîrî ye.”

Ziman him dost e, him dijmin e

Li dinê ji ziman şîrîntir jî tune, ji ziman tahltir jî tune.

Başî jî, xerabî jî, çi tê serê meriv ji ber zimên e. Ziman dipeyive, serî dikeve belayê.

Zimanê dirêj eduyê serî ye.

Zimên got leq, serî got teq.

Li ser rexneyên xwendevanan

Dixwazim mesleyekê li vir zelal bikim. Di Facebookê da 4900, di Twîtterê da 12196 şopînerên min, hevalên min hene.

Di nav wan da kesên ji fikir û bawriyên cihê, kesên ji hev hez nakin, kesên li dijî fikir û siyasetên hev in, kesên ji hev hez dikin, kesên ji hev nefret dikin hene.
Heqaret, bêedebî, cilqî, zirzopî ne têda, her kes kane min rexne bike, li ser nivîs û parvekirinên min fikrê xwe bibêje.

Xewna min û formula Ciwan Haco

Piştî min di Rûdawê da nivîsa Abdula Keskîn (Formûla CiwanHaco û Malcolm X)xwend, min çû xwe li ser dîwanê dirêj kir û di xew ra çûm.

Abdula Keskîn ket xewna min. Min dît ew û Jan Dost li derekê rûniştine û sohbet dikin.

Min got wele fersend ev fersend e, ezê herim li ser vê nivîsa wî pê ra hevpeyvînekê bikim, li ser felsefa jiyanê çend pirsan jê bikim.

Qeyrana Tirkiyê hat gihîşt min jî !

Kirîza(qeyrana) Tirkiyê hat gihîşt Swêd û min jî. Berê min bi 100 kronî porê xwe kurr dikir, îro 150 kron ji min stendin.

Yanî enflasyona Tirkiyê xwe gîhand in jî, ez jî di agirê tirkan da şewitîm

Ez îro çûm ser berberê xwe yê her tim. Erebekî îraqî ye. Porê min baş kur dike.

Berê 100 kron ji kesên teqawid digirt. Cara berê 120 min girt. Min got çima we zêde kiriye?

ENKS Tirkiyê dijminê xwe nabîne

ENKS, Tirkiyê wek dewleteke dagirker û dijmin nabîne. Deh roj berê serokê ENKSê Siûd Mele li Qamîşlo di civînekê da gotibû ew Tirkiyê wek dijminekî kurdan ê sereke dibînin.

ENKS bi beyanekê li dijî vê dîtina Siûd Mele derketiye û gotiye ew Tirkiyê "wek dewleteke dagir û dijmin nabînin, Tirkiye welatekî cîran e."

Ecêba giran, hêzeke kurd çawa kane eşkere wiha bibêje?

Çîroka kevir û kûz

Kevir li kûz(li cer) keve jî wey li halê kûz, kûz li kevir keve jî dîsa wey li halê kûz.

Kîjan li kîjanî keve jî yê li zirarê, yê dişkê tim kûz e.
Qedera me kurdan û ya kûz pir dişibe hev.

Halê tirkan baş dibe jî em li zirarê ne, halê wan xerab dibe jî em li zirarê ne.

Hesab

Mamoste di dersê da ji zarokan pirsî:

-Rêyek otomobîlan(rêya paporê) pêncsed km dirêj e. Ji aliyekî rê(paporê) texsîyek li ser 200 km yî, ji alî din jî texsîyek li ser 190 km yî dajo. Hesab bikin, ewê li ku dera rê(paporê) bigihîjin hev?

Gurgîn got:

Ez fêm nakim li Tirkiyê wezîr ji bo çi hene?

Di praktîkê da tu rol û giraniyeke wezîran tune ye, Erdogan li ser navê wan dipeyive, ji dêl wan ve biryarê dide. Yê wan tenê nav e û dubarekirina gotinên Erdogan e.

Kîjan wezîr dibe bir bibe, berî dest bi axaftinê bike, mecbûr e bibêje:

-Wek birêz seokkomarê me got...

Xwedêgiravî Wezîrê Maliyê heye, lê Erdogan berî wî ji bo salê tê meaşê herî kêm îlan kir.

Ji kirîn û firotina mêwe û sebze bigire, heta birr û bazara sîlehan, balafiran, teknolojiyê yanî di her warî da Erdogan dipeyive, ew birr û bazarê dike.

Efendî îro bi mîmarê Teslayê Elen Musk ra peyivî ye, qey ji wî jî aqil û alîkarî xwestiye.

Ê lawo madem her tişt ew e, medem ewê biryara her tiştî bide û li ser navê her kesî bipeyive, wê demê ev çi wezîr mezîr in?

Di civîna îro da serokê mezin 14 alên sor(êdî bi alekê qîma xwe naynin, dibê 14 heb bin) li pişt xwe rêz kiribûn û dîsa ji qal û bal dipeyivî.

Lê pir efendî pir bêhal, bêmecal xuya dikir, devê wî bi zor digerîya. Pir nexweş xuya dikir.

Dînekî civatek bi xwe ra dîn kir, lê ev perîşanî, ev komedî misteheqê tirka ye, ewê perîşantir bibin. Hûn meaşê herê kêm ne ne bikin 4250, hûn bikin 20 hezar jî dawiya vê kirîzê nayê, serê sebeban Erdogan e, heta ew li ser hukim e hûnê tu carî têr nexwin, hûnê tim motajê parîyek nanê tisî bin.

Xewn

Min xewnek dît, xewnek bi xof bû
şiyar bûm

xew li min gerîya

dikim nakim xewa min nayê

xem û xeyalên salan li min kom bûne
pir in, yek dihere, hezart tên
çiqasî ji dor xwe diqetinîm

çiqasî ji wan direvim dawî nayê
derd pir in, xeyal hezar in

şev zîz bûye

destê sibê ye

ez û bêdengî mane bi tenê

ne oda xalî, ne bêdengî bi min ra dibe pîbar

ne jî xeyalek xweş bi tenêtiya min ra dibe heval
rê dûr e, barî giran e

ez û tenêtî û çend xeyalên salan û oda xirûxalî

berbang ne dûr e, hindik maye…

 

Li Tirkiyê 24 kes bi alkola sexte jahrdadayî bûn û mirin

Li Tirkiyê li 8 bajaran 24 kes bi alkola(meya, araqa) sexte jahrdadayî bûn û mirin.

Li Stenbolê, Antalyayê, Meraşê, Dîlokê, Sêwasê, Erzînganê,

Mêrsînê û Yalowayê 24 kes bi alkola sexte jahrdadayî bûn û mirin û gelek kes jî di nexweşxaneyan da tên tedawîkirin.

Di nava çend rojan da mirina 24 kesan bi alkola sexte felaketeke mezin e.

Tirk dixwazin li vê dinyayê kurd tunebin

Berdevkê PDK-Bakur Hişyar Ozalp, piştî dadgeha qetlîama malbata Dedeoglullari gotiye, ”dinyayeke bê kurd dixwazin, ji bo wê ev qetlîam çê bû.”

Rast e, lê ne qatilê 7 ferdên malbata Dedeoglullari bi ser hev da kuştin tenê, hukûmeta AKPê jî, piraniya tirkan jî dinyayeke bêyî kurd dixwazin. Dixwazin li vê dinyê kurd tunebin û ji bo ku koka kurdan biqelînin çi ji destê tirkan tê texsîr nakin.

Ji bo wê ye 3 beşên Kurdistanê dagir kirine û her roj çend derên Kurdistanê bombebaran dikin.

Devê rast û devê xwar ji hev xuya ye

Deve her du çavên xwe girtin û da nav erdê pembo. Ji wî wetnê kes wî nabîne.

Hin siyasetmedar jî wer bawer dikin kes nabîne ew çi dikin. Lê ne wisa ye.

Devê rast û devê xwar ji hev xuya ye, xelk dibîne kî rast dibêje, kî derewa dike. Reva pisikê heta kadînê ye.

Kurdî halê xwe wer dî !

Dibêjin camêrek hebû, dema nanê wî hebû dewê wî tune bû, dema dewê wî hebû nanê wî tune bû. Dema her du jî hebûn ew ne li mal bû.

Welhasilî kelam xwarina nan û dew bi hev ra tu carî nebû qismet û nesîbê wî.

Me kurdan berê digot, ji bo ku em ji bindestiyê xelas bibin, Kurdistanê û dewleta xwe ava bikin kes alî me nake. Heger dostên me hebûna, Amerîka, hin dewletên zurt alî me bikirana me yê dewleta xwe çêkira.

Ji tirkan ra ev perîşanî hindik e

Bi Xwedê tiştê hatiye serê tirkan heq û misteheqê wan e, ew tam layiqî serokekî wiha û perîşaniyeke wiha ne.

Hewqasî perîşan bûne êdî nanê tisî jî bi destê gelekan nakeve. Kes nikane qedeh şîr bide zarokên xwe.

Li dinyayê perê herî bêqîmet, perê her roj, her saet ji qîmet da dikve perê tirk e.
Bi sedhezaran însan nikanin kiriya xaniyê xwe, heqê elektirîk û ava mala xwe bidin.

Rehetiya tirkan di azadiya miletê kurd da ye

Lîreya Tirkiyê îro dîsa ser serî loxî jêr bûye, Dolarekî Amerîkî bûye nêzî 15 lîreyî. Bankeya Merkezî dîsa midaxela borsayê kiriye. Ji xwe her roj midaxele dike.

Banka Merkezî midaxela dereke şaş dike, ji dêlî borsayê dibê midaxeleyî Erdogan bike. Lê wiya jî nuha kes newêre. Ew jî ne hedê kesî ye.

Fêlbazî

Mudûrî fabrîqê du karkirên ji kar findirandibûn, ji xwe ra sohbet dikirin dît. Hinekî bi hêrs ji wan ra got:

-Ji bo çi hûn naxebitin?

Gotin:

-Em dixebitin mudûr beg. Em vî keresteyî dibin rendekirinê.

Mudûr got:

Mêrik dixwaze medyaya sosyal li dinyayê nemîne

Serokê Tirkiyê Recep Tayyip Erdogan gotiye, ”medyaya sosyal ne li ser ewlekariya me ya netewî tenê, li ser ewlekariya cîhanê jî êdî bûye gefeke mezin.”

Dizo, ji bo ku kes bi virên wî, bi diziyên wî, bi sextekariyên wî, bi zirzopiyên wî nehese dixwaze medyaya sosyal ne li Tirkiyê tenê, li seranserê dinyayê qedexe bike. Ji bo ku têr bideze, zulmê bike kes pê nehese.

Nêt ji gotinê muhîmtir e

Ji bo min nêta însên, dilpakiya însên pir muhîm e, ez bala xwe didim wê û li gorî wê hereket dikim.

Ji bo ku meriv ji însanekî bawer bike, dibê meriv ji gotinên wî bêtir nêta wî bizanibe, di nêta wî derxe. Ya muhîm ne gotin e, dil e, nêt e.

Heger bi nêteke pak şaşiyek kiribe, dilê we hîştibe jî xwe jê nexeyidînin, baweriya xwe pê bînin, jê hez bikin.

Şerê dil û aqil

Dil û aqil gelek caran li hev nakin, tim bi hev dikevin.

Dil, tim dixwaze rastiyê bibêje, aqil tim îtîraz dike, dibêje bîna xwe fireh bike, biaqil be.

Dibê meriv carnan bi ya dil, carnan jî bi ya aqil bike. Carnan bide dû dil, carnan jî bide dû êqil.

Lê dibê kînga meriv bi ya dil bike, kînga bi aqil bike ew pir zor e. Dimîne li ser êdî kê zora kê bir.

Dînê, çima te wiha kir?

 

Evîn Guneş

Ji vêsê da ye ez di bin tesîra ”mirina” Evîn Guneşê (Fatma Demirel) da me. Kezeba min perritî.

Ez nikanim li rismê wê binêrim. Gava min xebera întîxara wê xwend ez kelogirî bûm. Bi vê qedera wê ya reş dilê min pir şewitî.

Tu kes ji kêfa xwe nakuje, miheqeq sebebekî cidî heye, lema mirinê ji jiyanê çêtir dibîne.

Ziman girtî serî rehetî

Carnan dibê meriv bi zimanê xwe kanibe û li malika xwe rûne. Meriv nikane qûna dinyayê rast bike. Pêşiyan gotiye zimanê xwe bibire, ciyê xwe bikire.

Hin dost û heval hin karên ne li gorî dilê min dikin, bi baweriya min hin tiştên şaş dibêjin, hin karên şaş dikin û diparêzin.

Em van mirdaran baş nas dikin

Hukûmeta li Tirkiyê îro li ser hukim e heta hûn bixwazin xerab e, yên hukûmetê, dewletê îdare dikin zalim in, zulimkar in, irqçî ne, faşîst in, mirdar in, neyarên me ne, serokê wan klîptoman e.

Em giş van tiştan zanin, problem ne ev e, ne hewce ye em xerabîyên wan tim dubare bikin.

Tiştê ji me ra lazim e riya xelasiyê ye, emê çawa ji bin destê van zaliman, van mirdaran xelas bibin?

Hevza xwe ji bêedeban bikin !

Gava dil reş be, bêterbiye be ji zimên jahr û zuqûm dibare. Merivê bêedeb gotina xwe nizane, pir rehet bêexlaqiyê, zirzopiyê dike.

Meriv ne rimildar e di exlaqê însên derxe. Kî bi edeb e, kî bêedeb e di minaqaşeyê da diyar dibe.

Meriv bi bêedeban ra nekeve minaqeşê baştir e.

Erdogan careke din Yekîtiya Ewrûpayê bêminet kir

Serokê Tirkiyê Recep Tayyip Erdogan, ji bo biryara Yekîtiya Ewrûpa ya di heqê Osman Kavala û Selahettîn Demirtaş da Yekîtiya Ewrûpayê bêminet kiriye, gotiye em biryarên we nas nakin, çi ji destê we texîr nekin Hûn bêminet !

Gotinên Erdogan:

Bi van serokan em tu havilê nakin

Yên yekîtiya miletê xwe çê dikin jî însan in, serok in, yên miletê xwe bi hev dixin, perçe perçeyî dikin jî însan in, serok in.

Yên miletê xwe ji bindestiyê xelas dikin, jê ra dewletê ava dikin jî însan in, serok in, yên bindestiya miletê xwe dirêj dikin, ji şert û fersendên ji bo azadbûnê, ji bo serxwebûnê peyda bûne sûdê nagirin û dibin sebebê malwêraniya gelê xwe jî însan in, serok in.

Sîstema nuha

Profesorê dersa kîmyayê di dersê da li ser bidestxistina proteînan dipeyivî. Qala gelek tiştan kir, dûra got:

-Rojekê were însan ewê kanibin bi riya kîmyayê însanan jî çêkin.

Xwendekarekî got:

Fen û fût bûye karê Erdoganê rût

Erdogan wer li ser telefonê ye, telefon ji dest nakeve, rojê telefonî serokên çend welatin dike. Tebatî nayê, wek gêrik tê da bin.

Lê bi telefonkirinê jî qîma xwe nayne, wek delalê kerê xwe wenda kiribe, rojê baz dide welatekî. Hesabê wî ereban û afrîqiyan bixapîne. 

Çû Qeterê, jê ra pere lazim e, li parsê digere. Dixwaze bi fen û fûtan xwe xelas bike. Fen û fût karê mêrikê rût. Lê ereb jî şît in, êdî wek berê naxapin.

Îro roja keskesoran bû

Foro: Zinarê Xamo

Îro li Stockholmê rojeke muhteşem bû. Erd, ezman di bin tîrêjên rojê da reng rengî bûbû, dibrûsî.

Hewa di binê sifirê da 16 derece sar bû. Berfeke pir hûrik, çavê meriv nedidît dibarî.  
Peşkên berfê di binê tîrêjên rojê da wek hebên krîstalan dibrûsîn.

Zimanê te nagere

Yê waiz li mizgeftê Xwedê tarîf dikir:

-Ne li erd e, ne li ezmîn e. Ne dixwe, ne vedixwe. Ne radikeve, ne şiyar dibe. Ne bavê wî heye, ne diya wî heye. Ne bavê kesî ye, ne diya kesî ye...

Ji nava cimatê yekî got:

Pakêta "HEBÛ TUNE BÛ" bû îro gihîşt Stocholmê !

 

Çend heb ”Hebû tune bû” îro gihîştin destê min, lê ne bi rehetî, pişt xistin ber min.

Carnan li ciyê rehetiyê ez karê dûrî aqila dikim. Îro jî min tiştekî wer kir. Min ji postexanê pakêta 10,300 xiram giran, belkî riya 2 km dûr, kir hêmêza xwe û bir malê.

Bariş Kargoyê do ji min ra mesajek şandibû, digot pakêta Weşanxana Dara ji te ra şandiye hatiye, here bigire.

Zêdeyî mehekê ye ez li bende me. Vêsê min got ezê herim berê gera xwe bikim, ji wir jî ezê herim rahîjim pakêta xwe û herim mal. Xanim îro bi min ra nehat gerrê, got karê min heye...

Me guh neda sir û sermayê

 

Sir û sermayê baş bi pêsîra Stockholmê girtiye, bernade. Berf nabare lê serma têra xwe heye.

Îro herêma me 7 derece di binê sifirê da sar bû û ba jî hebû.
Ji ber bê hewa sartir bû, çûk li hewa diqefilî. Lê min û xanimê kincên germ li xwe kir û me berê xwe da daristanê.

Em 104  deqeyan, tam 8 km meşiyan. Eybe meriv pesnê xwe bide, lê di vê sermayê da hewqas meş ne karê her kesî ye.

Hin kes ji mirîd û şelafan hez dikin

Tu merivekî çiqasî baş, pak, dirist bî, ji gel û welatê xwe ra çiqasî karê baş bikî jî ji bo hin serok û siyasetmedaran dîsa jî têrê nake, dîsa jî tu xerab î, dîsa jî te afaroz dikin.

Çimkî tu ne mirîdê wan î, çimkî tu ji wan ra şelafiyê nakî, gav û saetê ji pesnê wan nadî.

Li ba wan şelaf, mirîd ji merivên çê, ji merivên pak baştir in, lema qedir û qîmetê didin mirîd û şelafan, lema wezîfê didin wan...

Erdogan ji Alî Babacan ra gotiye "dera ez lê serokwezîr bim ma mimkûn e tu devê xwe vekî ?"

Serokê Tirkiyê Recep Tayyip Erdogan di axaftina xwe ya Sêrtê da serokê partiya DEVAyê Alî Babacan rexne kiriye, gotiye law Elo, ”dera ez lê bim ma tu kanî devê xwe vekî ? Tu çi pesnê xwe didî ? Te tiştek jî nekiriye, hemû talîmat min dan, min îmze kir…"

Alî Babacan di nabêna 2002-2015a da 13 salan çend wezîrîyên cihê kir, bû wezîrê karên derve, wezîrê ekonomiyê û cîgirê serokwezîr Erdogan.

Bi aqilê sivik barê giran ranabe

Tirk merivên pir ecêb in. Tu carî nikanin bêyî dijmin bijîn, miheqeq hin welat dijminatiya Tirkiyê dikin, dixwazin Tirkiyê ji ortê rakin. Dijminên Tirkiyê tim hene, ew nahêlin Tirkiye bi pêş keve.

Li Tirkiyê çi gelş çê bibe sebeb tim hinekên din in, dijminên der û hundur in, ew aboriya Tirkiyê xera dikin, ew qîmeta perê Tirkiyê dixînin. Berpirsiyarên hukûmetê, piraniya tirkan wiha difikirin, wiha dibêjin.
Yanî sebebê kirîza Tirkiyê ya aborî ne ne hukûmet e, ne dîktatoriya Erdogan e, Amerîka ye, Yekîtiya Ewrûpayê ye, dijminên tirkan in, ew wiha dikin.
Gava aqil kêm be, totik vala be meriv wiha dibêje...

Me îro hewşa xwe ronî û rengîn kir

 

Çend roj berê qabloya ronahiya ser deriyê me qetiya, hewş tarî bû. Em carê fêrî hewşa ronî bûne, lema jî min çû yeka nuh kirî.
Cîranê min ê swêdî yekî hoste ye, gelek kar ji destan tê, mala camêr ava be, hat alî min kir, meqeba xwe anî, dîwar ji min ra qul kir.  
Karê ji destê min nayê, ez ban wî dikim, her alet û hacet li ba wî heye, tê ji min ra çê dike. Gava dibîne ez nikanim û ew kane pir kêfa wî tê. Vê carê jî wer bû.

Dibê ev qetlîam ji qatilên Daîşê ra nemîne !

Roj derbas nabe em xebereke reş, xebereke xemgîn, dilşewat nebihîzin û pê kezebşewitî nebin.
Do bi şev qatilên Daîşê li herêma Mexmûrê, li gundê Xidircîce 10 pêşmerge û ji malbatekê sê bira şehîd kirin.

Van qatilên devbixweîn çawa kanîbûne di êrîşekê da hewqas pêşmerge bi ser hev da bikujin aqilê meriv nagire.

Dewleta we serê we bixwe !

Meqbûle Ozbek

Mahkima dewleta dagirker a Diyarbekrê îro 7 sal 6 meh cezayê hefsê daye Dayika Aştiyê Meqbûle Ozbeka 72 salî.

Hûn barbar in !
Hûn û edaleta we qurişekî jî nakin.
Mahkimeyeke cidî, bi rastî mahkime bi dereweke hewqasî mezin 7 sal û 6 meh ceza nade jineke 72 salî.

Berfa me dereng ma lê şevê çûnî barî

Şevê çûnî berfa me ya pêşî barî, hewşa me, hawirdor sipî boz kir. Em li bende kevzikî bûn. Lê wa ye barî û him jî xweş barî. Ya baş çend derece di binê sifrê da sar e, nahele.
 
Çaxa baran dide ser berfê meş û gerr zahmet dibe, herder dibe avzêm.

Mubarekê îsal pir dereng barî. Salê van çaxan çongekê berf li erdê bû. Lê bi derengî be jî baş bû hat, me nebarîya me yê çi bikira.
Bîsteke din ez û xanimê emê derkevin têr bigerin.

Erdogan şevê wezîrekî diguherîne

Erdogan do bi şev nîvê şevê Wezîrê Xezînê û Maliyê Lutfî Elvan qewitand û hemşeriyê min Nûreddîn Nebatîyê wêranşarî danî ser kursiya wî, got vê carê bira navê te Wezîrê Xezînê û Maliyê be...

Ez nizanim ev dîno çima tim derengê şevê xelkê ji wezîfê digre û hinekên nuh datîne dewsa wan?

Law malneket, bihêle sibe tê xêr vêra. Çima tu xelkê şev nîvê şevê bi hev diguherînî?

Li Swêd rojnamevan hene !

Serokwezîra Swêd ya nuh Magdalena Andersson hukûmeta xwe do eşkere kir. 22 wezîrên hukûmeta Swêd hene; 11 jin in, 11 mêr in.

Li Swêd adetek pir xweş heye, dema hukûmetek nuh ava dibe, rojnamevan ji wezîran pirsa pirêze û sicîla wan dikin, dibêjin:
-Di garderoba te da tu cendek/term heye ya na?

Yanî pirêza te, sicîla te paqij e ya na? Te tu sûc, tu tiştekî xerab kiriye ya na?

Nanê teze

Mamost di dersa dînî da qala mijara duakirinê, ji Xwedê alîkarî xwestinê dikir. Ji sinifê pirsî:

-Çima em bi xwestina carekê qîma xwe naynin, em di nimêja her sibê da ji Xwedayê xwe alîkariyê û nan dixwazin.

Zînê destê xwe bilind kir, got:

Sar û serma hat lê min jî tedbîra xwe girt

Gava sar û sermayê dest pê kir, sal çetin hat, dibê meriv jî ji salê çetintir be, bedena xwe baş biparêze.

Îro ji do sartir bû, -8-9 derece sar e. Sibe ewê ji îro hîn sartir be.
Min qapût, qazax û pantorê zivistanê bera ser bejna xwe da, kumê xwe da serê xwe, lepikê xwe kir destê xwe, potîna zivistanê kir pê û ez û xanim derketin derve, gerra xwe ya rojane. 

Sohbeta min û kalê alkolîst

Piştî me gerra xwe qedand, ez ji xanimê veqetiyam, ew çû malê, min jî berê xwe da sentrûmê, ser mêwefiroşê me. 
Bi rê da kalekî(serxweşekî, alkolîstekî)swêdî şûşeyeke Jägermeister di dest da li ser benkekê(kursîyekê)rûniştibû, bi dilşadî dermanê xwe vedixwar.
Ez zû dimeşiyam. Çaxa min nêzîkayî lê kir, destê xwe li min bilind kir, ji min ra got:
-Merheba ji te ra !

Corona ne bes bû Omîcron lê zêde bû

Em hîn ji Vîrusa Coronayê xelas nebûne Omîcron jî lê zêde bû.

Qey cî hinekî li Coronayê teng bûye Omîcron hatiye hawara wê. Berê jî çend çêlik, varik-marik hatin alîkariya Coronayê lê nikanîbûn zêde li ber xwe bidin, zû ji desthilanîn da ketin.

Lê dibêjin Omîcron ji diya xwe Coronayê jî xerabtir e, pir zalim û no ye, dibê meriv hevza xwe jê bike.

Qelem û kompîtor

Berê me halan di qelemê hildida, me pesnê qelemê dida. Meriv digot efendim qelema min di xizmeta welat û miletê min da ye. Qelema welat û miletê xwe neparêze bira ew qelem bişkê.

Lê êdî kes qelemê bi kar nayne, kompîtorê ciyê qelemê girtiye. Însanan nivîsa bi qelemê jî ji bîr kirine.

Bersîva Cemîl Oguz

Cemîl Oguz, ez rexne kirime, xwestiye ez ji xwendekaran lêborînê bixwzim. Wiha gotiye:

"Hêja Qubad ji xwendekaran lêborîn xwestiye. Kek Zinarê Xamo ji ber ku bêyî tu bifikirî ku ev vîdyo ne rast e û te belav kir û te ew wekî "kesên şîrheram" û wekî xayîn îlan kiribûn. Fikra min ew e tu jî divê lêborînê bixwazî ji wan kesan. Dîsa jî tu zanî. Silav bo te."

Cemîl, ev tiştê tu dikî qet ne xweş e. Tu li ciyê rehetîyê meriv diêşînî, dilê hevalê xwe ji xwe dihêlî.

Dibê qatilên Daîşê nikanîbûna ev derb li hêzên pêşmerge xistana

Do bi şev li Silêmaniyê qatilên Daîşê êrîşî hêzeke pêşmerge kirine, 5 pêşmerge şahîd ketine, 4 pêşmerge jî birîndar bûne. Pir xemgîn im. Kezeba min peritî.
Dibê van çeteyên devbixwîn nikanîbûna ev derb li pêşmerge xistana. Vê xebera reş ez hejandim.

Ev demeke êrîşên ser pêmergeyan zêde bûne, kane tiliya artêşa Îraqê tê hebe.

89 salberê sernivîsa rojnameya Cumhûrîyetê: Ji Tirkiya kemalîst silav ji Îtaliya faşîst ra !

Di 22ê gulana 1932a da, roja serokwezîrê Tirkiyê yê wê demê Îsmet Înonu derdikve rêwîtiya seyaheta Îtalyayê, rojnameya Cumhûrîyetê rêwîtiya Înonu kiriye xebera sereke û bi pûntoyên mezin wiha nivîsîye:

-Ji Tirkiya kemalîst silav ji Îtaliya faşîst ra !

Pîvaz çi sor, çi sipî ferq nake...

Hin kes ji bo ku dilê qismekî tirkan ji xwe nehêlin û dijminên xwe zêde nekin, di mesela kurd û Kurdistanê da tim dawdişînin kemalîstan, tim davêjin ji kemalîstan da û wan rexne dikin, xerabiyên wan, zulma li kurdan kirine li pey hev rêz dikin.

Fena ku yên ne kemalîst in baş in, ji kemalîstan gelkî çêtir in. Ev fikreke şaş e, tirk çi kemalîst, çi antî-kemalîst di mesela kurd û Kurdisranê da giş wek hev difikrin, giş tûranciyên ji hev xerabtir in.

Bi şevbêrkên wiha bîna meriv fire dibe

Sipas ji bo hevalên PAKê, do êvarî em çend heval, nas û dost anîn ba hev. 
Bi xêra vê însîyatîfa wan me bi hev ra çend saetên xweş bihurand, şevbêrkeka me bîriyê kiribû derbas kir.
Xaniman û camêran haziriyeke baş kiribûn. Hin xwarinên sivik û sihî hazir kiribûn. Helbet şeraba sor û sipî jî ji bîr nekiribûn. Me him zikê xwe têr kir, him jî serê xwe xweş kir.
Yanî her kes memnûn vegerîya mala xwe.

Tiştên entîke

Du jinên navsale sohbet dikirin. Yekê ji ya din ra got:

-Keçê tu zanî, mêrê min yekî pir ecêb e, sal çiqas derbas dibin bêtir ji min hez dike.

Hevala wê got:

Di 50 salîya trajedîya herdu Seîdan da pêşnîyarek ji malbatên Seîd Elçî, Dr. Şivan û hevalên wan ra

 

50 sal di ser bûyera trajîk, şehîdbûna Dr. Şivan, Çeko, Birûsk û Seîd Elçî ra derbas bû. Hîn jî hestiyên wan, cenezayên wan teslîmî malbatên wan nekirine.
Ev zulm e, neheqiyeke mezin e.
Gerek serok û berpirsiyarên PDKê bi merasimekê hestiyên van şehîdan teslîmî balbatên wan bikin.
Serîlêgerandin, nedan, negotina rastiyê neheqiyeke pir mezin e.Gerek êdî dawî li vê trajediya mezin were anîn. Ev jî di destê Mesûd Barzanî da ye.

Gundê merivên kor

Dibêjin merivekî bi çavekî hebûye, merivekî gerrok bûye. Hal û karê wî ger û seyran bûye. Xwestiye tim here bigere, derên xerîb û dinyayê bibîne.

Rojekê dîsa derketibûye rêwîtieyekê. Pir çûye, hindik çûye, rastî gundekî pir xweşik hatiye.
Mîmarîya xaniyên gund, rengên wan pir tevlihev û ecêb bûne, her yek bi hawa kî bûye.

Serokwezîrtiya wê tenê 7 saet ajaot

 

Magdalene Andersson

Do di tarîxa Swêd ya siyasî da rojeke pir dramatîk û tevlihev bû. Li Swêd cara pêşî bû jinek, Magdalena Andersson bû serokwezîr. 

Lê piştî heft saetan ji ber ku Partiya Keskan(MP) ji koalîsyonê îstîfa kir, hukûmet ket û Magdalena Anderssona heft saet berê bûbû serokwezîr îstîfa kir.

Yanî serokwezîrtiya Magdalena Andersson xanima Sosyal Demokrat tenê heft saetan ajot.

Ez îro rastî tolikê hatim

 

Tolik

Ev 41 sal in tolika delal bi devê min nebûye. Îro li ser mêwefiroşê taxa me xanimê got Zinar, hela bala xwe bidê ev tolika me ye!
Min bala xwe dayê rast e, eynî tolik bi xwe ye.
Min di cî da rahîşt baqekê. Min got madem tolik hatiye Swêd nabe em nekirin û nexwin.
Bîsteke din ezê biqelînim, tolika bi hêk çêkim.

Kursîya Erdogan diheze

Dibêjin li hin taxên Anqerê û Stenbolê tirkan li hemberî hukûmetê serî hildane, gotine AKP îstîfa !
Wey ser xêrê be !
Wey mala Xwedê ava be!

Law ehmeqno, bi Xwedê heger hûn vî sextekarê diz nexînin hûnê bi parsê kevin.

Ev nîna ye, tirnîna hîn ma ye...

Heger hûn dixwazin bêtir rezîl û perîşan nebin dibê hûn vê rejîmê bixwînin.

Gerek Korona êdî nikanibe bela xwe di min bide

Min derzîya Korona a sisiya jî îro li xwe xist !

Ez îro vaksîna sisiya jî bûm. Piştî derzîya sisiya dibê Korona morona êdî nikanibe bela xwe di min bide.

Ne wisa be jî ew his bi min ra heye, ev jî têra min dike.

Piştî hemşîre xanimê derzî li min xist, ez derbasî salona rûniştinê bûm. Rutîn wisa bû.

Nimêja îniyê

Xoce Nesredîn (Melê Meşûr) li kerê xwe yê meşûr siwar bûbû û hêdî hêdî diçû. Bi rê da nasekî wî jê pirsî:

-Xoce, vî serê sibê tu wiha bi ku da diçî?

Xoce got:

-Diçim mizgeftê nimêja îniyê.

Mêrik got:

Ez heyranê jîrîtiya kurda me !

Ez heyranê jîrîtî û jêhatîbûna kurda me, bêyî ku bi salan herin mekteb û medreseyan bixwînin, xwendin û nivîsandina zimanê xwe fêr bûne û gelek berhemên giranbuha nivîsîne.

Dinya alem, ferdên miletên din ji bo ku xwendin û nivîsandinê fêr bibin bi salan dixwînin, di dibistan û zanîngehan da umrekî derbas dikin.

Kurd wek gedeyê navika xwe bi xwe bibire, bêyî ku rojekê herin dibistan û zanîngehan, xwendin û nivîsandina zimanê xwe li malên xwe, bi xwe fêr dibin.
Dibê meriv ji dil teqdîr bike.

Rismekî 41 sal berê û pirsek

 

Ez hêdî hêdî dûzanekê didim arşîva xwe, tiştên dubare, sêbare jê davêjim. Gelek risim, dokument dubare, sêbare hatine parastin.
Di vê nabênê da rastî gelek tiştên xerîb têm.

Ev risim sala 1980î li Almanya, li bajarê Darmstadê li mala Mistefa Koseoglu hatiye girtin.

Dibê zirtebozî bêbersîv nemîne

 

Wezareta Pêşmerge pir baş kiriye bersîv daye wezîrê karên derve yê Tirkiyê Hulûsî Akarê gotiye ”ne li Tirkiyê, ne jî li dervayî Tirkiyê Kurdistan tune ye.”

Lê bi bawerîya min ev bersîva dibê Wezareta Pêşmerge neda, wezîrê karên derve ya jî serokwezîrê Kurdistanê bida. Yanî dibê hemtayekî(muadilekî)Hulpsî Akar ev bersîv bidayê. Di dîplomasiyê da ev yek pir muhîm e, li gorî wê rûmet û cidîyet tê dayin.

Gerek serok û wezîrên Kurdistana Federe, serokên partiyan li hember bêedebî û zirteboziyên berpirsiyarên Tirkiyê yên bi vî rengî tu carî bêdeng nemînin, xwe kerr nekin, miheqeq reaksîyoneke cidî nîşan bidin. Gava wiha nebe tirk aşûnî dibin, rû digrin, bêedebiyên xwe bi pêşda dibin.

Riya bextewariyê

Nivîskar, mucîd û fîlozofê amerîkî Benjamîn Franklîn li ser bextewarbûnê pêşniyareke pir xweş kiriye, gotiye:

”Du riyên bextewarbûnê hene. Ya dibê meriv daxwazên xwe hêm bike, ya jî îmkanên xwe zêde bike.”

Em miletên asyayî û afrîqî ji bo jiyaneke xweş û bextewar ne daxwazên xwe kêm dikin, ne jî îmkanên xwe zêde dikin; ji dêlî wê va ji welatên xwe direvin, dikevin riyên mahciriyê. Li welatên xelkê, li ser sînoran perîşan dibin, dimrin lê dîsa jî venagerin welatê xwe.

Zarokên xwe ji van xemîşokan bêpar nehêlin

Dê û bavên hêja, antolojiya ”Hebû tune bû” li Fûara Kitêban a Mêrsînê hatiye ber nigên we.

Ne hewceye hûn herin li kitêbfiroşan bigerin ya jî bi riya netê temî bikin. Êdî ev yek jî ne hewce ye, hema herin Fûarê û riya xwe bi pavîlîona/standa ”pirtukakurdî” xin û ji zarokên xwe ra ”Hebû tune bû”yekê bikirin.

Gurrî mir bû gulîsor

Hevalên Weşanxana Nûbiharê di malpera xwe ya twîtterê da sersaxî ji malbata Sezaî Karakoçê şair û nivîskar ra xwestine, gotine:

”Şiar û Nivîskarê Diyarbekirî Sezai Karakoç wefat kir; Xweda wî bi rehmeta xwe şad bike, cihê wî cennet be. Em, ji malbat, dost û ji hezkiriyên wî re sebr û metanetê dixwazin.”
Raîf Yaman ji vê mesaja Nûbiharê gazin kiriye, gotiye:

”Vî camêrî hebûna kurdan û zimanê kurdî înkar dikir, bi hawayekî berbiçav rêgezperestî dikir. Merivek di saxîya xwe da li dijî çi be, dema dimire jî ew e, naguhere...”

Erdogan dixwaze hokus-pokuseke din dîsa bibe serok

Li Tirkiyê sîstema serokatiyê heye. Ji bo ku yek bibe serok dibê di hilbijartinan da ji %51ê rayan bigire.

Li gorî ankêtan di hilbijartinên 2023a da Erdogan nikane ji %51ê rayan bigire. 
Erdogan ev yek baş fêm kiriye. Lema jî ji nuha da dixwaze bi hokus-pokusekê sîstema ji %51ê bide aliyekî û bi rayên hindik jî careke din bibe serok.
Yanî heger rayên wî ji %20 be jî dîsa bibe serok. Ji nuha da senaryoyên vê pilana xwe çêdike, diceribîne.

Hevpeyvîna bi malpera Hawar netê ra

2009-9-20

Ji kerema xwe bi xwendevanên me bide nasî.

Ez ji Wêranşara qeza Ruhayê me. Li wir hatime dinê û heta 30 saliya xwe li wir jiya me.
Di destpêka salên 70-î da di nava tevgera KÎP/DDKD-ê da min dest bi siyasetê kir û heta van salên dawiyê jî wiha mam.
Lê nuha bi tu rêxistinê ra naxebitim.

Ji sala 1980-î virda ye ez li Swêd li surgûnê me û heta nuha jî nikanim herim welatê xwe.

Bersîveke 21 sal berê

Merheba Mehmet Elî !*

Ji bo ku min bersîva te bi derengî xist li qusûra min nenêre. Min nexwest bînim ecelê û bi du sê gotinan bersîva te bidim.

Ji ber ku li gor min, te gelek tiştên ”girîng” û manîdar gotine. Û loma jî nin rast nedît van dîtinên te bêbersîv bihêlim.

Li Wêranşarê her çiqas min dixwest jî lê min wext nedît bi te ra hinekî sohbet bikim.

Min îro hewş ronî kir

Min îro dîsa karekî baş kir. Min hewşa me, dora dara mêwê ronî kir, bi lampên biçûk xemiland. Heger xaniyê meriv bi hewş be meriv her sal di Noelê da hewşa xwe ronî dike.

Li Swêd êdî her ku diçe dinya tarî dibe, şev dirêj dibin, roj kin dibin. Lema meriv bi lampeyên biçûk hewaşa xwe, der û dorê ronî dike.

Ji ber buhabûna şekir û çayê Qahwexanryên Kurdistanê vala ne

Li Tirkiyê û Kurdistanê ji ber buhabûna şekir însan wek berê êdî nikanin herin qahwexaneyan û çayekê vexwin. Yanî çay jî wek qahwê buha bûye.

Li Tirkiyê di demek pir kin da şekirê çayê ji sedî 30 buha bûye. Li qahwexaneyan qedehek çay berê bi 1,5 lîreyî bûye, piştî buhabûna şekir bûye 2 lîre.

Xwediyên qahwexaneyan ji buhabûna şekir, xelk jî ji buhabûna çayê gazinan dike.

Xebera xêrê

Mêrik êvarî dema çû mal, jinikê baz da, çû pêrgî, destên xwe li hustu pêça û bû mirçîna wê mêrik maç kir û got:

-Şîrînê min îro ez pir kêfxweş im, di demek nêz da emê bibin sê kes.

Mêrik got:

Yê bibêje Kurdistan tune ye dibêje kurd jî tune ne

Wezîrê Parastinê Yê Tirkiyê Hulûsî Akar di civîna meclîsê da gotiye, ”ne li Tirkiyê, ne jî li derveyî Tirkiyê coxrafîyeke bi navê Kurdistanê tune ye.”
Parlamenterê HDPê Garo Paylan, Kurdistana başûr bibîr xistiye, gotiye:
-Ma Herêma Kurdistana Îraqê jî tune?
Hulûsî Akar gotiye:
-Na xêr, tune ye.

Çend rismên tarîxa min

 

Hin risim hene tarîxî ne, jiyana meriv ya borî, tarîxa meriv radixin ber çavê meriv.
Bi temaşekirina li wan hafiza meriv tevra dibe, xwe nuh dike, tiştên meriv ji bîr kirine tên bîra meriv. Wek meriv li fîlmê jiyana xwe temaşe bike.
Risim ne fîlm e, lê ji bo hafizayê rola fîlm dibîne, serpêhatiyên jibîrbûyî tîne bîrê...
Ev çend rismên min jî rismên wiha ne.

Gerek meriv qatilên bav û kalên xwe ji bîr neke

Heger piçek xîret û heysîyet bi meriv ra hebe meriv qatilên bav û kalên xwe, qatilên bi hezaran pêşiyên xwe ji bîr nake, nabe hevalê wan, di tu warî da piştgiriyê nade wan.

Xortekî bi navê Denîz Ozer gotiye, "Bavê xwe ji bîr bikin lê kujerê bavê xwe ji bîr nekin!"

Temî û şîreteke di cî da û rast e. Dibê meriv qatilên bavê xwe ji bîr neke.

Ma we zanîbû bi hezaran kurdên başûr bûne hemwelatiyên Tirkiyê ?

Do di malpera Rûdawê da xebereke pir ecêb û pir balkêş hebû, kesî qet tiştek li ser negot. Piştî min xwend ez şok bûm !

Rûdawê îstatîstîkên ankêta xerîbên(biyaniyên) li Tirkiyê herî zêde xanîyan dikirin û herî zêde dibin hemwelatiyên Tirkiyê belav kiriye.
Li gorî îstatîstîkên dewletê yên resmî((TUIKê))li Tirkiyê di meha cotmehê(meha 10a)da 5 hezar 893 xanî xerîban, kesên ne hemwelatiyên Tirkiyê kirîne.
Di nav wan da herî zêde îranîyan û piştî îranîyan jî kurdên Kurdistana Başûr kirîne.

Bi van kirinên xwe hûn xwe pîstir dikin

Seyid Riza

Hêzên dewleta dagirker nehîştine li Dêrsimê xelk Seyid Riza bibîr bîne.

Seyid Riza rêber û mezinekî miletê kurd e. Hûn çi bikin jî miletê kurd vî rêberê xwe yê mezin ji bîr nake.

Bi qedexekirinê kurd dev ji doza xwe ya azadî û serxwebûnê bernadin.
Barbarîya we, we biçûktir û pîstir dike.

Bi swêdî navê vê çûka kurdî ye

 

Lawikê min Azad navê vê beytikê/çûkê ji min pirsî ye. Cinsekî beytikê ye lê ez nizanim bi kurmancî navê wê çi ye. Bi swêdî jê ra dibêjin:

-Kurdstenskvätta (Oenanthe xanthoprymna)
Tiştê balkêş navê kurdî lê kirine, gava meriv tercume bike dibe "çûka kurdî ya zinara, ya kevira." 

Ez bi xwe nizanim ev çi çûk e, kurdan çi nav lê kirine? Kî zane bi kurdî navê wê çi ye?

Li Swêd pûlis ne pê ra be ambulans naçe taxên xerîban

 

Do danê esir li kuça me dengê qereperakê hat. Lawkê me got pûlis û ambûlans e.
Ez derketim derve. Min bala xwe dayê ambulans û du erebên pûlisan li kêlek mala me sekinîne.
Xortek ji kuça me bi lez berbî ambulansê diçû. Gava gihîşt ber mala me, min ji xort pirsî, min got xorto:
-Xêr e, çi mesele ye?

Xezîneyên seyah û mîsyonerên ewrûpî ji me ra hîştine

 

Mîsyoner û seyahên ewrûpî û emerîkî di ger û seyahetên xwe yên Kurdistanê da gelek tişt top kirine, gelek risim, grawur, nivîs, rapor, name û bîranînên pir hêja li dû xwe hîştine.

Bi xêra van risim, grawur, bîranîn, meqale, nivîs, name û raporên ji dewletên xwe ra nivîsîne em gelek urf û adetên gelê xwe, gelek zanînên tarîxî, sosyolojîk, etnolojîk fêr dibin.

Çavê ji %83ê tirkan li koçberiyê ye

Li gorî ankêtekê li Tirkiyê ji %83ê ciwanan ji aborîya malbatên xwe bi fikar in û hêviya wan koçkirina derveyî welêt e.

Yanî tirk jî êdî ketine rewşa afrîqiyan, ji sedî nêzî 90ê wan ji birçîna û ji ber bêkariyê dixwazin ji Tirkiyê birevin, xwe bavêjin dexl û bextê ewrûpiyan.

Hetanî Erdogan li ser hukim be ji Ewrûpayê ra rehetî ne mimkûn e !

Bi bûyerên li ser sînorê Belarûsê û Polonyayê rû didin careke din derket ortê Tirkiye ne tenê ji cîranên xwe ra, ji Ewrûpayê ra jî talûkeyeke pir mezin e.

Heger tirk basko nebin tu carî rehet nasekinin û ewê bibin sebebê şerekî mezin.

Bi bertîlkirinê, bi dana xûgiyê Erdogan dev ji pîşikên xwe yên xerab bernade, tew di tahmije, diazire, bêtir stûr û çavsorî dibe....

Peyva rast

Keşe hinekî nerehet bû, çû ser tuxtor. Tuxtor ew baş miayene kir û dûra jê pirsî:

-Di xew da tu qet dipeyive?

Keşe hinekî da bîra xwe, got:

Qerekter zêrê zer e

Qerekter(şexsîyet)ji bo însên xusûsîyet û xisletekî pir muhîm e. Di demên xerab da jihevgerandina însanên xwedî şexsîyet û yên bêşexsîyet pir muhîm e. Çimkî di demên zor û zahmet da şelaf, merivên bêşexsîyet zêde dibin.

Gava şexsîyet zeîf be însan bibe çi jî vala ye. Xwezî bi dilê wî mêrî, wê jinê qerekterê xwe(şexsîyeta xwe) di ser kursî û meqamê xwe ra, di ser her tiştî ra digire, nabe dost û hevalê dijmin.

Miayene

Jinik û keça xwe ya pir bedew bi hev ra çûn ser bijîşk/tuxtor. Bijîşk ji keçikê ra got:

-Ji kerema xwe kincên xwe ji xwe bike!

Diya keçikê mizicî,  got:

Mahcirên tirk dixwazin kurd jî wek wan teslîm bibin

Piraniya nufûsa Tirkiyê mahcirên ji Balkanan, Kafkasan û qereçî ne. Qismek jî ereb in.
Lê giş helîyane, teslîm bûne, xwe tirk dihesibînin. Lê ne tenê xwe tirk dihesibînin, di ser da bûne faşîst û nasyonalîstên tirk û neyarên kurdan.
Îcar gava kurdek dibêje ez kurd im, wek wan eslê xwe înkar nake dîn dibin, har dibin, kef û girêz bi devê wan dikeve, êrîşî kurdan dikin; dixwazin kurd jî wek wan bibin heramzade. Ev yek gelşa piraniya tirkan e.

Li ser wergerê hevpeyvîneke 20 sal berê

Di nava notên xwe yên rojane da îro ez rastî vê hevpeyvîna Lokman Polat 20 sal berê bi min ra kiriye hatim.

Lokman Polat li ser wergerê di destpêka sala 2001ê da bi min ra hevpeyvînek kiriye. Di 9ê meha yekê da di e-maîlekê da ji min ra wiha nivîsîye:

Xelk gotinên naylon fêm neke

 

Medyaya me ji dêlî ku kurmancîyeke sivik, a xelk pê dipeyive û jê fêm dike bi kar bîne, peyvên sûnî, naylon çê dike.
Him xelk ji van peyvên sûnî, naylon fêm nake, him jî dibin sebebê însan ji kurdî sar bibin.
Zimanê însan jê fêm neke, pê nepeyive, jê sar dibe, jê hez jî nake...
Yanî peyvên sûnî, çêkirî, sentetîk yên di nava xelkê da nayên bikaranîn ji karê bêtir zirarê dide zimanê me.

Lukaşenko jî wek Erdogan xûgiyê dixwaze

Serokê Rpsyayê Vladîmîr Pûtîn ji Yekîtiya Ewrûpayê ra gotiye we çawa bi Tirkiyê ra peyman çêkiriye, dibê hûn bi Belarûsê ra jî eynî peymanê çêkin.

Yanî mêrik dibêje hûn çawa xûgiyê didin Erdogan, dibê hûn bidin Lukashenko jî. Ma qey ew zarokê dêmarîyê ye?

Ev pilana Erdogan e, wî ev ders daye Lukashenko.

Ez belaş bûm xwedî kompîtor

Vê carê kabê min mîr hat, Xwedê ji min ra li hev anî, bê pere û bê pûl, miftî belaş ez bûm xwedî kompîtoreka Asus.

Erê kevn e, lê ji cisnê zêr e, hesinê berê ye, sed qatî ji yên nuh baştir e.
Û ji ber ku belaş bi destê min ket, kêfa min pirtir jê rat ê.
Meselê wiha dest pê kir.
Çend roj berê ekrana kompîtora min şikiya, ji hev da ket. Kompîtor dixebitî lê dîsa jî min biryar da yeka nuh bikirim.
Çimkî min nikanîbû dest bidayê, ekran ji hev da diket, nedihat girtin.

Tirkiye li pişt koçberîya kurda ye

Di binê kaos û trajedîya ser sînorê Belarûsê û Polonyayê da jî tirk derektin !

Tirk ji bo ku Kurdistana başûr û rojava ji ciwanan vala bikin, ew bi balafirên xwe belaş birine Mînskê.

Li gorî rojnameya Almanya ya herî mezin Bîldê nivîsîye, tiliya Tirkiyê di gelşa ser sînorên Belarûsê û Polonyayê da heye.

Çima bi hezaran kurd ji welatê xwe koç dikin?

Li ser sînorê Belarûsê û Polonyayê kurdekî ji Kurdistana Başûr ji telewîzyona Skynewsê ra gotiye:

” Eger bêjin ev rê diçe Kurdistanê û ev rê jî diçe mirinê. Ezê bidim ser rêya mirinê û ez venagerim Kurdistanê.”
Ev trajedîyeke pir mezin e, kezeba meriv diperite. Ev yek tê maneya li Kurdistana Başûr rewşa însên ji riya mirinê jî xerabtir e.
Ji bo çêbûna Kurdistanê kurdên ku bi salan şer kirin, bi hezaran şehîd dan, kurdên ku digotin ya Kurdistan yan neman, nuha li ser sînoran ketine halekî pir perîşan, diçin mirinê lê venagerin Kurdistanê.

Neyarên me ji sûtalên kuçan jî pîstir in

Serokê partiya BBP Mustafa Destecî xerîteya Kurdistanê çirandiye û ji kurdan û Kurdistanê ra jî hin gotinên bêedeb kiriye.

Mustafa Destecî çeqelekî bêedb û rezîl e, şelafekî kurtêlxur e, pişta xwe sipartiye dewletê û heqaretê li kurdên destgirêdayî dike.
Yê ne sûtal û çeqel be bêedebîyeke wiha nake. Meriv qedrê diya xwe bizanibe ji diya xelkê ra xeber nade.

Kes nikane Îraqê bîne qeysa berê

Tirkiyê jî êrîşa ser mala Serokwezîrê Îraqê Mistefa Kazimî şermezar kiriye.

Tirk wiha ne, bi gur ra dikujin, bi şivên ra dixun, bi xwedî ra digrîn. Tirk bi rû dost in, bi dil dijmin in, bi bin in, bi heftêheft qulan dixebitin. Her nerindî ji wan tê. Hûn kîjan kevirî rakin ew di bin da ne.

Belkî droneyên di êrîşê da hatine bikaranîn yên Tirkiyê bin. Belkî êrîşkar merivên wan bin.
Hêvî dikim xwediyê droneyan tespît bikin, yên kê ne û ji ku hatine avêtin?

Kelmêş û şêr

Kelmêşekê(pûşîyekê)bênabên li dora serê şêr vizîna wê bû, şêr pir nerehet dikir. 
Şêr guhên xwe dilivandin, serê xwe dihejand, pençê xwe davêt vira û wira, dêla xwe li ba dikir bêfêde bû, çi dikir, çi nedikir nedibû, kelmêşê bela xwe jê venedikir.

Şêr pir hêrs bû, got:
-Ji min dûr keve, heger tu hinekî din jî min nerehet bikî ezê te perîşan bikim.
Kelmêş kenîya, got:

Tirkiye êdî ne dewleteke normal e

Ev demeke berpirsiyarekî MİTê yê kevn Mehmet Eymur gelek sûc û qetlên kirine û zane îtîraf dike.

Mêrik dibêje îşkence kiriye, MITê 18 însan dane kuştin, serok û çeteyeyên mafyayê çawa bi kar anîne , li dû hev rêz dike. Dibêje dewlet çi bike rast e, îşkence jî normal e.

Sedat Peker tiştên ji wî zêdetir gotin. Lê dîsa jî kesî tiştek bi sûcdaran nekir. Çimkî dewlet bi xwe bûye organîzasyoneke çeteyan.

Gazineke rast û pir di cî da

Li ser nezanî û kêmaqiliya me kurdan Abdullah Keskin peyveke muhîm û rast kiriye, gotiye:

”Ji ber ku Avesta jî, Cizîrî jî Dîcle û Firat in. Îslamîstên esilkurd girîngiya ku dane Seyîd Qutub, Mevdûdî, Hekimoğlu İsmail tu caran nedane Cizîrî, Feqî û Xanî. Xebata pêşî li ser Cizîrî oryantalîstekî kir. Li ba me piştî 350 salî dîwana wî çap bû.

Fasûlî

Jinikê ji psîkolog ra qala derdê mêrê xwe dikir, bi gazin got:

-Tuxtor beg, ez hew kanim derdê mêrê xwe dînik bikşînim, ji bo ku ez ji fasûliyê hişk pir hez dikim mêrê min ji min ra dibêje tu dîn î!

Tuxtur got:

-Gotineke berradayî ye, ez jî ji fasûliyê hişk pir hez dikim.

Jinikê bi kêf got:

Ji meriv ra xerab were diranê meriv di pelokê da dişkê

Ecêba giran, bîstek berê dema min kompîtora xwe vekir ekrana wê ji hev da ket, perwaza dora ekranê rabû.
Min xwest rast bikim, lê tew xerabtir bû.
Dibê ez qet dest nedimê, qapaxê negirim.
Min di 2ê adara 2018a da kirîbû, çima hewqasî zû xera bû min fêm nekir. Bêxwedîyê pir qelp derket !

Wiha ye, dema ji meriv ra xerab were diranê meriv di pelokê da dişkê.

Me îro jî Zekî Irmak sipart axa sar

 

Di van salên dawî da rojê em li şînekê ne, rojê yek ji me xatir dixwaze, rojê em hevalekî xwe, hezkiriyekî xwe li xerîbiyê dispêrin axa sar.
Me îro jî Zekî Irmak(Serbest) li Swêd, li bajarê Eskîlstûnayê sipart axa sar.
Di salên 1980î da dema em hatin Swêd em giş ciwan bûn, gelekên me azib bûn.
Em zewicîn, bûn xwedî zarok, zarokên me mezin bûn, dor hat zewacên wan, dawetên wan.

Zimanê me welatê me ye

Zimanê me ne tenê nasnama me ya netewî ye, ew welatê me ye jî, ruhê me yê netewî ye jî.
Em bi kurdî difikirin, hîs dikin, dilşa dibin, xemgîn dibin, hestên xwe didin der, bi kurdî edebîyatekê, muzîkekê, folklorekê dixuliqînin.
Ev giş bi zimên dibe.

Dema kurd asîmîle bibin piştî demekê, hêdî hêdî hestên netewî jî pê ra dihele, kurd dibin tirk.

Kemalê heramzade gotiye ewê Qendîlê bi erdê ra tep û dûz bike !

Serokê CHPê, heramzadeyê kurdayetiya xwe înkar dike, wî jî di talda dewletê da fortek daye xwe, wî jî gefek li PKKê xwariye, gotiye:

”Emê micadela li dijî terorê wek van nekin. Ez soz didim, heger ez wê hêlîna jê ra dibêjin Qendîl bi erdê ra tep û dûz nekim bira ji min ra jî nebêjin Kiliçdaroglu.”