Prof. Nesîm Doru li hemberî Ehmedê Xanî bêwefayî kirîye

Prof. Nesîm Doru, di malpera Independet Turkishê da li ser Ehmedê Xanî nivîsek nivîsîye. Prof. Nesîm Doru, di nivîsê da dibêje Ehmedê Xanî ne pêşengê, ne bavê milîyetçîtîya/nasyonalîzma kurdî ye, di serdema wî da tiştekî wiha tunebû.
Fikrê nasyonalîzmê bi Şoreşa Fransayê ra dest pê kiriye. Ji bo wê jî tiştên Ehmedê Xanî li ser serxwebûna kurdan û dewleteke kurdan a netewî gotîye nayê maneya nasyonalîzmê.

Di hilbijartinên Amerîkayê da yên herî bêtir li karê derketine somalî ne

Di hilbijartinên Amerîkayê, di nav Partîya Demokrat da serketina herî mezin somalîyan bi dest xistîye; ji Swêd xerabtir kirine. Îlhan Omar ji Partîya Demokrat cara 5a ye dikeve kongreyê. Di senato û meclîsên mehelî da jî gelek kursî bi dest xistine.
Dîaspora tu miletî wek a somalîyan ne organîze ye, ne bi plan û program e, ne bi tifaq e, ne xwedî hedefeke sîyasî ye.
Somalî li her welatî li derekê, li herêmekê kom dibin. Piştî demekê her kes ji ber wan direve, dera somalî lê kes naxwaze lê bimîne. Ew herêm dikeve destê somalîyan.

Di hilbijartinên Amerîkayê da Partîya Demokrat serketineke mezin bi dest xist

Li Amerîkayê di hilbijartina do da Partiya Demokrat kontrola her du baskên Kongreyê (Civata Nûneran û Senato) ji destê Komarparêzan girt. Ev encamên hilbijartinê derbeke mezin li rêveberîya Donal Trump dixîne, kursîya wî hejand.

Di Senatoyê(100)da demokratan piranî bi dest xistine. Demokratan 54 kursî, Komarparêzan jî 43 kursî girtine.
Civata Nûneran(453), Demokratan heta nuh 225 kursî, Komarparêzan jî 136 kursî bi dest xistine.

Ez ji zimanê xwe hez dikim lema her roj dinivîsînim

Ez ji miletê xwe, ji welatê xwe dikim, ne ji her kurd î.

Ez ji zimanê hez dikim, jê kêfekê, zewqekê digrim, bi nivîsîna kurdî dilşa dibim, lema her roj, bênabên dinivîsînim.
Ez li ûjdanê xwe guhdarî dikim, didim dû fikrê rast, sîsyaseta rast, nadim dû şexsan.
Ez li gorî zanîna xwe ji tiştê rast ra dibêjim rast e, ji yên şaş ra dibêjim şaş e. Çimkî ez ne zilam û murîdî tu kesî me. Li gorî min çi rast be wîya dikim, wîya dibêjim.

Kazim Karabekîr:Emê vî gelî bi rêya hînkirina tirkî bi dewletê va girê bidin.

Di nivîsa xwe ya 29ê cotmehê da ya bi navê ”Li ser kurdî ûbêhêvîtîya Firat Aydinkaya” min qala hevpeyvîna Firat Aydinkaya ya di malpera ”hawarname.substack.com”ê da kiribû.

Firat Aydinkaya di hevpeyvîna xwe da li ser asîmîlasyonê, kolonyalîzmê û xemsarîya sîyasetmedar û ronakbîrên kurd a li hemberî zimanê xwe gelek tiştên girîng dibêje.
Min ji hevpeyvînê çend gotinên wî yên girîng wergerand kurmancî.
Hêvî dikim bi dilê we be.

Me ev rezalet jî dît

Konsulê Tirkiyê yê Kurdistana Federe di 29 cotmehê da li Hewlêrê, li Otêla Dîwanê bi helahelayeke mezin avakirina Komara Tirkiyê pîroz kiriye. Aleka tirk a pir mezin û rismekî Ataurk bi ser cepheya pêşî a otêlê va kirine.
Min got belkî ne rast be, min pirsî rast e. Ji bo kesên destûra vê rezaletê dane tirkan, ev tablo rûreşîyeke mezin e.

Li Kurdistanê sîyaset bûye wek erdekî mayinkirî

Li sê beşên Kurdistanê, li Kurdistanan Bakur, Başûr û Rojava sîyaset, ji gêrmîya gavan, ji hevnîskê jî xerabtir bûye. Rewş gelkî ne xweş e, ne baş e, meriv bêhêvî û reşbîn dike.

Tu tû bikî jor simêl e, tu tû bikî jêr rî ye; tu çi bibêjî pere neka, tu kê rexne bikî serî ewê bigihîje yên dora te, dost û hevalên te ewê xwe ji te bixeyidînin, ewê ji te dilgiran bibin.

Li Kurdistanê sîyaset vê gavê bûye wek erdekî mayinkirî, tu bi kîjan alî da gava xwe bavêjî mayinekê biteqe.

Her kes şaşî û kêmasîyên raqibên xwe tenê dibîne û wiya dibêje, tu kes şaşîyên, xerabîyên partîya xwe, yên dostên xwe nabîne, nabêje; ji nedî va tê.

Kesên herî rastgo, serbixwe jî li hemberî hinekan çarçav in, baş dibînin, xweş rexne dikin, lê li hemberî partîuên, serokên cepheya xwe lal in, kor in. Serokên ji cepheya wan çi şaşîyê, çi xerabîyê bikin jî ne dibînin, ne jî dibihîzin.
Di demeke wiha tevlihev û kaos da baştir e meriv belaseben xwe li ber baranê şil neke; devê xwe bigire û li bûyeran temaşe bike. Ezê wer bikim. Gava gotin ji karê bêtir zirarê bide meriv, dibê meriv bêdeng bimîne, heta dinya ji hev kês û fêz dibe, heta ewrên reş û tarî belav dibin.

XXX

Sinetê, meslegê dinyayê yê herî kevn xwefirotin e. Vî sinetî renê wek fahîşetiyê fahmkirin jî şaşîyeke hewqasî kevn e.
Albert Camus

Fahîşetîya sîyasî jî heye, ev fahîşetî jî bi qasî firotina bedena xwe xerab e.

XXX

Fikrên xerab, reşbînî di bedena însên û di zihnê însên da nexweşîyan peyda dike. Dibê meriv fêrî xweşbînîyê, pozîtîfîyê bibe. Fikrê meriv  çibe jiyana meriv jî li gorî fikrê meriv şikil digire. Serî rehet be beden jî rehet dike.Reşbînî, bêhîvîtî xerab e.

XXX

Gotineke pêşîyên çînîyan a pir xweş heye, dibêje, ”qûna hûn dialêsin miheqeq rojekê ewê bi devê we da birrî.”
Teşbîheke pir xweş e, di kurmancî da jî ji bo kesên zêde şalûz, şelaf dibêjin, ”qûnalês”.
Her babetê qûnalêsîyê pîs e, lê ya herî qirêt qûnalêsîya dijmin e. Xwedê tu kurdî nexe wî halî.

XXX

Amedsporê îro bi skora 5-1 Uyupspora feqîr şeqizandîye. Lê bira Eyupspor şikir bike maç 5-1 qedîya ye. Ferq kanîbû zêdetir bûya.

Ez Amedsporê, lîstikvanên wê û kesên gol avêtine pîroz dikim û hêvî dikim serketinên wiha tirm bibe para wan.

Li ser şaşîyeke pir tê kirin

Min berê du sê caran bal kişand ser vê şaşiyê, lê gotina min têrê nekir, şaşî berdewam e.

Him di Rûdawê da, him jî gelek kesên din, dema qala çalakîyekê, civînekê dikin, dibêjin, ”Nivîskarê kurd, nivîskara kurd, dengbêjê kurd, resamê kurd” yanî qala kîjan nivîskarekî, hunermendekî, sinetkarekî dikin, ne tenê nav û meslek, nasnameya kurdbûnê jî lê zêde dikin, dibêjin filan nivîskarê/nivîskara kurd li filan derê civînek çêkir. Yanî ne nav û meslek tenê, kurdbûnê jî pê va dikin.

Gotina xweş kilîta dilan e

Min got vê sibê jî ez bi çend gotinên xweş û di cî da ji we ra bibêjim siba we bi xêr û dest bi xwendin û xebata xwe ya rojê bikim. Êdî seetekê derengtir radibim.
Dibêjin kesên extîyar gelek xewa xwe baş bigrin, kêmxewî umrê meriv kêm dike.
Ji ber ku ez naxwazim umrê xwe kin bikim û zû têkevim bin axê, lema min seetek li xewa xwe ya sibê zêde kir.