Gotina xweş kilîta dilan e

Min got vê sibê jî ez bi çend gotinên xweş û di cî da ji we ra bibêjim siba we bi xêr û dest bi xwendin û xebata xwe ya rojê bikim. Êdî seetekê derengtir radibim.
Dibêjin kesên extîyar gelek xewa xwe baş bigrin, kêmxewî umrê meriv kêm dike.
Ji ber ku ez naxwazim umrê xwe kin bikim û zû têkevim bin axê, lema min seetek li xewa xwe ya sibê zêde kir.

Nazdar Aso xanim bi kurdên Stockholmê ra sohebeteke pir xweş kir

Nivîskara hêja Nazdar Aso, xanima zarşîrîn û sohbetxweş îro li Stockholmê mîvana Kitêbxana Kurdî ya Stockholmê bû. Li ser kitêba xwe ya bi navê ”Destê min ji çîçekan nabe” bi Mahmûd Lewendî ra sohbeteke pir xweş kir û bersîva guhdarên xwe da û kitêba xwe ji hezkiriyên edebîyatê ra îmze kir.

Gelek kes hatibûn guhdarîya Nazdar Aso xanimê. Sohbeteke pir xweş bû.

Piling tenezul nakin xwe bi kûçikan bidin îspatkirin

Ji bo ku bizanibin kûçik bezatir e ya jî piling, pêşbirkek, misabeqeyeka bezê çêkirine.

Sê kûçik û sê piling anîne ciyê destpêka pêşbirkê. Kûçikan dest bi bezê kirine, piling ji ciyên xwe nelivîyane.
Berpisê pêşbirkê ji pilingan pirsîye, gotiye:
-Çima hûn dest bi bezê nakin?
Pilingan gotine:

Hêzên îslamî li Swêdê bûne talûkeyeke mezin

Hêzên îslamî bi rêya taqîyeyê(durrûtîyê, veşartina fikrê xwe yê rastîn) li Swêdê ketine hemû dahîre û nuxteyên dewletê, civatê yên herî muhîm.

Dibin endamê her partîyê, her fikrê, sîyaseta her partîyê, her îdeolojîyê qebûl dikin.
Dibin sosyalîst, dibin komunîst, dibin lîberal, dibin sosyal demokrat û hawîrdorparêz.
Kîjan partî wan qebûl bike, dibin endamên wê partîyê, hêdî hêdî cî didin nigên xwe, bi rêya partîyan dikevin derên herî girîng û di civatê da belav dibin, bi hîle û fêlbazîyê dikevin beledîyan û meclîsê.

Xelata derewîn û xapandinê

Ecêba giran, ne mimkûn e meriv matmayî nemîne,  Serokê Tirkiyê Recep Tayyip Erdogan, "Xelata Wefayê ya Serokkomarîyê" daye fîlozof û bavê nasyonalîzma kurdî Ehmerdê Xanî.

Erdogan di beyana xwe da gotiye, ”Ji ber xizmetên Ehmedê Xanî yên bêemsal ên ji welatê me ra kirine ez sipasî wî dikim, ew yek ji sitêrkên cîhana me ya kulturî ye, ez wî bi rahmet yad dikim.”
Komedîyeke, durûtîyeke ji viya mezintir nabe.Tu têkilîya Ehmedê Xanî bi tirkan, bin cîhan û kultura tirkan ra tune ye, wî ji tirkan ra,ji kultir û edebîyata tirkan ra xizmet nekirîye.

Xwedîyê sebrê mîrê Misrê

Xwedîyê sebrê mîrê Misrê. Dara sebrê tahl e, lê fêkiyê wê şîrîn e. Tu serketin, tu keşf û îcad bi derbekê da nabe, bi xebatê, bi îstîkrarê û bi sebrê dibe.
Sebr û îstîkrar du baskên firînê ne, yek tunebe firîn ne mimkûn e. Karê hindik û berdewam meriv digihîne hedefê.
Bloga min ”Hindik Rindik” do 14112 carî hatiye tikandin. Di sala 2007a da gava min dest pê kir, tikandinên rojane herî zêde li dora 100î bû, kêm-zêde 70-80 bû.

Li ser kurdî û bêhêvîtîya Firat Aydinkaya

Firat Aydinkaya, nivîskarekî bala min dikşîne, her cara rastî nivîske wî, lêkolîneke wî têm bi meraq dixwînim. Camêr nivîskarekî zana, xwedîyê qelemek xurt e.

Malpera ”hawarname.substack.com”ê bi Firat Aydinkaya ra li ser aqûbeta kurdî û tesîrên kolonyalîzmê hevpeyvînek kiriye. Hevpeyvîn bi tirkî ye. Navê sernivîsê wiha ye:
”Di mesela kurdî da pir zor e meriv umîdwar be”. 
Hevpeyvîneke pir muhîm e, Firat Aydinkaya him di mesela kurdî da bêhêvî ye, him jî tiştên pir muhîm dibêje. Lê kesên van tiştan bizanibe dibê ew bi xwe xizmetê ji asîmîlasyonê ra neke.

Serketinên mezin bi xebatê û bi berdewamîyê çêdibin

Xwedîyên serketinên herî mezin bi karên biçûk dest pê kirine. Kar û xebatên xwe bi sebir, bi tîtîzîyeke mezin meşandine. Dû ra karên wan hêdî hêdî bûne keşif, îcad û serketinên mezin.

Me jî bi çend kesan dest pê kir, em xebitîn, me li be xwe da, dû ra bûn tevgerên xurt û bi bi milyonan.
Barê me giran e, karê me zor e, gelek tiştên qewimîne moralê me xera kiriye. Lê bêhêvîtî ne çare ye û me ji bindestiyê xelas nake.

Ji me ra xerab hatîye

Di Rûdawê da 16 xeber li ser kurdan hene. 14ê wan meriv xemgîn dikin. Tu kîjan xeberê dixwînî qal û bahsa zulm û neheqîya li ser kurdan e, kezeba meriv dişewite. Psîkolojîya meriv xera dibe.

Em kurd li her çar perçên Kurdistanê di halekî pir xerab da ne. Herî bêtir jî halê kurdên Kurdistana Rojava pir xerab e.

Ereb nahêlin kurdên Girê Sipî û Serê Kanîyê vegerin malên xwe. Li girê Sipî êrîşî wan kirine, erebeyên wan, tiştên wan gişk şewitandin.