Gava aqil kêm be çare nayê dîtin

Hin însan ji bo ku karekî nekin, wezîfeyekê negrin ser xwe gelek mahneyan, gelek hincetên pela pûçî dibînin. 
Hin sîyasetmedar ji bo ku gelşa nabêna xwe çareser nekin, yekîtîya xwe, tifaqa xwe çênekin gelek hincetan didin pêş.
-Mahne, hincet, qal û qîl wek mû ye, li ba her kesî tê dîtin. Lê belê aqil wek çareyê ye, çare li ba her kesî nayê dîtin. Gava aqil tunebe, ya jî kêm be, çare jî çênabe, tevlihevî dom dike.

35 sal in di zindanên Tirkiyê da êsîr hatine girtin

Sîyasetmedar, abûqat Mahmûd Alinak, li ser girtîyên 4-5 sal di ser cezayên wan ra derbas bûye, dewlet dibêje, hîn baş terbîye nebûne, ji ber wê jî wan bernadin, vîdeoyek parve kiriye.

Mahmut Alinak, di vîdeoyê da qala Nedîme Yaklav, Sevgî Saymaz û gelek kesên din dike. Dibêje, Nedîme Yaklav, di girtîxana Sincanê da ye, 7 car in texlîyeya wê tê bipaşxistin.

Dost rojekê kane bibe dijmin, lê belê dijmin tu carî nabe dost

Caranan dost kane bibe dijmin, dinya ye, dibe; ne tiştekî nabe, ya jî ne mimkûn e...
Lê belê dijmin tu carî nabe dost, tu carî dijminatîya xwe ji kok da naterikîne.
Gelek sîyasetmedarên me ev rastî fêm nekirine, dagirkerên welatê xwe, qatilên bi hezaran zarokên xwe wek dostên xwe dibînin.

Meriv bi dijmminê xwe ra rojekê li hev dike, lê tu carî jê bawer nake.

Mamûrekî Dahîreya Koçberan a Swêd agahîyên li ser kurdan daye Îranê

Karmendekî(mamûrekî) Dahîreya Koçberîyê ya Swêd (Migrationsverket)agahîyên kurdên Kurdistana Rojhilat daya ajanekî Seferetxana Îranê ya Stockholmê. Naveroka dosyeyên koçberên kurd kopî kiriye û daye efserekî îstixbarata Îranê yê li Sefaretxaneya Îranê ya Stockholmê dixebite.

Îstîxbarata Swêd(SAPO) pê hesîya ye ajanê Îranê dersînora kiriye.
Piştî demekê heman karmendî vê carê bi efserekî din ê îstixbarata Îranê ra pêwendî danîye û eynî tişt dane wî jî.
Piştî demekê îstîxbarata Swêd bi wî jî hesîya ye, ew jî dersînor kiriye.

Îngilîzan çima kurd jî wek ereban nekirin xwedî dewlet?

Tarîxzana tirk Ayşe Hur, di platforma Xê da bersîva pirsa, ”çima îngilîzan ji ereban ra dewlet çêkirin, çima ji kurdan ra çênekirin, çima ereb kirin xwedî dewlet, çima nehîştin kurd bibin xwedî dewlet?” daye û çend faktor û astengîyên bûne sebebên kurd nebin xwedî dewlet raxistîye ber çavan.

Analîzeke pir muhîm û balkêş e. Sebebên, astengîyên Ayşe Hurê rêz kirine, min nizanîbû û min di tu nivîseke din da jî nexwendîye.
Em tim îngilîzan, fransizan rexne dikin, dibêjin, ereb kirin xwedî dewlet, lê nehîştin em bibin xwedî dewlet.
Lê tiştên em bûn sebeb û tiştên, faktorên nehîştin îngilîz me jî bikin xwedî dewlet em ji nedî va tên.

Ditirsim felaketa hat serê Kurdistana Rojava were serê Kurdistana Başûr jî

Parlamentoya Kurdistana Federe di 4ê mehê da bi însîyatîva PDKê, bêyî lihevkirina bi YNKê ra vebû.

Serokê YNKê Bafil Talabanî do got, em ji hukûmeta berê vedikişin û hukûmet heyî jî qebûl nakin. Heger PDK hukûmetekê çêke, emê jî li Silêmanîyê hukûmetekê çêkin. Heger PDK serokwezîr û wezîran hilbijêre, emê jî li Silêmanîyê eynî tiştî bikin.
Ez ditirsim tiştê, felaketa hat serê Kurdistana Rojava bibe aqûbeta Kurdistana Başûr jî...

Baş e ku zana û kurdperwerên me yên wek Necat Zanyar hene

Baş e ku nivîsên Prof. Nesîm Doru û Muhsîn Kizilkaya bêbersîv neman. Bi vîya pir kêfxweş bûm.
Gelek kesên kurdperwer li ser xelata serokkomarê Tirkiyê daye Ehmedê Xanî û nivîsên Prof. Nesîm Doru û Muhsîn Kizilkaya yên dixwazin Ehmedê Xanî ji nasyonalîzma kurdî bişon tiştên pir xweş nivîsîn, rexneyên baş li Doru û Kizilkaya girtin. Ji wan kesan yek jî Necat Zanyarê hêja ye. 
Li ser van mijaran di malpera ”Noerra” da bi Samîra Kuçukbîltekîn xanimê ra hevpeyvîneke pir xweş kiriye.

Prof. Nesîm Doru li hemberî Ehmedê Xanî bêwefayî kirîye

Prof. Nesîm Doru, di malpera Independet Turkishê da li ser Ehmedê Xanî nivîsek nivîsîye. Prof. Nesîm Doru, di nivîsê da dibêje Ehmedê Xanî ne pêşengê, ne bavê milîyetçîtîya/nasyonalîzma kurdî ye, di serdema wî da tiştekî wiha tunebû.
Fikrê nasyonalîzmê bi Şoreşa Fransayê ra dest pê kiriye. Ji bo wê jî tiştên Ehmedê Xanî li ser serxwebûna kurdan û dewleteke kurdan a netewî gotîye nayê maneya nasyonalîzmê.

Di hilbijartinên Amerîkayê da yên herî bêtir li karê derketine somalî ne

Di hilbijartinên Amerîkayê, di nav Partîya Demokrat da serketina herî mezin somalîyan bi dest xistîye; ji Swêd xerabtir kirine. Îlhan Omar ji Partîya Demokrat cara 5a ye dikeve kongreyê. Di senato û meclîsên mehelî da jî gelek kursî bi dest xistine.
Dîaspora tu miletî wek a somalîyan ne organîze ye, ne bi plan û program e, ne bi tifaq e, ne xwedî hedefeke sîyasî ye.
Somalî li her welatî li derekê, li herêmekê kom dibin. Piştî demekê her kes ji ber wan direve, dera somalî lê kes naxwaze lê bimîne. Ew herêm dikeve destê somalîyan.