Gava sar û sermayê dest pê kir, sal çetin hat, dibê meriv jî ji salê çetintir be, bedena xwe baş biparêze.
Îro ji do sartir bû, -8-9 derece sar e. Sibe ewê ji îro hîn sartir be.
Min qapût, qazax û pantorê
zivistanê bera ser bejna xwe da, kumê xwe da serê xwe, lepikê xwe kir destê
xwe, potîna zivistanê kir pê û ez û xanim derketin derve, gerra xwe ya rojane.
Piştî me gerra xwe qedand, ez ji xanimê veqetiyam, ew çû malê, min jî berê xwe da sentrûmê, ser
mêwefiroşê me.
Bi rê da kalekî(serxweşekî, alkolîstekî)swêdî şûşeyeke Jägermeister di dest da
li ser benkekê(kursîyekê)rûniştibû, bi dilşadî dermanê xwe vedixwar.
Ez zû dimeşiyam. Çaxa min nêzîkayî lê kir, destê xwe li min bilind kir, ji min
ra got:
-Merheba ji te ra !
Em hîn ji Vîrusa Coronayê xelas nebûne Omîcron jî lê zêde bû.
Qey cî hinekî li Coronayê teng bûye Omîcron hatiye hawara
wê. Berê jî çend çêlik, varik-marik hatin alîkariya Coronayê lê nikanîbûn zêde
li ber xwe bidin, zû ji desthilanîn da ketin.
Lê dibêjin Omîcron ji diya xwe Coronayê jî xerabtir e, pir zalim û no ye, dibê meriv hevza xwe jê bike.
Berê me halan di qelemê hildida, me pesnê qelemê dida. Meriv digot efendim qelema min di xizmeta welat û miletê min da ye. Qelema welat û miletê xwe neparêze bira ew qelem bişkê.
Lê êdî kes qelemê bi kar nayne, kompîtorê ciyê qelemê girtiye. Însanan nivîsa bi qelemê jî ji bîr kirine.
Cemîl Oguz, ez rexne kirime, xwestiye ez ji xwendekaran lêborînê bixwzim. Wiha gotiye:
"Hêja Qubad ji xwendekaran lêborîn xwestiye. Kek Zinarê Xamo ji ber ku bêyî tu bifikirî ku ev vîdyo ne rast e û te belav kir û te ew wekî "kesên şîrheram" û wekî xayîn îlan kiribûn. Fikra min ew e tu jî divê lêborînê bixwazî ji wan kesan. Dîsa jî tu zanî. Silav bo te."
Cemîl, ev tiştê tu dikî qet ne xweş e. Tu li ciyê rehetîyê meriv diêşînî, dilê hevalê xwe ji xwe dihêlî.
Do bi şev li Silêmaniyê qatilên Daîşê êrîşî hêzeke pêşmerge
kirine, 5 pêşmerge şahîd ketine, 4 pêşmerge jî birîndar bûne. Pir xemgîn im. Kezeba min
peritî.
Dibê van çeteyên devbixwîn nikanîbûna ev derb li pêşmerge xistana. Vê xebera reş ez hejandim.
Ev demeke êrîşên ser pêmergeyan zêde bûne, kane tiliya artêşa Îraqê tê hebe.
Di 22ê gulana 1932a da, roja serokwezîrê Tirkiyê yê wê demê Îsmet Înonu derdikve rêwîtiya seyaheta Îtalyayê, rojnameya Cumhûrîyetê rêwîtiya Înonu kiriye xebera sereke û bi pûntoyên mezin wiha nivîsîye:
-Ji Tirkiya kemalîst silav ji Îtaliya faşîst ra !
Hin kes ji bo ku dilê qismekî tirkan ji xwe nehêlin û dijminên xwe zêde nekin, di mesela kurd û Kurdistanê da tim dawdişînin kemalîstan, tim davêjin ji kemalîstan da û wan rexne dikin, xerabiyên wan, zulma li kurdan kirine li pey hev rêz dikin.
Fena ku yên ne kemalîst in baş in, ji kemalîstan gelkî çêtir in. Ev fikreke şaş e, tirk çi kemalîst, çi antî-kemalîst di mesela kurd û Kurdisranê da giş wek hev difikrin, giş tûranciyên ji hev xerabtir in.
Sipas ji bo hevalên PAKê, do êvarî em çend heval, nas û dost anîn ba hev.
Bi xêra vê însîyatîfa wan me bi hev ra çend saetên xweş bihurand, şevbêrkeka me bîriyê kiribû derbas kir.
Xaniman û camêran haziriyeke baş kiribûn. Hin xwarinên sivik û sihî hazir kiribûn. Helbet şeraba sor û sipî jî ji bîr nekiribûn. Me him zikê xwe têr kir, him jî serê xwe xweş kir.
Yanî her kes
memnûn vegerîya mala xwe.
Du jinên navsale sohbet dikirin. Yekê ji ya din ra got:
-Keçê tu zanî, mêrê min yekî pir ecêb e, sal çiqas derbas
dibin bêtir ji min hez dike.
Hevala wê got:
50 sal di ser bûyera trajîk, şehîdbûna Dr. Şivan, Çeko,
Birûsk û Seîd Elçî ra derbas bû. Hîn jî hestiyên wan, cenezayên wan teslîmî
malbatên wan nekirine.
Ev zulm e, neheqiyeke mezin e.
Gerek serok û berpirsiyarên
PDKê bi merasimekê hestiyên van şehîdan teslîmî balbatên wan bikin.
Serîlêgerandin, nedan, negotina rastiyê neheqiyeke pir mezin e.Gerek êdî dawî
li vê trajediya mezin were anîn. Ev jî di destê Mesûd Barzanî da ye.
Dibêjin merivekî bi çavekî hebûye, merivekî gerrok bûye. Hal û karê wî ger û seyran bûye. Xwestiye tim here bigere, derên xerîb û dinyayê bibîne.
Rojekê dîsa derketibûye rêwîtieyekê. Pir çûye, hindik çûye, rastî gundekî pir
xweşik hatiye.
Mîmarîya xaniyên gund, rengên wan pir tevlihev û ecêb bûne, her yek bi hawa kî bûye.
Do di tarîxa Swêd ya siyasî da rojeke pir dramatîk û tevlihev
bû. Li Swêd cara pêşî bû jinek, Magdalena Andersson bû serokwezîr.
Lê piştî heft saetan ji ber ku Partiya Keskan(MP) ji koalîsyonê îstîfa kir,
hukûmet ket û Magdalena Anderssona heft saet berê bûbû serokwezîr îstîfa kir.
Yanî serokwezîrtiya Magdalena Andersson xanima Sosyal Demokrat tenê heft saetan
ajot.
Ev 41 sal in tolika delal bi devê min nebûye. Îro li ser
mêwefiroşê taxa me xanimê got Zinar, hela bala xwe bidê ev tolika me ye!
Min bala xwe dayê rast e, eynî tolik bi xwe ye.
Min di cî da rahîşt baqekê. Min
got madem tolik hatiye Swêd nabe em nekirin û nexwin.
Bîsteke din ezê biqelînim, tolika bi hêk çêkim.
Dibêjin li hin taxên Anqerê û Stenbolê tirkan li hemberî
hukûmetê serî hildane, gotine AKP îstîfa !
Wey ser xêrê be !
Wey mala Xwedê ava be!
Law ehmeqno, bi Xwedê heger hûn vî sextekarê diz nexînin
hûnê bi parsê kevin.
Ev nîna ye, tirnîna hîn ma ye...
Heger hûn dixwazin bêtir rezîl û perîşan nebin dibê hûn vê
rejîmê bixwînin.
Min derzîya Korona a sisiya jî îro li xwe xist !
Ez îro vaksîna sisiya jî bûm. Piştî derzîya sisiya dibê
Korona morona êdî nikanibe bela xwe di min bide.
Ne wisa be jî ew his bi min ra heye, ev jî têra min dike.
Piştî hemşîre xanimê derzî li min xist, ez derbasî salona rûniştinê bûm. Rutîn wisa bû.
Xoce Nesredîn (Melê Meşûr) li kerê xwe yê meşûr siwar bûbû û hêdî hêdî diçû. Bi rê da nasekî wî jê pirsî:
-Xoce, vî serê sibê tu wiha bi ku da diçî?
Xoce got:
-Diçim mizgeftê nimêja îniyê.
Mêrik got:
Ez heyranê jîrîtî û jêhatîbûna kurda me, bêyî ku bi salan herin mekteb û medreseyan bixwînin, xwendin û nivîsandina zimanê xwe fêr bûne û gelek berhemên giranbuha nivîsîne.
Dinya alem, ferdên miletên din ji bo ku xwendin û nivîsandinê fêr bibin bi salan dixwînin, di dibistan û zanîngehan da umrekî derbas dikin.
Kurd wek gedeyê navika xwe bi xwe bibire, bêyî ku rojekê herin dibistan û
zanîngehan, xwendin û nivîsandina zimanê xwe li malên xwe, bi xwe fêr dibin.
Dibê meriv ji dil teqdîr bike.
Ez hêdî hêdî dûzanekê didim arşîva xwe, tiştên dubare, sêbare jê davêjim. Gelek risim, dokument dubare, sêbare hatine parastin.
Di vê nabênê da rastî gelek tiştên
xerîb têm.
Ev risim sala 1980î li Almanya, li bajarê Darmstadê li mala Mistefa Koseoglu hatiye girtin.
Wezareta Pêşmerge pir baş kiriye bersîv daye wezîrê karên
derve yê Tirkiyê Hulûsî Akarê gotiye ”ne li Tirkiyê, ne jî li dervayî Tirkiyê
Kurdistan tune ye.”
Lê bi bawerîya min ev bersîva dibê Wezareta Pêşmerge neda, wezîrê karên derve
ya jî serokwezîrê Kurdistanê bida. Yanî dibê hemtayekî(muadilekî)Hulpsî Akar ev bersîv bidayê. Di dîplomasiyê da ev yek pir muhîm e, li gorî wê rûmet û cidîyet tê dayin.
Gerek serok û wezîrên Kurdistana Federe, serokên partiyan li hember bêedebî
û zirteboziyên berpirsiyarên Tirkiyê yên bi vî rengî tu carî bêdeng nemînin, xwe kerr
nekin, miheqeq reaksîyoneke cidî nîşan bidin. Gava wiha nebe tirk aşûnî dibin, rû digrin, bêedebiyên xwe bi pêşda dibin.
Nivîskar, mucîd û fîlozofê amerîkî Benjamîn Franklîn li ser bextewarbûnê pêşniyareke pir xweş kiriye, gotiye:
”Du riyên bextewarbûnê hene. Ya dibê meriv daxwazên xwe hêm
bike, ya jî îmkanên xwe zêde bike.”
Em miletên asyayî û afrîqî ji bo jiyaneke xweş û bextewar ne daxwazên xwe kêm dikin, ne jî îmkanên xwe zêde dikin; ji dêlî wê va ji welatên xwe direvin, dikevin riyên mahciriyê. Li welatên xelkê, li ser sînoran perîşan dibin, dimrin lê dîsa jî venagerin welatê xwe.
Hevalên Weşanxana Nûbiharê di malpera xwe ya twîtterê da sersaxî ji malbata Sezaî Karakoçê şair û nivîskar ra xwestine, gotine:
”Şiar û Nivîskarê Diyarbekirî Sezai Karakoç wefat kir; Xweda wî bi rehmeta xwe
şad bike, cihê wî cennet be. Em, ji malbat, dost û ji hezkiriyên wî re sebr û metanetê
dixwazin.”
Raîf Yaman ji vê mesaja Nûbiharê gazin kiriye, gotiye:
”Vî camêrî hebûna kurdan û zimanê kurdî înkar dikir, bi hawayekî berbiçav
rêgezperestî dikir. Merivek di saxîya xwe da li dijî çi be, dema dimire jî ew
e, naguhere...”
Li Tirkiyê sîstema serokatiyê heye. Ji bo ku yek bibe serok dibê di hilbijartinan da ji %51ê rayan bigire.
Li gorî ankêtan di hilbijartinên 2023a da Erdogan nikane ji
%51ê rayan bigire.
Erdogan ev yek baş fêm kiriye. Lema jî ji nuha da dixwaze bi hokus-pokusekê sîstema
ji %51ê bide aliyekî û bi rayên hindik jî careke din bibe serok.
Yanî heger
rayên wî ji %20 be jî dîsa bibe serok. Ji nuha da senaryoyên vê pilana xwe çêdike, diceribîne.
2009-9-20
Ji kerema xwe bi xwendevanên me bide nasî.
Ez ji Wêranşara qeza Ruhayê me. Li wir hatime dinê û heta 30
saliya xwe li wir jiya me.
Di destpêka salên 70-î da di nava tevgera KÎP/DDKD-ê da min dest bi siyasetê
kir û heta van salên dawiyê jî wiha mam.
Lê nuha bi tu rêxistinê ra naxebitim.
Ji sala 1980-î virda ye ez li Swêd li surgûnê me û heta nuha jî nikanim herim welatê xwe.
Merheba Mehmet Elî !*
Ji bo ku min bersîva te bi derengî xist li qusûra min
nenêre. Min nexwest bînim ecelê û bi du sê gotinan bersîva te bidim.
Ji ber ku li gor min, te gelek tiştên ”girîng” û manîdar gotine.
Û loma jî nin rast nedît van dîtinên te bêbersîv bihêlim.
Li Wêranşarê her çiqas min dixwest jî lê min wext nedît bi te ra hinekî sohbet bikim.
Li Tirkiyê û Kurdistanê ji ber buhabûna şekir însan wek
berê êdî nikanin herin qahwexaneyan û çayekê vexwin. Yanî çay jî wek qahwê buha bûye.
Li Tirkiyê di demek pir kin da şekirê çayê ji sedî 30 buha bûye. Li qahwexaneyan qedehek çay berê bi
1,5 lîreyî bûye, piştî buhabûna şekir bûye 2 lîre.
Xwediyên qahwexaneyan ji buhabûna şekir, xelk jî ji buhabûna çayê gazinan dike.
Mêrik êvarî dema çû mal, jinikê baz da, çû pêrgî, destên xwe li hustu pêça û bû mirçîna wê mêrik maç kir û got:
-Şîrînê min îro ez pir kêfxweş im, di demek nêz da emê bibin
sê kes.
Mêrik got:
Wezîrê Parastinê Yê Tirkiyê Hulûsî Akar di civîna meclîsê da
gotiye, ”ne li Tirkiyê, ne jî li derveyî Tirkiyê coxrafîyeke bi navê Kurdistanê
tune ye.”
Parlamenterê HDPê Garo Paylan, Kurdistana başûr bibîr xistiye, gotiye:
-Ma Herêma Kurdistana Îraqê jî tune?
Hulûsî Akar gotiye:
-Na xêr, tune ye.
Hin risim hene tarîxî ne, jiyana meriv ya borî, tarîxa meriv
radixin ber çavê meriv.
Bi temaşekirina li wan hafiza meriv tevra dibe, xwe nuh dike, tiştên meriv ji bîr kirine tên bîra meriv. Wek meriv li fîlmê jiyana xwe temaşe bike.
Risim ne fîlm e, lê ji bo hafizayê rola fîlm dibîne, serpêhatiyên jibîrbûyî tîne bîrê...
Ev çend rismên min jî rismên wiha ne.
Heger piçek xîret û heysîyet bi meriv ra hebe meriv qatilên bav û kalên xwe, qatilên bi hezaran pêşiyên xwe ji bîr nake, nabe hevalê wan, di tu warî da piştgiriyê nade wan.
Xortekî bi navê Denîz Ozer gotiye, "Bavê xwe ji bîr bikin lê kujerê bavê
xwe ji bîr nekin!"
Temî û şîreteke di cî da û rast e. Dibê meriv qatilên bavê xwe ji bîr neke.
Do di malpera Rûdawê da xebereke pir ecêb û pir balkêş hebû, kesî qet tiştek li ser negot. Piştî min xwend ez şok bûm !
Rûdawê îstatîstîkên ankêta xerîbên(biyaniyên) li Tirkiyê herî zêde xanîyan dikirin û herî
zêde dibin hemwelatiyên Tirkiyê belav kiriye.
Li gorî îstatîstîkên dewletê yên resmî((TUIKê))li Tirkiyê di meha cotmehê(meha
10a)da 5 hezar 893 xanî xerîban, kesên ne hemwelatiyên Tirkiyê kirîne.
Di nav
wan da herî zêde îranîyan û piştî îranîyan jî kurdên Kurdistana Başûr kirîne.
Hêzên dewleta dagirker nehîştine li Dêrsimê xelk Seyid Riza
bibîr bîne.
Seyid Riza rêber û mezinekî miletê kurd e. Hûn çi bikin jî
miletê kurd vî rêberê xwe yê mezin ji bîr nake.
Bi qedexekirinê kurd dev ji
doza xwe ya azadî û serxwebûnê bernadin.
Barbarîya we, we biçûktir û pîstir
dike.
Lawikê min Azad navê vê beytikê/çûkê ji min pirsî ye. Cinsekî
beytikê ye lê ez nizanim bi kurmancî navê wê çi ye. Bi swêdî jê ra dibêjin:
-Kurdstenskvätta (Oenanthe xanthoprymna)
Tiştê balkêş navê kurdî lê kirine, gava meriv tercume bike dibe "çûka kurdî ya zinara, ya kevira."
Ez bi xwe nizanim ev çi çûk e, kurdan çi nav lê kirine? Kî zane bi kurdî navê wê çi ye?
Do danê esir li kuça me dengê qereperakê hat. Lawkê me got
pûlis û ambûlans e.
Ez derketim derve. Min bala xwe dayê ambulans û du erebên pûlisan li kêlek mala
me sekinîne.
Xortek ji kuça me bi lez berbî ambulansê diçû. Gava gihîşt ber mala me, min ji xort pirsî, min got
xorto:
-Xêr e, çi mesele ye?
Mîsyoner û seyahên ewrûpî û emerîkî di ger û seyahetên xwe
yên Kurdistanê da gelek tişt top kirine, gelek risim, grawur, nivîs, rapor,
name û bîranînên pir hêja li dû xwe hîştine.
Bi xêra van risim, grawur, bîranîn, meqale, nivîs, name û raporên ji dewletên
xwe ra nivîsîne em gelek urf û adetên gelê xwe, gelek zanînên tarîxî,
sosyolojîk, etnolojîk fêr dibin.
Li gorî ankêtekê li Tirkiyê ji %83ê ciwanan ji aborîya malbatên xwe bi fikar in û hêviya wan koçkirina derveyî welêt e.
Yanî tirk jî êdî ketine rewşa afrîqiyan, ji sedî nêzî 90ê wan ji birçîna û ji ber bêkariyê dixwazin ji Tirkiyê birevin, xwe bavêjin dexl û bextê ewrûpiyan.
Bi bûyerên li ser sînorê Belarûsê û Polonyayê rû didin careke din derket ortê Tirkiye ne tenê ji cîranên xwe ra, ji Ewrûpayê ra jî talûkeyeke pir mezin e.
Heger tirk basko nebin tu carî rehet nasekinin û ewê bibin sebebê şerekî mezin.
Bi bertîlkirinê, bi dana xûgiyê Erdogan dev ji pîşikên xwe yên xerab bernade, tew di tahmije, diazire, bêtir stûr û çavsorî dibe....
Keşe hinekî nerehet bû, çû ser tuxtor. Tuxtor ew baş miayene kir û dûra jê pirsî:
-Di xew da tu qet dipeyive?
Keşe hinekî da bîra xwe, got:
Qerekter(şexsîyet)ji bo însên xusûsîyet û xisletekî pir muhîm e. Di demên xerab da jihevgerandina însanên xwedî şexsîyet û yên bêşexsîyet pir muhîm e. Çimkî di demên zor û zahmet da şelaf, merivên bêşexsîyet zêde dibin.
Gava şexsîyet zeîf be însan bibe çi jî vala ye. Xwezî bi dilê wî mêrî, wê jinê qerekterê xwe(şexsîyeta xwe) di ser kursî û meqamê xwe ra, di ser her tiştî ra digire, nabe dost û hevalê dijmin.
Jinik û keça xwe ya pir bedew bi hev ra çûn ser bijîşk/tuxtor. Bijîşk ji keçikê ra got:
-Ji kerema xwe kincên xwe ji xwe bike!
Diya keçikê mizicî, got:
Piraniya nufûsa Tirkiyê mahcirên ji Balkanan, Kafkasan û qereçî
ne. Qismek jî ereb in.
Lê giş helîyane, teslîm bûne, xwe tirk dihesibînin. Lê ne tenê xwe tirk dihesibînin, di ser da bûne faşîst û nasyonalîstên tirk û neyarên kurdan.
Îcar gava kurdek dibêje ez
kurd im, wek wan eslê xwe înkar nake dîn dibin, har dibin, kef û girêz bi devê
wan dikeve, êrîşî kurdan dikin; dixwazin kurd jî wek wan bibin heramzade. Ev yek gelşa piraniya
tirkan e.
Di nava notên xwe yên rojane da îro ez rastî vê hevpeyvîna Lokman Polat 20 sal berê bi min ra kiriye hatim.
Lokman Polat li ser wergerê di destpêka sala 2001ê da bi min ra hevpeyvînek kiriye. Di 9ê meha yekê da di e-maîlekê da ji min ra wiha nivîsîye:
Medyaya me ji dêlî ku kurmancîyeke sivik, a xelk pê dipeyive
û jê fêm dike bi kar bîne, peyvên sûnî, naylon çê dike.
Him xelk ji van peyvên
sûnî, naylon fêm nake, him jî dibin sebebê însan ji kurdî sar bibin.
Zimanê însan jê fêm neke, pê nepeyive, jê sar dibe, jê hez jî nake...
Yanî peyvên sûnî, çêkirî, sentetîk yên di nava xelkê da nayên bikaranîn ji karê bêtir
zirarê dide zimanê me.
Serokê Rpsyayê Vladîmîr Pûtîn ji Yekîtiya Ewrûpayê ra gotiye we çawa bi Tirkiyê ra peyman çêkiriye, dibê hûn bi Belarûsê ra jî eynî peymanê çêkin.
Yanî mêrik dibêje hûn çawa xûgiyê didin Erdogan, dibê hûn
bidin Lukashenko jî. Ma qey ew zarokê dêmarîyê ye?
Ev pilana Erdogan e, wî ev ders daye Lukashenko.
Vê carê kabê min mîr hat, Xwedê ji min ra li hev anî, bê pere û bê pûl, miftî belaş ez bûm xwedî kompîtoreka Asus.
Erê kevn e, lê ji cisnê zêr e, hesinê berê ye, sed qatî ji yên nuh baştir e.
Û ji ber ku belaş bi destê min ket, kêfa min pirtir jê rat ê.
Meselê wiha dest pê kir.
Çend roj berê ekrana kompîtora min şikiya, ji hev da ket. Kompîtor dixebitî lê
dîsa jî min biryar da yeka nuh bikirim.
Çimkî min nikanîbû dest bidayê, ekran ji hev da diket, nedihat girtin.
Di binê kaos û trajedîya ser sînorê Belarûsê û Polonyayê da jî tirk derektin !
Tirk ji bo ku Kurdistana başûr û rojava ji ciwanan vala bikin, ew bi balafirên
xwe belaş birine Mînskê.
Li gorî rojnameya Almanya ya herî mezin Bîldê nivîsîye, tiliya Tirkiyê di gelşa ser sînorên Belarûsê û Polonyayê da heye.
Li ser sînorê Belarûsê û Polonyayê kurdekî ji Kurdistana Başûr ji telewîzyona Skynewsê ra gotiye:
” Eger bêjin ev rê diçe Kurdistanê û ev rê jî diçe mirinê. Ezê bidim ser rêya
mirinê û ez venagerim Kurdistanê.”
Ev trajedîyeke pir mezin e, kezeba meriv diperite. Ev yek tê maneya li
Kurdistana Başûr rewşa însên ji riya mirinê jî xerabtir e.
Ji bo çêbûna Kurdistanê kurdên ku bi salan şer kirin, bi hezaran şehîd dan, kurdên ku digotin ya Kurdistan yan neman, nuha li ser sînoran ketine halekî pir perîşan,
diçin mirinê lê venagerin Kurdistanê.
Serokê partiya BBP Mustafa Destecî xerîteya Kurdistanê çirandiye û ji kurdan û Kurdistanê ra jî hin gotinên bêedeb kiriye.
Mustafa Destecî çeqelekî bêedb û rezîl e, şelafekî kurtêlxur e, pişta xwe
sipartiye dewletê û heqaretê li kurdên destgirêdayî dike.
Yê ne sûtal û çeqel
be bêedebîyeke wiha nake. Meriv qedrê diya xwe bizanibe ji diya xelkê ra xeber nade.
Tirkiyê jî êrîşa ser mala Serokwezîrê Îraqê Mistefa Kazimî şermezar kiriye.
Tirk wiha ne, bi gur ra dikujin, bi şivên ra dixun, bi xwedî
ra digrîn. Tirk bi rû dost in, bi dil dijmin in, bi bin in, bi heftêheft qulan
dixebitin. Her nerindî ji wan tê. Hûn kîjan kevirî rakin ew di bin da ne.
Belkî droneyên di êrîşê da hatine bikaranîn yên Tirkiyê bin. Belkî êrîşkar merivên wan bin.
Hêvî dikim xwediyê droneyan tespît bikin, yên kê ne û ji ku hatine avêtin?
Kelmêşekê(pûşîyekê)bênabên li dora serê şêr vizîna wê bû, şêr pir nerehet dikir.
Şêr guhên xwe dilivandin,
serê xwe dihejand, pençê xwe davêt vira û wira, dêla xwe li ba dikir bêfêde bû, çi dikir, çi nedikir nedibû, kelmêşê bela xwe jê venedikir.
Şêr pir hêrs bû, got:
-Ji min dûr keve, heger tu hinekî din jî min nerehet bikî ezê te perîşan bikim.
Kelmêş kenîya, got:
Ev demeke berpirsiyarekî MİTê yê kevn Mehmet Eymur gelek sûc û qetlên kirine û zane îtîraf dike.
Mêrik dibêje îşkence kiriye, MITê 18 însan dane kuştin,
serok û çeteyeyên mafyayê çawa bi kar anîne , li dû hev rêz dike. Dibêje dewlet
çi bike rast e, îşkence jî normal e.
Sedat Peker tiştên ji wî zêdetir gotin. Lê dîsa jî kesî tiştek bi sûcdaran nekir. Çimkî dewlet bi xwe bûye organîzasyoneke çeteyan.
Li ser nezanî û kêmaqiliya me kurdan Abdullah Keskin peyveke muhîm û rast kiriye, gotiye:
”Ji ber ku Avesta jî, Cizîrî jî Dîcle û Firat in. Îslamîstên esilkurd girîngiya ku dane Seyîd Qutub, Mevdûdî, Hekimoğlu İsmail tu caran nedane Cizîrî, Feqî û Xanî. Xebata pêşî li ser Cizîrî oryantalîstekî kir. Li ba me piştî 350 salî dîwana wî çap bû.
Jinikê ji psîkolog ra qala derdê mêrê xwe dikir, bi gazin got:
-Tuxtor beg, ez hew kanim derdê mêrê xwe dînik bikşînim, ji bo ku
ez ji fasûliyê hişk pir hez dikim mêrê min ji min ra dibêje tu dîn î!
Tuxtur got:
-Gotineke berradayî ye, ez jî ji fasûliyê hişk pir hez
dikim.
Jinikê bi kêf got:
Ecêba giran, bîstek berê dema min kompîtora xwe vekir ekrana
wê ji hev da ket, perwaza dora ekranê rabû.
Min xwest rast bikim, lê tew
xerabtir bû.
Dibê ez qet dest nedimê, qapaxê negirim.
Min di 2ê adara 2018a da
kirîbû, çima hewqasî zû xera bû min fêm nekir. Bêxwedîyê pir qelp derket !
Wiha ye, dema ji meriv ra xerab were diranê meriv di pelokê da dişkê.
Di van salên dawî da rojê em li şînekê ne, rojê yek ji me
xatir dixwaze, rojê em hevalekî xwe, hezkiriyekî xwe li xerîbiyê dispêrin axa
sar.
Me îro jî Zekî Irmak(Serbest) li Swêd, li bajarê Eskîlstûnayê sipart axa sar.
Di salên 1980î da dema em hatin Swêd em giş ciwan bûn, gelekên me azib bûn.
Em zewicîn, bûn xwedî zarok, zarokên me mezin bûn, dor hat zewacên wan, dawetên
wan.
Zimanê me ne tenê nasnama me ya netewî ye, ew welatê me ye jî, ruhê me yê netewî ye jî.
Em bi kurdî difikirin, hîs dikin, dilşa dibin, xemgîn dibin, hestên xwe didin der, bi kurdî edebîyatekê, muzîkekê, folklorekê dixuliqînin.
Ev giş bi zimên dibe.
Dema kurd asîmîle bibin piştî demekê, hêdî hêdî hestên netewî jî pê ra dihele, kurd dibin tirk.
Serokê CHPê, heramzadeyê kurdayetiya xwe înkar dike, wî jî di talda dewletê da fortek daye xwe, wî jî gefek li PKKê xwariye, gotiye:
”Emê micadela li dijî terorê wek van nekin. Ez soz didim, heger ez wê hêlîna jê ra dibêjin Qendîl bi erdê ra tep û dûz nekim bira ji min ra jî nebêjin Kiliçdaroglu.”
Berê jî 11 endamên Kongreyê eynî daxwaz ji Bîden û Blînken kiribûn.
Wek min texmîn dikir Bîden nerm bûye, soz daye Erdogan çi ji destê wî were ewê
bike. Ji beyanên emerîkiyan yên piştî civîna Joe Bîden-Erdogan ev yek xuya bû. Di vê xebera Rûdawê da lihevkirina Bîden- Erdogan eşkere ye
Yanî Erdogan, Bîden jî bi pera nerm kiriye. Heger tirk û amerîkî di kirîna balafirên
F-16a da li hev bikin ev yek ewê tesîreke xerab li kurdên rojava jî bike,
Amerîka ewê ji Sûriyê vekişe û destûrê bide êrîşa Tirkiyê.
Erdogan programa xwe betal kiriye, neçûye Glasgovê Civîna COP-26a, ji Romayê vegerîyaye Tirkiyê.
Berdevkekî wî gotiye sebebê vê biryara ji nişka ve xwedêgiravî ji ber ”hin
gelşên ewlekariyê bûye.
Hin daxwaz û wasîteyên tirkan ji bo artêşa ewlekariyê
xwestine, îngilîzan qebûl nekirine, gotine na...
Tuxtor ji pîrê ra got kalê te hiş berda ye, xirifî ye.
Pîrê fena ku ecêbmayî bimîne, serê xwe xurand, lêva xwe hil
kir, kûr kûr fikirî.
Tuxtor got:
