Erdogan serokê Sûriyê yê li pişt perdê ye

Hukûmeta Şamê tam ketiye bin destê Tirkiyê, def di hustuyê Ehmed Şer da ye, qolik di destê Erdogan da ye. Erdogan çawa bixwaze wer dike gurmîn. Ehmed Şer qûqle ye, benê wî di destê Erdogan da ye.

Wezîrên hatine hilbijartin jê 3-4 heb ne tê da hemû hemwelatiyên Tirkiyê û zilamên Erdogan in. Serokê Tirkiyê Erdogan serokê Sûriyê yê li pişt perdê ye.
Yanî meriv kane bibêje hukûmeta Ehmed Şer wek kabîneyeke girêdayî Erdogan e. Ji bo wî jî di amadekirina destûrê da kurd nekirin şirîk, di kabîneya hukûmetê da jî cî nedan kurdan.

Mele ji vêsê da ye em ji guhan kir !

Nayê kişandin !
Em ji guhan bûn...

Ji berbangê da ye barebar û qareqare mele di hundur malika me da em kerr û gêj kirin.

Lokala wek mizgeftê bi kar tînin 2 km ji mala me dûr e, derî û paceyên me girtî ne, dîsa jî ji dengê mele em ji guhan bûne.

Bi rastî nayê kişandin !

Li welatekî xiristiyan ev barebar terorîzekirina însên e.

Zîyafetên fitarê îsraf e

Ev çend sal in di nava kurdên Kurdistana Bakur da edeteke nuh peyda bûye; di meha Remezanê da beledîye, partî, şexs zîyafetên fitarê didin.

Bi navê fitarê bi sedan kesên ne motaj dawetî xwarina êvarê dikin. Pêşek pere lê mesref dikin.

40, 50 sal berê, 30 sal berê, heta 20 sal berê jî edeteke wiha tunebû, hebûna wê nayê bîra min. Beledîya Wêranşarê tu carî xwarina fitarê nedida bi sedan kesî.

Ala Kurdistanê wek şûjinê di çavên wan ra dihere

Çendake hin siyasetmedarên tirk heqaretê li ala Kurdistanê dikin, jê era dibêjin ”potik, paçik” filan û bîvan.
Ji be ku dewlet li pişta wan e çavsoriyê li kurdan dikin. 
Ala Kurdistanê wek şûjina tu çavên wan ra ke, dîtina wê bi wan hewqasî zor tê.
Gava ala rengîn dibînin wek mûmê dihelin, kulek penceşêrê li ser dilê wan çêdibe.
Heger dewlet bêteref bûya nikanîbûn, newêrîbûn vê heqaretê li ala kurdan bikin, kurdan ewê devên wan biçiranda.

Ev neyar gelkî har e

Ji roja Tirkiye ava bûye her hukûmeta hatiye ser hukim antî-kurd bûye, xwestiye kurdan asîmîle bike, helandina kurdan kiriye armanca xwe ya esasî.

Lê dîsa jî tu hukûmetê bi qasî cepha Erdogan-Bahçelî di vê dereceyê da neyartiya kurdan nekiriye.
Cepheya Erdogan-Bahçelî li sê perçên Kurdistanê şerê kurdan dike, li Rojava û Başûr jî axa Kurdistanê dagir kiriye. Li dijî kurdan şerekî mezin dimeşîne.

Rojnamevakî swêdî li Tirkiyê hat girtin

Rojnamevanê swêdî Joakîm Medîn do danê nîvro li balafirxaneya Stenbolê hatiye girtin. Joakîm Medîn ji do da ye girtî ye.

Li gorî medyaya Swêd dinivîsîne Joakim Medîn îro tewqîf kirine, şandine girtîxanê.
Joakîm Medîn bi çûna Tirkiyê şaşiyeke pir mezin kiriye. Rojnamevanekî wekî wî, li ser Tirkiyê gelek nivîsên kirîtîk û kitêbeke nivîsî ye dibê neçûya tirkiyê.

Ez jî di çîroka Kitêbxana Medyayê da heme

Dostê minê ezîz Selahettîn Bûlût bîranînên xwe yên li ser avabûna Kitêbxaneya Medyayê wek kitêbeke çap kiriye. Navê kitêbê kiriye ”Meşa Kîso-Çîroka Medya Kîtapevî.”

Karekî pir baş kiriye. Beşek ji serpêhatiyên xwe û yên hin kesên din ji mirinê xelas kiriye. Pîroz dikim.

Di rûpela 177-178´a da qala sohbeteke min û xwe jî kiriye. Sohbeta me li ser senîmeyê û senaryoyên fîlman e.

Ji bo nivîsîna vê bîranînê kêfxweş bûm, mala camêr ava be.

Serpêhatiyek xweş

Di paceyeke me da problemeke biçûk hebû, bi rehetî nedihat girtin. Ji bo ku emê xênî bifroşin em kul û kêmasiyên hene tahmîr dikin.
Hostakî hat îro çêkir. Min destmiza wî jê ra Swish kir.

Bîstek derbas bû hoste telefonî min kir, got heyra tiştek nehatiye.

Ez matmayî mam. Min bala xwe dayê min şandiye ji yekî din ra. Min numra telefonê ya dawî ji dêlî 3´ 6 nivîsîbû, perê min çûbû ji yekî din ra.

Kûçik li ber deriyê kê be wî diparêze

Mêrik rojekê ji kûçikê tim êrîşî wî dikir, bi harî pê da diewtîya pirsî, jê ra got:

-Kûçikê delal, ez zirarekê nadim te, min tu carî kevirek navêtiye ji te da, min tu carî tu aciz nekiriye, ji bo ku tu kûçik î min heqaret li te nekiriye. Ji bo çi tu dîsa jî her tim tê min, tu wek kûçikekî harbûyî bi min da diewtî? Min meraq kir, sebebê vê êrîşkariya te çi ye gelo?

Kûçik got:

Hûn çi bikin jî hûnê Kurdistana bûye ezraîlê ruhê we bibînin

Çend pîncên ji partiya CHP´ê li Anqerê li Meydana Qizilayê wek segên har makêta Şêx Seîd îdam kirine, perçe kirine, rismê Evdila Ocalan şewitandine.

Gurên har, neyarên miletê kurd wer bawer dikin azadî û serxwebûna kurdan nêzîk bûye û ev yek jî ewê dawî li qewmê wan ê wek gêrmiya gavanan bîne. Hebûna xwe bi tunekirina, qirkirina kurdan va girê dane.

Carnan meriv dixwaze guh nede tu tiştî

Carna meriv tê nuxteyeke wer jiyan meriv diwestîne, dixwaze bîna xwe, westa xwe bigire. Guh nede tu tiştî.

Dinya meriv diwestîne.

Nivîsandin meriv diwestîne.
Xwendin meriv diwestîne.

Heval meriv diwestînin.
Gelşên xelkê meriv diwestîne.
Xapandin, sextekarî meriv diwestîne.
Derdê hevalan meriv diwestîne.

Dibê em nekevin nabêna şerê tirkan

Li hemberî Erdogan piştgiriya Ekrem Îmamoglu, li hemberî AKP´ê hevalbendiya CHP´ê şaşiyeke mezin e.

Kîtleya CHP´ê, hêzên kemalîst jî bi qasî îslamîstan neyarên miletê kurd in.

Şerê wan dişibe şerê dê û dotê, çiqasî bi hev kevin jî yên hev in. Dibê kurd nekevin nabênê. Ji bo me kurdan tu sebeb tune ye bibin piştgirê CHP´ê û Îmamoglu.

Talîya Erdogan baş xuya nake

Serokê Tirkiyê Erdogan heta nuha geh bi dîn û îslamîyetê, geh bi demagojiyên pantirkîzmê, geh bi hîle û sexteakriyê, carnan jî bi darê zorê rewş baş îdare kir, milet xweş xepand.

Lê çira virekan heta sibê vêketî namîna, rojek tê derew, tirsandin êdî pere nake. Belkî Erdogan hatiye dawiyê rê. Talîya wî baş xuya nake.

Tu rejîma dîktatorî ne ebedî ye, rojek tê milet pihînekê li kursiya meriv dixîne, meriv serserî teloqanî jêr dike.

Gerek em ji tarîxa xwe û ji serpêhatiyên pêşiyên xwe ders û ibretê bigrin

Gotinên pêşiyan kin in lê mişt tecrûbe û serpêhatiyên salan e. Tiştê di gotinekê da hatiye gotin wek xulaseya lêkolîneke sosyolojîk e.

Carnan gotineke pêşiyan ji meriv ra dibe wek şîreteke giranbiha û pûsûleyeke jiyanê.

Dijminên bav û kalan tu carî nabin dost û hevalên lawan.
Rîh dibe bihost, dijmin nabe dost.

Dibê kurd xwe nekin destiyê kêra CHP´ê

Kurd li her derê piştgiriyê didin Ekrem Îmamoglu û bi CHP´ê ra Erdogan û hukûmeta wî protesto dikin.

Bi baweriya min kurdên beşdarî protestoyên CHP´ê dibin şaşiyê dikin. Dibê kurd neçin mitîngên CHP´ê. Îmamoglu û hevalên wî ji Erdogan ne baştir in.
Du xerab, du cepheyên neyarên kurdan bi hev ketine, ne rast e em piştgiriyê bidin aliyekî. Ew têra xwe hene. Dibê em xwe nekin destiyê kêra CHP´ê.
Ma dema serokên beledîyeyên kurdan hatin girtin CHP beşdarî protestoyên kurdan bû?

Kurd li gorî çend sal berê bêtir bûne kurdperwer

Gava meriv li dîmenên Newroza Amedê û li ya hin bajarên din, li kincên xelkê, li yên jinan û zarokan, li sembolên derketine pêş dinêre bi rehetî meriv kane bibêje neteweperwerîya, nasyonalîzma kurdî li gorî çend sal berê xurttir bûye, bi pêş ketîye.

Nasyonalîzma kurdî di nava kurdan da ji deh sal berê, ji 5-6 berê bêtir bi pêş ketiye. Meriv viya di medyaya sosyal da baş dibîne.

Pisika lawikê me jî mir !

Lawikê me Rojen ewê îro bihata ba me. Me wer li hev kiribû. Du hefte ye me Aras nedîtiye, me bîriyê kiriye.
Vêsê telefonî min kir, got bavo îro em nikanin werin. Ez tirsiyam, min got belkî Aras nexweş e. Min got:
-Çima hûn nayên, ma Aras nexweş e?
Bi dengekî pir xemgîn, heznî got:
"Na, Aras ne nexweş e, tiştekî din e.
Min bêtir meraq kir, min got mesele çi ye?
Dîsa bi dengekî xemgîn got:
”Pisik” ! Dema ez hatim ezê bibêjim…

Gelo tirk ewê vê carê mûcîzeyekê nîşanî me bidin ?

Recep Tayyip Erdogan dewlet kiriye wek dikana xwe, dilê wî çawa bixwaze dikana xwe wer îdare dike. Carnan dikana xwe digre, carnan vedike.

Li Tirkiyê xwediyê dewletê, yê dewletê, hukûmetê, her tiştî sewq û îdare dike tenê Erdogan e. 

Mahkime, esker, pûlis, her tiştî ew dimeşîne, li gorî emir û dîrektîfên wî dixebitin.

Me Newroza xwe ya îsal bi coş û dilaşahî pîroz kir !

Me Newroza xwe ya îsal, îşev li Stockholma xopan, li Hîstorîska Museum (Muzexanayeya Tarîxê) bi kêf û coş pîroz kir.

Şahîya Newrozê wek her sal, îsal jî ji alî nûnertiya hukûmeta Kurdistanê li Swêd va hat amadekirin.
Newrozeke bi rêk û pêk, bi dûzan û întîzam bû. Muzîk, serwîs, her tişt bi dûzan û mikemel bû.
Salon tije bû. 

Ev nîna ye tirnîna hîn maye

Merivê rûşuştî, bêar, bêheya gava xurt be, hukumdar be pir zalim e.

Jê ra tim çardê nîsanê ye,çimkî çi derewê, çi bêbextiyê, çi sextekariyê, çi diziyê bike jê şerm nake; li ber xwe nakeve, ji ber ku bêarî ji xwe ra kiriye maske.

Civata, merivê diz, sextekar, fêlbaz, bêar bide ser serê xwe, bi salan serî lê mezin bike, tim jê ra li çepika xîne misteheqê zulm û terora wî ye.

Hin minaqaşe ne hêjeyî meriv wexta xwe û enerjiya xwe bidê

Carnan însanên kamil, rîsipî li ser tiştekî tune, li ser gotineke vala, bêmane, bêfêde bi hev dikevin, hevdu kelûkût dikin.

Dema ez dibînim gelek maqûl û rîsipiyên me tevî teşxeleyên, minaqeşeyên berradayî dibin ez matmayî dimînim, li ber dikevim.

Hin minaqeşe hene dibê meriv ji nedîve were, xwe bi ber teqala însanên devbelaş, gotinên xwe nizanin nexîne.

Tableta ez bende kevzikî bûbûm îro hat

Min îro rojeke pir bi hereket, pir xweş û bi qezenceke baş derbas kir. Yanî kabê min îro mîr hat, tableta ez li bende kevzikî bûbûm îro bi silametî gihîşt min.

Meh û nîveke ez li bende datayeke biçûk im, tabletekê me. Serî li min digerandin, nedişandin, digotin qediya ye.
Çendakî berê min telefonek Samsung kirî, ev tablet jî di ser da belaş dan min. Kampanîyek hebû, tesadufî ez lê rast hatim.
Lê pir dereng şandin. Do min dîsa telefon kir, ez bi wan da xeyidîm, min got zû tableta min bişînin; ya na hûn zanin ezê çi bînim serê we…
Ya tirsiyan, ya jî dilê wan min şewitî, tablet îro hat. Min çû ji postê girt.

Ya şaş ne rexne ye, şiklê rexne yê ye

Di şer da însan di stresê da ne, pir hesas in, bînteng in, wek demên din ne sakîn in.

Di şer da, di rojên giran da jî dibê meriv çavê xwe ji kêmasî û şaşiyan ra negire, fikrê xwe, pêşniyarên xwe bibêje.

Artêşa-ordîya di herbê da jî tê rexnekirin. Ya şaş ne rexne ye, şiklê rexneyê ye, uslûb e, termînolojî ye.
Tu çi, çawa dibêjî pir muhîm e.

Serpêhatîya parsekekî

Yekî halxweş, hinekî zengîn bi salan her meh hezar dolar dida parsekekî. Parsek, ev qencîya mêrik, ev lutfa xeyal dikir bi memnûnîyet û kêfxweşî qebûl dikir.

Kêfkêfa wî bû, her meh 1000 dolarê xwe berra bêrîka xwe dida û diçû malika xwe.

Çend sal derbas bû, rojekê mêrik ne hezar dolar, hefsedûpênce (750) dolar dirêjî wî kir.

Qetlîama Tirkiyê li Kobanê kiriye sûcekî giran e !

Balafirên Tirkiyê do bi şev bajarê Kobanê bombebaran kirine. Di bombebaranê da 9 sivîl kuştine, 2 kes jî birîndar in.

Xwedêgiravî piştgirî dan peymana HSD´ê û hukûmeta Sûriyê. Xwedêgiravî beyanên aştiyê, aramiyê dan. Bi vê qetlîama xwe nîşan da tiştên gotin giş vir bûne, den ji kuştina kurdan bernedane.

Hukûmeta Kurdistana Rojava li hemberî vê komkujiya Tirkiyê dibê bêdeng nemîne ji Neteweyên Yekbûyî û civata navnetewî daxwaza lêpirsînê bike.

HSD´ê di daxuyaniya xwe da navên kesên hatine kuştin eşkere kirin:

Nivîsek û bîranînek 23 sal berê

Di Facebookê da ez rastî malpera(sîteya) Çolemêrgê hatim û min jê ra nameyek bi Kurdî nivîsî.
Min di wê nama xwe da berpirsiyarê malperê ji bo vê xebata wî ya hêja pîroz kiribû û ji bo ku malper tenê bi Tirkî ye hin rexne lê girtibûn.
Min gotibû heger malper ya Çolemêrgê (Hekarî)ye lema jî divê ew bi Kurdî be.
Îro, dema min dîsa li malperê nêrî, min dît yekî faşîst bi îmza "anonîm" ji nivîsa min gelkî aciz bûye, li hember min bêedebî kiriye, gotiye "bêşeref" û ji berpirsiyarê malperê ra jî gotiye tu çima nivîsên bi Kurdî diweşînî?

Ez nizanim çima em tim di nîvê rê da dilikum in?

Em miletekî pir bêşans in. Di her warî da ji me ra xerab hatiye.

Em tim di nîvî rê da dilikum in û ji hedefa xwe ya azadî û serxwebûnê dûr dikevin.
Carnan ji ber xurtiya dijmin e, em nikanin bigihîjin armanc û mexseda xwe, carnan jî ji ber nezanî, xayinî û bêtifaqiya me ye.

Coxrafiya me, cîranên me, dînê me, rengê me giş bûne bela serê me.

Fêda yekê jî negihîştiye me. Hemû jî bûne sebebên bindestiya me, qetla me.

Li gorî rapora tuxtor ez saxlem derketim

Wê rojê em çend heval mîvanê hevalekî bûn. Di nava sohbeta me da dor hat ser em li halê hev, li siheta hev jî bipirsin, hela ka bi kê ra çi nexweşî heye, kî çi dermanî dixwe?

Her kesî dest pê kir navê nexweşiya xwe û dermanên dixwe rêz kir.
Dor hat ser min. Gotin, rewşa te çi ye, tu nexweşî bi te ra heye, tune ye ?

Min min got wele ne nexweşiyeke min heye, ne jî ez tu dermanî dixum.

Extîyarî carnan kenê meriv bi meriv tîne

Kalîtî(extîyarî)meriv bêhiş dike. Carnan tizbiya min di destê min da ye û ez lê digerim.

Koleksîyoneke min a tizbîyan heye. Ez bi berhev diguherim, çendakî carê yekê digrim destê xwe.

Dema ez li telewîzyonê temaşe dikim ez tizbiyê dikşînim.
Îro tizbîya min a sedef di destê min da bû, lê ji nişka ve beta bû, erd qelişî û tê da wenda bû.
Ez vir da, wê da lê gerîyam min nedît. Teseliya min jê ket, min dev ji gerrê berda.

Cahniya xam û tirk

Cahniya xam destpêkê nahêle kes lê siwar bibe, henşerî ye, nayê zeftê, radibe pêdarê, dide tîzik û lotikan, nahêle siwar bi teqalê keve.

Siwarê jêhatî xwe çindî ser piştê dike û dajo…

Cahnîya xam û serhişk çiqasî xwe vir da, wê da li ba dike, hol dike, li ber xwe dide jî nikane siwêr ji ser pişta xwe bavêje erdê.

Dawiya dawî diweste, tê rê, terbîye dibe û siwarê xwe qebûl dike. Tirk dişibin cahniyeke xam.

Tirkan destûreke wek ya xwe ji Sûriyê ra çêkirine

Ji bo ku kurd li Sûriyê nebin xwedî mafekî netewî tirk qefle bi qefle diherin Şamê û tên, zextê didin ser Ehmed el Şara, dibêjin gerek hûn destûreke kurdan wek milet nas nake û tu mafekî netewî, kollektîfî nade wan çêkin.

Û wan jî destûreke tam li gorî dilê tirkan çêkirine. Bi baweriya min destûra "komîteyê" amade kiriye ji alî tirkan va hatiye çêkirin û dane destê wan.

Destûra demkî ya hatiye amadekirin û teslîmî Ehmed el Şara bûye ji destûra dema Beşar Esed xerabtir e, ne baştir e.

Camêr zimanê min kiriye gêrmiya gavana

Çend meh berê ji Kurdistana Rojhilat xortekî bi navê Akam Cîhangîrî li ser navê kovara Vejînê bi min ra hevpeyvînek kir. Hevpeyvîn di jimara 15´a da hat weşandin.

Armîn Temerzadeyê hêja di platforma X´ê da ew parve kir. Camêrekî bi navê Balyozxane jî hevpeyvîn transikrîbeyî herfên latînî kir.
Min bala xwe da latîniya hevpeyvînê, ez matmayî mam. Min nikanîbû biqedanda. 

Camêr zimanê min hewqasî guhertiye, ez xistime dewsa cahilekî, nezanekî zimannezan, zimanê min ji kok da guhertiye, kiriye zimanê xwe.

Wer xuya dike rawestgeha dawî ya jiyana min ewê Hanînge be

Piştî 22 salan êdî wext hatiye em xatir ji ALBY´a şîrîn bixwazin koçî herêmeke din bikin. Me îro ew gava pêşî avêt.

Me li herêma Hanîngeyê xanîyekî sê odeyî ji xwe ra kirî.
Me îro çû peyman îmze kir. Em di xanîyekî bi hewş(rêzxanî,radhus)da dimanîn. 

Xaniyê me pir xweş e, bi hewş e, havînî, biharê em li hewşa xwe rûdinin, kêf dikin.

HSD û PYD keda xwe û bedelên kurdan dane nekin keda bersîs

Li ser peymana du roj berê di nabêna serokê HSD´ê Mezlûm Ebdî û serokê Sûriyê Ehmed Şara da hat îmzekirin gelek tiştên cuda tên gotin. Hinek dibêjin di peymanê da ji bo kurdan tiştekî konkret tune ye, peymanê rexne dikin; ez jî di nava wan kesan da me.

Hinek jî peymanê diparêzin, dibêjin ev serketineke, destpêke, gava pêşî ye, kurd ewê bigihîjin mafên xwe yên netewî.
Emerîka, Fransa, Almanya di nava meselê da ne. Kurd ewê hêza xwe ya leşkerî belav nekin û îdareya xwe biparêzin. Yek ji wan kesan jî Salih Muslim e.

Salih Muslim: Em êdî şirîkê dewleta Sûriyê ne

Endamê komîteya merkezîya PYD´ê Salih Muslim li ser peymana do di nabêna HSD´ê û hukûmeta Sûriyê da hat îmzekirin tiştên meriv kêfxweş û geşbîn dike gotiye.
Di 8 madeyên peymanê da ji bo kurdan tiştekî konkret, muhîm tune ye. Lê herger wek Salih Muslim gotiye peyman di bin çavdêriya hin hêzên navnetewî(yanî Emerîka)da hatibe çêkirin û kurd desthilata xwe ji dest nedin û bi rastî jî bibin şirîkê dewleta Sûriyê pir baş e, ez kêfxweş bûm; HSD, PYD´ê pîroz dikim...

Ax ji derdê van kurmên darê

Li ser kurmê darê nivîseke min a 18 sal berê. Min got bira ew jî di bloga min da were arşîvkirin.

2007-01-16

Gotinek me kurdan heye, dibêjin ”kurmê darê ne ji darê be dar nakeve.” 

Yanî em kurd ne dijminê xwe bin, dijmin bi tena serê xwe nikane zora me bibe. Ancax bi alîkariya hin nezan û kêmaqilên me dijmin dikane li me siwar be.

Di vî warî da nimûna herî dawî hin reaksiyon û êrîşên ser gotinên Yaşar Kemal e.

Tirkan bi rastî jî nehîştin li ser sînorê Tirkiyê "QORîDORA TERORÊ" ava bibe !

HSD´ê û HTŞ´ê(hukûmeta Sûriyê) li hev kirin. Mezlûm Ebdî û Ehmed Şara peyman îmze kirin.

Bi vê peymana ji nişka ve ez bi xwe matmayî mam. Qet qala tiştekî wiha nedihat kirin.
Peymana resmî bi tevayî hîn nehatiye belavkirin. Hin madeyên peymanê di medyayê da belav bûne.

HTŞ bi qasî serê derziyê jî ji Daîşê ne baştir e

Di nabêna cîhadîstên HTŞ´ê û Daîşê da di warê fikrî, îdeolojî emelî da tu ferq û cudahî tune ye. Serokê HTŞ`ê Ehmed Şer ji el Bedadî ne çêtir e, demokrattir e.

Hîn baş cî nedane nigên xwe li Sûriyê dest bi qetlîama elewîyan kirin. Bi sedan vîdeyên wahşeta xwe belav kirin. Gerek dinya, Neteweyên Yekbûyî li hemberî vê qetlîama mezin bêdeng nemîne.

Heta ku tirk mirinê nebînin ewê bi tayê razî nebin

Ev nivîseke min a 18 sal berê ye. 18 sal berê hedefa tirkan xerakirina Kurdistana Başûr bû, giraniya xwe, enerjiya xwe dabûn ser wê hedefê. Lê nuha têkbirina Kuridistana Başûr hîştine demeke din, hedefa wan a nuha Kurdistana Rojava ye. Bi çete û cîhadîstên ereb ra dixwazin Kurdistana Rojava ji ortê rakin. 
Di hewildana xwe ya ser Kurdistana Başûr da çawa bi ser neketin, di êrîşên xwe yên ser Kurdistana Rojava da jî ewê pûş bikutin, bi ser nekevin.

Miletê bêdewlet wek merivê bêmal û çûka bêhêlîn e

Dewleta tirkan heye. Artêşa wan, meclîsa wan, pûlisên wan, dibistan û zanîngehên wan, ala wan heye. Heye û heye, her tiştê wan heye. Li dinyayê konsolosxaneyên Tirkiyê hene. Di xarîteya dinyayê da Tirkiye heye.

Di bêrîka her tirkî da nasnameyeke tirk heye, bi wê nasnameyê, bi wê pasaportê xwe dide naskirin, li dinyayê digere.
Baş e wek kurd yê me çi heye?

Qetlîama çeteyên HTŞ´ê ji do da ye dikin dibê ji bo me kurdan bibe ibret !

Ji do êvarî da ji Sûriyê dîmenên, vîdeoyên wahşetê, qetlîaman belav dibin. Çeteyên hukûmeta HTŞ´ê li Lazqiyê û hin herêmên din xelkê gulebran dikin. 

Xelkê li ber kamereyan îşkence dikin, nuseyrîyên sivîl wek kûçikan didin ewtandin. Vek Daîşê vîdeoyên wahşeta xwe jî belav dikin. 

Bi hezaran kuştî hene. Çeteyên HTŞ´ê elewîyan, nuseyrîyan, xelkê sivîl li kuçe û kolanan gulebaran dikin.

Hewesa dil

Îro ez û xanim di dema gera xwe ya rojane da rastî jin û mêrekî ketibûn milê hev hatin. Ya hindî bûn, ya ereb bûn. Min wer texmîn kir. Wek du evîndaran ketibûn milê hev. 

Piştî em ji hev xericîn, xanimê di ber xwe da got:
-Erê bavo, hewesa ji dilê xwe derdixin.
Min got:

-Xanim, heger tu bixwazî tu jî kanî têkeve milê min û hewesa ji dilê xwe derxînî. 

Zindîyê mirî

Di nexweşxaneya aqil(tîmarxaneyê) da nexweşekî, yekî dînik xwe mirî dihesiband; wer bawer dikir ew ne sax e, mirî ye. Lema jî ne dixwar, ne jî vedixwar, digot mirî naxwin û venaxwin.

Tuxtor giş lê kom dibûn, ji bo ku bixwe û vexwe li ber digerîyan qebûl nedikir.
Nediçû derekê, nedigeriya, beşdarî tu aktîvîteyê nedibû, bêhereket rûdinişt, digot ez mirî me.

Navî giran e war î wêran e

Nivîsek 18 sal berê. Min got bera wenda nebe, di bloga min da hebe.

2007-02-18

Ev demeke hin kanalên telewîzyonan û malperên kurdî Selah Bedredîn ji dest hev direvînin. Kanala Tîşk-ê pê ra hevpevînek bi hêl û ml çêkir. Hin malper qala xebatên wî yên giranbuha dikin, Nefelê ew kir “kolumnîst”ê xwe. 

Vê rewşê tu bixwazî nexwazî tesîr li min jî kir, min jî xwest ez birêz Selah Bedredîn hinekî ji nêz ve nas bikim. 

Loma jî min bi lez û bez berê xwe da malpera Nefelê û dest bi xwendina nivîsa  wî ya dawî(pêla şêxên kolanan) kir.

Tirkiye li dû girtina Kurdistana Rojava ye

Berpirsîyarên Tirkiyê durûtiyê dikin, naxwazin PKK şer rawestîne, sîlehên xwe deyne û xwe belav bike. Naxwazin çimkî bakafirên Tirkiyê her roj, bênabên gerîlayên PKK´ê bombebaran dikin.

HPG´ê gotiye li gel biryara agirbestê jî artêşa tirk 828 caran êrişî wan kiriye û wan jî ji mecbûrî bersîv daye êrîşan.

Wezîrê karên derve yê Tirkiyê Hakan Fîdan jî do gotiye, ”Hêzên Sûriyeya Demokratîk(HSD) dijminê sondxwarîyê Tirkiyê ye. PKK/YPG navê HSD´ê li xwe dikin.”

M. Alî Kut li ser Hebû Tune bû nivîsî

Dostê min ê hêja M. Elî Kut li ser "Antolojiya çîrokên zarokan-Hebû tune bû" nivîseke giranbiha nivîsîye.

Çapa 4´a ye ev kitêba min çap dibe. Heta nuha kesî rindikî tiştek li ser nenivîsîye. Reqlam, çend rêzên nasandinê ne têda, kirîtîkek li naveroka kitêbê, li ser zimanê wê nehatiye kirin.
Sipas ji bo M. Elî Kut bi vê nivîsa xwe ya hêja fikrên xwe gotiye. Mala camêr ava be.
Fermo, nivîs li jêr e.

Wey mala Xwedê ava be, Ocalan jî ji perçebûna Tirkiyê ditirse!

2006-11-20

Rêberê Konfederalîzma Kurdistanê ya Demokratîk birêz Abdullah Ocalan di hevdîtina xwe ya dawî(18/11-06)ya bi abûqatên xwe ra dîsa Kurdistana Azad û serokên kurdan ji xwe ra kiriye hedef. 

Ocalan bi rengekî bêperwa, wek tirkekî neyarê kurdan bi serokên kurdan û dewleta wan tinazê xwe dike û dewleta kurdan ya li Kurdistana Azad dişibîne dewleta Zûlûyan ya li Afrîqa Başûr.

Sirri Sureyya Onder wek dîplametekî tirk dipeyive

Li gorî xebereke di medyayê da belav bûye, Sirri Sureyya Onder ji bo ku serok û berpirsiyarên PYD´ê, HSD´ê îqna bike hêza xwe ya leşkerî belav bikin û federasyonê nexwazin diçe Kurdistana Rojava.
Tiştê meriv ji gotin û beyanên Sirri Sureyya Onder fêm dike wek zilamekî dewletê di nava DEM partiyê da ye.

Onder wek dîplomat û lobîstekî Tirkiyê dixebite. Meriv vê yekê ji axaftinên wî yên li ser beyana Evdila Ocalan fêm dike.
Mêrik wek berdevkê Erdogan dibêje banga Evdila Ocalan ne ji bo PKK´ê tenê ye, ji bo PYD´ê, HSD´ê ye jî, dibê ew jî xwe belav kin û îdareya xwe teslîmî Şamê bikin û bibin leşkerên HTŞ´ê.

Li Tirkiyê demokrasîya derewîn heye

Serokê CHP´ê Ozgur Ozel di civîna Raportorê Tirkiyê yê Parlamentoya Ewropayê da ji qahra ewrûpî henekên xwe bi wan dikin forteke bêbingeh daye xwe, gotiye:

“Kultura demokrasiyê ya li Tirkiyê heye ji ya hinek welatên Yekîtiya Ewropayê pêşdatir e.”

Ê law de bi navê Xwedê derew e; ne ji dûr, ne ji nêzîk da tu têkiliya tirkan bi demokrasiyê tuneye. Tirkan tu carî ji demokrasiyê hez nekirine, tim xwe jê dûr xistine. Lema tim dîktator kirine serokên xwe.

Efûkirin ne karê herkesî ye

Romana Jan Frîdegard(Porten kallas trang)* wek fîlmekî dokumenter li tarîxa Swêd e.
Rast e roman ne dîrok e û meriv nikane wê wek kitêbeke dîrokê bixwîne. 

Lê li gel vê jî gelek roman hene ku, li gel ku ew ne romanên tarîxîne, lê dîsa jî li hember civat û bûyerên di dema xwe de bi qasî kitêbeke dîrokê objektîf in.

Dîroknas û sosyolog gelek caran ji berhemên wiha feydeyeke mezin dibînin.

Mirev bi dilekî rehet dikane bibêje romana Jan Frîdegard,"Porten Kallas Trang", (Ji derî ra teng tê gotin) jî romaneke wiha ye.

Serpêhatiya Halîl Ataç muhteşem e !

Do derengê şevê bi tesadufî min li sohbeteke Selîm Çurukkaya bi Halîl Ataç ra temaşe kir.

Rûdawê li ser banga Evdila Ocalan bi Halîl Ataç ra sohbetek kiriye. Piştî min li wê temaşe kir, min xwest bizanibim Halîl Ataç çi kes e, ji ku ye?
Devoka wî ya Rihayê bû, min meraq kir, min xwest nas bikim.
Di You Tubê da rastî sohbeta wî û Selîm Çurukkaya hatim. Hevpeyvîn di sala 2022´a da çêbûye.
Derengê şevê bû, nêta min tunebû heta dawiyê temaşe bikim. Lê min nikanîbû dev ji temaşekirinê berda.

Tirkiye dibêje gerek PYD û HSD jî xwe fesh bikin

Min berê jî çend caran got, armanca Tirkiyê ne tenê PKK dev ji şer berde û xwe fesh bike, dibêjin banga Evdila Ocalan ji bo Kurdistana Rojava, Başûr û Rojhilate jî.

Çimkî tirk dibêjin PYD, YPG, HSD, QSD hemû PKK ne, lema dibê ew jî xwe fesh bikin û îdareya Kurdistana Rojava teslîmî çeteyên qeyûmê Tirkiyê Ehmed Şer bikin. Bêyî viya em tiştekî din qebûl nakin.
Şêwirmendê Recep Tayyip Erdogan, Mehmet Uçman ev dîtina Tirkiyê pir vekirî gotiye:

30 saliya Yekîtiya Nivîskarên Kurd li Swêd pîroz be !

Me do êvarî li Stockholmê, li Kitêbxaneya Kurdî kongreya 28´a ya Yekîtiya Nivîskarên Kurd çêkir.

Îsal jî gelek nivîskar nikanîbûn beşdarî kongreyê bibin.
Gelek kes ji ber tunebûna endamên jin ji me, ji komelê gazinan dikin, me rexne dikin; dibêjin jinên endam çima tune ne?
Heqê wan heye, em jî viya wek kêmasiyeke mezin dibînin û di her kongreyê da dibêjin.
Lê çi heyf jin nayên nabin endam.

Ji Welatekî sar gelek silavên germ ji xebatkar û berpirsiyarên vê malperê ra !*

2002-05-12

Ji bo vî kar û vê xebata we ya giranbuha ez we ji dil û can pîroz dikim û ji we ra pêşketinê dixwazim.

Birayên delal, xortên hêja, ev 22 sal in ez ji we, ji welatê xwe û ji wê Wêranşara ku ez bi qasî roniya herdu çavên xwe jê hez dikim gelkî dûr im û li sirgûniyê dijîm. Jiyana sirgûniyê wek kerasekî ji êgir e, gav û seet beden û dilê meriv dişewitîne, rojên meriv yên bextewar gelkî kêm in.

Erdogan gefa qirkirineke mezin li kurdan xwariye

Serokê Tirkiyê Recep Tayyip Erdogan dîsa agir bera erdê daye, li ser banga Evdila Ocalan gefa qirkirinê li kurdan xwariye, gotiye:

”Heger sozên hatine dayin bi cî neyên, pêvajoyê bi hawakî dirêj bikin, serî lê bigerînin, hin xapandinan biceribînin, nav biguherînin, bi konetî xwe bikin tiştekî din, wê demê guneh ji hustuyê me dertê. Operasyonên me yên hîn jî dom dom dikin, heger hewce be ewê kevir li ser kevir, serî li ser mil nehêlin û hetanî terorîstekî nehêlin berdewam bin."

PKK´ê ji daxwaza Evdila Ocalan ra got ERÊ !

PKK´ê banga Evdila Ocalan a çekdanînê û belavkirina PKK´ê qebûl kiriye, gotiye:

"Em wek PKK bi tevahî, bi naveroka bangê ra ne û em dibêjin emê ji aliyê xwe ve pêdiviyên bangê bicih bînin. Em ji îro pê ve agirbestê îlan dikin.

Lê ji bo pêkhatina vê jî divê şert û mercên guncav werin dabînkirin û ji bo serkeftina kongreyê divê Rêber Apo bi xwe ji kongreyê ra pêşengtiyê bike û bi rê ve bibe. Divê şert û mercên siyaseta demokratîk û zemîna hiqûqî jî werin dabînkirin.”