Gerek em ji tarîxa xwe û ji serpêhatiyên pêşiyên xwe ders û ibretê bigrin

Gotinên pêşiyan kin in lê mişt tecrûbe û serpêhatiyên salan e. Tiştê di gotinekê da hatiye gotin wek xulaseya lêkolîneke sosyolojîk e.

Carnan gotineke pêşiyan ji meriv ra dibe wek şîreteke giranbiha û pûsûleyeke jiyanê.

Dijminên bav û kalan tu carî nabin dost û hevalên lawan.
Rîh dibe bihost, dijmin nabe dost.

Kera barê min ne lê, ne ço dikimê, ne hûş dikimê.
Şerê dê û dotê dibê meriv xwe nexîne ortê.
Ne dixum sawarê, ne diçim hawarê.
Ne li goristanê radikevim, ne xewnê xerab dibînim.

 XXX

Li Kurdistana Bakur miletê kurd hêdî hêdî ji tesîra anestezîya salan xelas dibe.

Di pîrozbahiyên Newroza îsal da bi hildana alên Kurdistanê, bi axaftinên hatin kirin, meriv şiyarbûna miletê kurd, xelasîya ji tevizîna, ji tesîra anestezîya salan xweş dibîne.

XXX

Serokê belediya Stenbolê Ekrem Îmamoglu û serokên beledîyeyên Şîşlî û Beylîkduzuyê tewqîf kirin û ji serokatiyê xistin. Ewê qeyûman tayinî dewsa wan bikin.

Erdogan vê carê jî pir cesûr hereket dike, jixwe merivekî cesîr e, ji talûke û rîzîkoyên muhtemel natirse.

Heger muxalifên Erdogan, serok û giregirên CHP´ê ji Erdogan cesûrtir, ji wî wêrektir hereket nekin ewê pûş bikutin, Erdoganê dîsa zafera xwe îlan bike.

CHP bi tirsonekîyê nikane zora Erdogan bibe, dibê jê cesûrtir be.