Kurd li gorî çend sal berê bêtir bûne kurdperwer

Gava meriv li dîmenên Newroza Amedê û li ya hin bajarên din, li kincên xelkê, li yên jinan û zarokan, li sembolên derketine pêş dinêre bi rehetî meriv kane bibêje neteweperwerîya, nasyonalîzma kurdî li gorî çend sal berê xurttir bûye, bi pêş ketîye.

Nasyonalîzma kurdî di nava kurdan da ji deh sal berê, ji 5-6 berê bêtir bi pêş ketiye. Meriv viya di medyaya sosyal da baş dibîne.

Kurd êdî li nasnameya xwe, li ala xwe, li qehreman û sembolên xwe bêtir xwedî dertên.
Pêşketine baş e, feraca xêrê ye, kêfa meriv tîne.

XXX

Çend gotin û şîretên bi feyde.

-Guh bidin pêşniyara her kesî, di gudarîkirinê da zirar tune ye. Du aqil ji aqilekî baştir difikire. Meriv ji şîreta tu carî poşman nabe.

-Meymûnek jî ji ser darê dikeve. Pisporekî herî baş jî şaşiye dike. Dibê meriv nefikire kesê çewtiyê, şaşiyê neke hene.

-Jîyan çirayeke, dibê meriv wê berî bê vêxe.

-Merivê ehmeq jî dibê mezîyetek wî hebe. Seeta xerabe jî rojê du caran wextê rast nîşan dide.

-Hezkirin û kuxuk tu carî nayê veşartin.

-Şans hertim ji bi kesê cesûr, wêrek ra ye.

-Tahma dermanê herî baş di dev da tahl e. Şîretên baş û rast bi me tahl tên, lê feydeya wan hîn zêde ye.

-Karên kesên din nekin serêşa xwe.

-Tiştekî ji bo yekî bêfeyde ye, ji bo yekî din xezîne ye.

-Biserneketin dîya biserketinê ye, tecrûbe ji mamoste baştir e.

XXX

Azîz Nesîn li ser tirkan gotiye, ”em miletekî pir ecêb in, tu ji tirkekî ra bibêjî mihî diqehere, lê tu dibêjî beranê min kêfxweş dibe. Tu dibêjî qey beran ne nêrê mîhîyê ye alimekî ilimdar e.

Li welatê jimara kesên baweriyê bi ava bi ser da hatiye xwendin tînin, ji jimara kesên xwende zêde be ev tişt normal e.”

Mêrik miletê xwe baş nas kiriye û zeka miletê xwe xweş tarîf kiriye.