Me Newroza xwe ya îsal bi coş û dilaşahî pîroz kir !

Me Newroza xwe ya îsal, îşev li Stockholma xopan, li Hîstorîska Museum (Muzexanayeya Tarîxê) bi kêf û coş pîroz kir.

Şahîya Newrozê wek her sal, îsal jî ji alî nûnertiya hukûmeta Kurdistanê li Swêd va hat amadekirin.
Newrozeke bi rêk û pêk, bi dûzan û întîzam bû. Muzîk, serwîs, her tişt bi dûzan û mikemel bû.
Salon tije bû. 

Kurdên bi mehan, bi salan hevdu nedîtibûn, di vê şahiya xweş da hatin ba hev, bi hev ra Newroza xwe pîroz kirin, dilên xwe li govendê rehet kirin û gelek fotografên yadîgariyê girtin.

Nûnerê hukûmeta Kurdistanê Shoresh Kadir Rahem, îsal jî Newrozke mikemel organîze kiribû. Shoresh pîroz dikim.

Newroz helbet bêyî muzîk û bêyî govend nabe. Govendgiran li ber def û zurnê û muzîka soranî û hewramî têr govend gerandin, dilên xwe li bazdanê(dansê, govendê)rehet kirin.

Min û xanim têr lê temaşe kir. Yê me dil hebû lê ji me nayê, ez nizanim, xanim jî dibêje ez baş nizanim, ez jî neket govendê. Xanim govenda me, giraniyê zane, vana govenda hewram û soranan gerandin. Ez ji govenda wan pir hez dikim, meqameke lê bi hereket e, pir xweş e.

Min gelek nas û dost dîtin, me sohbet kir û bi hev ra çend risim girtin.
Ji bo vê Newroza xweş, mişt kêf û şahî, sipas ji bo nûnerê hukûmeta Kurdistanê Shoresh Kadir Rahem.
Newroza we û ya miletê kurd pîroz be !
Bi hêvîya di demeke nêzîk da em Nowrozên xwe li Kurdistaneka azad da pîroz bikin !