Carnan meriv dixwaze guh nede tu tiştî

Carna meriv tê nuxteyeke wer jiyan meriv diwestîne, dixwaze bîna xwe, westa xwe bigire. Guh nede tu tiştî.

Dinya meriv diwestîne.

Nivîsandin meriv diwestîne.
Xwendin meriv diwestîne.

Heval meriv diwestînin.
Gelşên xelkê meriv diwestîne.
Xapandin, sextekarî meriv diwestîne.
Derdê hevalan meriv diwestîne.

Payin meriv diwestîne.

Mayin meriv diwestîne.

Barkirin meriv diwestîne.

Hezkirin meriv diwestîne.

Bîrîkirin meriv diwestîne.

Hesret meriv diwestîne.

Efûkirin meriv diwestîne.

Hêrs û qahr meriv diwestîne.

Xemxurî meriv diwestîne.

Xemsarî meriv diwestîne.

Meriv dixwaze bêdeng bimîne, li her tiştî, li bûyeran, li şer û teşxelayn temaşe bike, ne xwe tevêke, ne bibêje baş e, ne bibêje xerab e.

Ne kesî rexne bike, ne bipesinîne; tenê lê sêr û temaşe bike.
Dil tije ye, dixwaze were zimên, lê aqil nahêle, dibêje dîn mebe, baqil be, serê xwe nexe teşxeleyên giran…