Dewleta tirkan heye. Artêşa wan, meclîsa wan, pûlisên wan, dibistan û zanîngehên wan, ala wan heye. Heye û heye, her tiştê wan heye. Li dinyayê konsolosxaneyên Tirkiyê hene. Di xarîteya dinyayê da Tirkiye heye.
Di bêrîka her tirkî da nasnameyeke tirk heye, bi wê
nasnameyê, bi wê pasaportê xwe dide naskirin, li dinyayê digere.
Baş e wek kurd yê me çi heye?
Çima tiştekî me tune ye?
Çima di nasnamê û pasportê da em tirk in?
Çimkî dewleteke tirkan heye, ji bo wê jî tirk xwedî nasnameyeke netewî ne.
Meclîsa wan, pûlisên wan, artêşa wan, ala wan, dibistan û zanîngehên wan hene.
Ev tiştên min li jor rêz kirin hemû ji ber ku tirk xwedî dewlet e hene.
Yê me kurdan jî meclîsa me, hukûmeta me, artêş û pûlisên me, dibistan û
zanîngehên me tune ne çimkî em bêdewlet in.
Di bêrîkên me da ya nasnameya tirk ya jî ya dewleteke biyanî heye.
Kudê hîn jî bibêje dewleta netewî ne baş e, dema wê derbas bûye, ji me ra
dewlet, federasyon, otonomî, heta mafên kulturî jî nelazim e ya dîn e, ya jî
merivê dijmin e.
XXX
Qadî(hakim)ket salonê, derbasî ciyê xwe bû, dest bi axaftinê
kir:
-Berî ku doz dest pê bike dibê ez li vir tiştekî eşkere bibêjim. Xwediyê gilî
ji bo ku ez di lehê wî da biryarê bidim 10 kîs zêr da min. Yê gilî lê
bûye(sûcdar) jî ji bo ku ez wî berat bikim 12 kîs zêr da min. Ez dixwazim ev
doz adil, bêteref bimeşe. Ji bo wê jî ez 2 kîs zêr di huzûra we da îadeyî
xwediyê wî dikim.
Ez bawer dikm hûn vê edaletê, vî qadîyî nas dikin.
XXX
Dahşik mezin be jî ker e. Min lawikê xwe şand seferê, min
got belkî mêrekî çê jê derê, hat kerê berê.
Dagirkerên welatê me çiqas sal û zeman di ser wan ra derbas
dibe jî naguherin, tim dimînin hov, barbar û wahşên berê.
Li Sûriyê qala 9-10 hezar kuştî tê kirin, dibêjin kuçe û
kolanên Lazqiyê û hin herêmên din tije cendek in.
Çeteyên HTŞ´ê û artêşa tirk roja bikanibin ewê eynî tiştî bînin
serê kurdan jî. Dibê kurd hêza xwe leşkerî xurt bikin. Kurdên destvala nêçîra
terorîstên îslamî ne.
Barê seriyê bêaqil nig dikşînin
Bi derziyê neçe ser şûjinê
Inga kommentarer:
Skicka en kommentar