Tirk afganan ji bo şerê me bikin tînin

Tirk rojê li dora 1000 afganî û pakîstanî ji Îranê tînin Tirkiyê. Ev 5-6 sal e koça afganan dom dike. Belkî li dora milyonek afgan anîne Kurdistanê û Tirkiyê.
Ev ne ji xêrê ra ye, tirk dixwazin bi afganan demografîya Kurdistanê biguherin, tiştên anîn serê Efrînê, bînin serê her bajarê Kurdistanê.
Gelek cahil û totikvalayên me jî nan didin afganan, ji bo wan hêsiran dibarînin.

Dibê em riyeke nuh bidin ber xwe

Qet ne hewce ye em li ser hovîtî û nîjadperestîya tirkan xwe biwestînin, her kurd baş zane tirk jî û dewleta wan jî ji me nefret dikin, me neyarên xwe dibînin. Û bi vê jî qîma xwe nînin, dixwazin me ji ruyê dinyayê rakin.

Tirk li hemberî me wisa tije kîn û nefret in ku bawer bikin wek yamyaman xwîna me jî vexun dîsa jî dilê wan rehet nabe, gunehê wan bi me nayê. Kurd hemû bi viya zanin.

Em û tirk di şerekî man û nemanê da ne

Em û Tirkiye û miletê tirk li sê beşên Kurdistanê di herbê da ne, di herbeka man û nemanê da ne.
Tirk dixwazin wek milet me biqelînin, li ser koka me rûnin; em jî li ber xwe didin, ji bo ku ji ruyê dinyayê wenda nebin.
 
Tirk xwedî dewlet û artêşeke mezin in, ji bo ku dewleta wan heye ji me gelkî xurttir in û îmkanên wan jî hezar carî li yê me ne. Lema jî îhtîmala me ebedîyen bindest bihêlin û bere, bere bihelînin pir zêde ye. 

Dev ji şelafiya tirkan berdin !

Ev çend roj in li Tirkiyê şewateke mezin heye. Kurdên çûne alîkariyê, xwestine êgir vemrînin ji alî tirkan ve hatine lînckirin.

Yanî şelafîyê pere nekirîye. 
Kurd neçûyana ewê dîsa li wan xistana, ewê bigotana ji bo ku me dijmin dibînin lema nehatin alîkariya me.
Lê yên çûne jî lînc kirine.

Ax ji derdê vê kalîtîyê !

Her kes dixwaze zû nemire, gelek salan bijî. Lê kes naxwaze kal û pîr bibe. Ez jî wisa me. 
Çimkî kalîtî û pîrîtî bendera (lîmana) her nexweşîyê ye, meriv ji hêz û taqetê da dixîne.

Bîstek berê min û xanimê di telewîzyona 4a da li programa Ernst Kirchsteiger(Havîn bi Ernst ra)temaşe dikir.

Amerîka hustuyê xwe di kêrê dide

Ereban dîsa êrîşî seferata Amerîka ya Bexdayê kirine. Ewê bikin, çimkî Amerîkayê neyarê xwe yê sereke dibînin.

Amerîka dewleteke mezin e, pir xurt e, bi hezaran pispor, şêwirmend û aqilmendên wê hene. Lê birêvebirên Amerîkayê dîsa jî ereb û tirk qet nas nekirine.

Hovan hosteyekî ken kuştin !

Hov û qatilên Telîban li Afganîstanê hosteyekî ken, komedyenê bi nav û deng Khasha Zwan bi hovîtî kuştin.

Vîdeoya çawa li Khasha Zwan dixin jî wek belgeyeke hovîtîyê û nameredîya xwe belav kirine. Dilê meriv diperite, min min nikanîbû lê sêr bikira.

Dengê baranê

Baraneke wer zirp dibare hey hewar, bi kûzan ro dike erdê. Me bi zor xwe gîhand bin terasa hewşê.
Ximîna dengê wê ji ser naylona terasê wek meriv li muzîkeke xweş guhdarî bike.

Şansê me heye, em ji gerrê nuh gihîştin mal. Emê şil û pil bibûna, dezîyekî zuha di me da nedima.

Tehtîla me zû qedîya

Em çawa bi saxî û selametî gihîştibûn ciyê xwe yê tehtîlê, em wer jî bi saxî û selametî û bi saya serê şufêrîya Qudbedîn Aliş û Perwîn xanimê gijhîştin malika xwe.

Me bi çend hevalên ezîz ra pênc rojên pir xweş derbas kirin. Wek meriv çavê xwe bigre û veke, me tew nedît 5 roj çawa derbas bûn.

Heta 27ê mehê bi xatirê we

Sibe bi xêr em rêwî ne. Heta 27ê mehê bi xatirê we.Em çend heval bi malbatî diçin tahtîleke çend rojî.

Me çend hevalan li herêmeke nêzî Stockholmê hevîngehek kirê kiriye, emê sibe herin û di 27ê mehê da jî vegerin.

Ezê kompîtorê bi xwe ra bibim, heger misaîd bû, wezna wê hat ezê qala rewş û serpêhatiyên xwe bikim.

Mehek zû derbas dibe

Jinikê ji hevala xwe ra qala têkiliya xwe û mêrê xwe dikir, got:

-Mêrê min di keştîyekê da dixebite, salê yanzde mehan li deryayan derbas dike. Salê mehekê tenê li malê ye.

Hevala wê got:

Hukûmet tirkan li dijî kurdan pîj û girgîn dike

Ev demeke tirk bi çekdarî êrîşî kurdan dikin, kurdan dikujin û birîndar dikin. Berpirsîyarên hukûmetê jî tiştekî nabêjin, çimkî ew çeteyên xwe li kurdan gurgîn dikin, berra kurdan didin.

Di van çend rojên dawî da li Sakaryayê, li Îzmîrê, li Marmarîsê, li Afyonê, li Konyayê li Enqerê faşîstên tirk êrîşî kurdan kirin, di êrîşan da yek kuştin û 15 kes jî birîndar kirin.

Me dara xwe ya gêlazê îro rûçikand

 

Me îro dara xwe ya wîşneyê(giryazê) nîvrûçikand, me giş top nekir, me hinek ji beytik û çûkan ra hîşt. Heqê wan jî heye. Dibê meriv pir ne tima û çavnabat be.

Me 6 kîlo top kir û kir rîçal. Yanî me zexîra xwe ya salê danî.

Nêta xanimê tunebû em îro top bikin, digot bira çend rojên din jî bimîne, hinekî din sor bibin.

Tirkan em nîvkuştî kirine

Bi minasebeta eydîyê ez bi çend merivên xwe ra peyivîm. Her cara li welêt bi nas û dostan ra dibipeyivim poşman dibim, kul û derdê min zêde dibin, keser û bêhêvîtî wek janekê li bedena min belav dibe.

Feqîrî, perîşanî, zulm ji xwe li qirikê ye. Lê ya ji wê jî xerabtir meriv dibîne tirkan tiştek di me da nehîştiye, piraniya me kirine wek moloz û avêtine dera hanê.

Dibê meriv xwarinê bi zor nexe devê xelkê

Lawkê me Azad ev çar roj bûn mîvanê me bû, îro çû. Di van çar rojan da xanim hema hema ji mitpaxê derneket, xwarin çê kir û çê kir û bi zor kuta devê lîwik.

Lawikê 45 salî çiqas digot min têr xwar, bes e, ez teqîyam jî pere nedikir. 
Meriv xwarinê bi zor bi mîvanê xwe, bi xelkê nade xwarin, lê kurd dikin. Dibê em dev ji vê kultura xwe berdin.

Havînê xwendevanên min kêm kirin

Havînê, rojên germ û xweş tesîreke xerab li bloga min kiriye, xwendevanên min kêm bûne.

Berê rojê herî kêm li dora 300-400kesî bloga min taqîb dikir. Hin rojan jimar dibû 1000 jî. Lê nuha jimara xwendevanên min daketiye bin 200î.

Qey havîn e, xelk çûye tahtîlê, lema xwendevanên min kêm bûne.

Hezkirina derewîn

Xortekî berdûş li kuçakê bela xwe di keçikekê da, da pê.

Keçik lê vegerîya, bi hêrs got:

-Kuro, çima te daye dû min?

Xort got:

-Ji bo ku dilê min ketîye te, te ez dîn kirime.

Keçikê got:

Aqil taca zêrîn e li serê me kurdan nîne

Ereb, afgan, pakîstanî û koçberên tirk li xwe kom dikin ji tirkan bêtir ji bo me, ji bo demogarfiya welatê me talûkeyeke mezin in. Dibê em viya bibînin.

Lê gelek kurd vê talûkê nabînin, wek berdevkên komelyên ereb, afgan û koçberan, wek nûnerên Neteweyên Yekbûyî dipeyivin, kesên qala talûkeya vê koça mezin dikin bi nîjadperestiyê îtham dikin.
Haya wan ji plan û haziriyên, tedbîrên neyar tuneye.

Hinek ji tenêtîyê hez dikin

Swêdî ji tenêtîyê hez dikin. Lema jî gelek swêdî tenê dijîn. Belkî nîvê swêdîyan bi tenê dijîn.

Em kurd ji tenêtîyê hez nakin, em wek swêdîyan fêrî jiyana tenêtiyê nebûne.

Dê pir dilzîz in

Lawkê me yê mezin Azad sibe tê zîyareta me. Sibe rojbûna wî ye, emê rojbûna wî pîroz bikin.
Em her sal wiha dikin. Salê çûnî(par) ji ber Koronayê nehat. Yanî ji destpêka Koronayê da ye me hev nedîtiye.

Diya wî ji îro da ketiye hazirî û hinge-dinga xwarinê; ev kufte ye, ev pelê pêçayî ye, ev nanê goşt e, ev tawe ye, pasta ye.
Kufte qedand, ji bo yên din jî malzeme harkirine. Ketiye heyecanê.

Diyar e zarokên nuxurî û yên çûk li ber dilên dayikan pir şîrîn in.

Yên ortê wek zarokên dêmarîyê ne, fena zarokên nuxurî û yên çûk ne şîrîn in. Nuxurî gelkî muhîm e û yê çûk jî ifara dawî ye, qey li ber dilê dê ew jî muhîm e.

Meriv reqlama dijminekî wek Tirkiyê nake !

Rûdawê, Basnewsê û Kurdistan 24ê reqlama hukûmeta AKPê ya li dijî bûyera 15ê temûza 2016a bi navê “Turkiye geçilmezdir”, yanî kes nikane bi Tirkiyê, belav kirine.

Ez rismê reqlamê belav nakim û qala naveroka metnê reqlamê nakim. Yê bixwaze kane here biwîne.
Berî her kesî tirk viya ji kurdan ra dibêjin.

Wek kurd, wek telewîzyon û malperên kurdî ji bo çend quriş pere meriv reqlameke dagirkerê welatê xwe ya bi vî rengî belav nake.

Ji kesên zirdîn hevza xwe bikin

Hin dîn henin ji dûr ve ban dikin dîn in. Lê hin dîn jî hene piştî dipeyivin, du kelam dikin, piştî çend rêzan dinivîsin meriv bala xwe didê,bavo, ji dînan jî xerabtir in, tew zir dîn in.

Ji zirdînan hevza xwe bikin, xwe bisitirînin!

Zirdîn e, meriv nizane ewê çi bi serê we bîne.

Sebebê diziyê

Yê diz hat girtin, ew derxistin mahkimê. Hakim jê pirsî:

-Çima te sê cara li ser hev eynî mixaze şêland?

Diz got:

-Ji ber ku ez ne bêkar im, zewicî me.

Hakim şaş ma, got:

Çend peyvên xweş û bi fêde.

Hin kesan hin gotinên pir xweş gotine, mişt mane ne, meriv bi heyranî dixwîne, jê aqil digre.

 -Cinet û Cahnime ne li vir e, ne li wir e, di ruhê ruhê însên da ye.

-Yê hindik bifikire pir dipeyive.

-Ji virekê rastîyê dibêje nayê bawerkirin.

Rûvî berê nediçû qulikê, rabû hejek jî bi dilê xwe ve girê da

Go rûvî berê nediçû qulikê, rabû hejek jî bi dêla xwe ve girê da, tew xeratir kir.

Her roj li dora du saet meş ne bes e, min bez jî lê zêde kiriye. Qey îro ez zêde bezîyam, nuha her dera min diêşe, fena hineka ez kiribim conî û wek dan kutabim. Xanim bi min dikene, dibêje baş bû, tu ji xwe nagere.

Camêrên "gawiran" dinya pir biçûk û xweş kirine

Mala ”gawiran” hezar carî ava be, yeka wan bi hezar be, mala wan bi xana Xwedê be, nenûka wan tu carî li kevira nekve.

Camêran ji însanan ra dinya pir biçûk kirine, gelek teknîk û tiştên baş, bi fêde, bê pere û pûl xistine xizmeta me. Bi saya van îcadan dinya ketîye telefona di destê me da.

Bîstik berê dozmama min Zînê û bixaltîya min Rihê bi Messengerê telefonî min kirin; em dûr û dirêj peyivîn, me dilê xwe rehet, bîna xwe fire kir.

Bêşansîya xort

 Xort li nexweşxanê çûbû serdana dildara xwe. Çû ber resepsîyonê, silav da hemşîrê, got:

-Ez dixwazim nexwaşa di oda 36a da bibînim.

Hemşîreya nobedar got:

Tirkiyê Mewlûda Kurmancî û nimêja bi kurdî li kurdan qedexe kir

 

Ji ber ku li Stenbolê Mewlûda Kurmancî xwendin û bi kurdî dua kirin, pûlisên tirk di 3ê temûzê da 28 meleyên kurd girtibûn. Îro ew derxistine ber mahkima tiroviro û 9ê wan tewqîf kirine.

Serokê Kongreya Îslama Demokratîk Ekrem Baran gotiye, ”Ji me ra gotin, we çima gotarên Diyanetê nexwendin? Hûn çima nimêj û duaya xwe bi Kurdî dikin?”

Xayinên me serê biskê ne

Li Îranê gava kurdek bibe hevalê Komara Îslamî, kurd jê ra dibêjin cahş û xayin.

Li Îraqê dema kurd hevalên Seddam bûn navê wan cahş bû, xayinên qelê xwe bûn.

Nuha jî kurdên hevalên Daîşê, hevalên Heşda Şabî û rejîma Îraqê dîsa xwefiroş û xayin in.

Bîstikên wiha meriv romantîk dike

 

Derengê şevê ye.
Baraneke bi zirp dibara.
Li hewşê, di bin terasê da rûniştime qahwa xwe vedixum û li ximîna dengê baranê gudarî dikim.
Di tarîya şevê da, bêdengî, ximîna baranê, ronahîya lampeyên hewşê, hilm û gilma gul çîçekan xweşikîyeke mihteşem peyda kiriye.

Ew rozeta bi sînga te ve rozeta bêbextîyê û îxanetê ye

 

Serokê beledîya Pîranê yê HDPê Felat Aygoren bi merasimekê îltîhaqî AKPê kiriye, yanî tevî AKPê bûye.

Felat Aygoren endamê PDK-Bakur bû, bi tifaqa HDPê, PDK-Bakur û çend partiyên kurd yên din di 31ê adara 2019a da bû serokê beledîya Pîranê.

Felat Aygoren salek berê hin vir li hev ragirtin û ji HDPê îstîfa kir.
Nuha, bi merasimeke îxaneta bi qewmê xwe ra îltîhaqî AKPê, partîya dagikerê welatê xwe kiriye. Û rozeta îxanetê û bêheysîyetiyê jî Erdogan bi sînga wî ve kiriye.

Rûvîyê fêlbaz û heneka tajî

Hebû, tunebû, gundekî xereba hebû. Dîkek û tajîyek bi hev ra di nav xirbê gund da dijîyan. Sibakê dîk çû ser dîwarekî û bang da.

Rûvîyek di nav xirbe da ji xwe ra li nêçîrekî digerîya. Dengê dîk çû rûvî. Rûvî tahma devê xwe xweş kir, hêdîka çû ber dîwêr û deng li dîk kir, got:

-Muxtar, roja te bi xêr. Ez rêwî me, dixwazim îşev li gundê we bimînim. Ji kerema xwe were min li derekê bi cî bike.
Dîk got:

Ji diya xwe ra tiştek nehîştiye

Lawê mêrik ji bejn û bala xwe pir hez dikir, her roj qatek kincê nuh li xwe dikir, bi deqîqeyan xwe dida ber neynikê û xwe baş ditûzikand.

Rojekê bavê wî jê ra got:

-Law min, te xwe hewqasî tûzikandîye, te ji diya xwe ra tiştek nehîştiye...

Ev risim ya dilê tirkan û ereban daye der

 

Xortekî bi navê Mistefa Zengîn, ev risim îro li ber Seraya Edlîya Rihayê girtîye.

Rismekî gelek tiştan dibêje, ya dilê tirk û ereban nîşan dide. Ez bi xwe ecêbmayî nemam, çimkî ez zanin ereb û piraniyeke mezn a tirkan wiha difikirin.

Ev risim nîşanî me dide tirk û Seddam û Erdogan wek hev dibînin û ji her duyan jî pir hez dikin.

Çeteyên înternetê bûne talûkeyeke pir mezin

Çeteyên înternetê dinya li însanan herimandine, kirine dinyake tije talûke û gelşên pir mezin.
Bi êrîşên dîgîtal li Ewrûpayê jiyanê didin sekinandin, dikanan, ezexaneyan didin girtin, çûn û hatinê, komînîkasyonê radiwestînin.

Ez û xanim nuha çûn çarşuya me ya taxê, me yê ji xwe ra şîr, rûn hin tişt-miştên din bikiriya.
Dikandêr got çeteyan sîstema kaseyên wan xera kirine, em bera hundur nedan.

Gur û selika rûvî

Gurek û rûviyek bûbûn desbirakên  hev û bi hev ra diçûn nêçîrî. Wexteke dûr û dirêj bi hev ra  wek bira jîyan. Rojekê gur ji nişka ve ji rûvî ra got:

-Ez nikanim herim nêçîrê, ez birçî me, ezê te bixum.
Rû biziya, got:

-Bira, ma ne ez û tu destbirakên hev in, min gelek çêyî bi te kiriye, çawa tu dibêjî ezê te bixum?
Gur got:

Min bîriya te kiriye dayê !

 

Min tarîxa wefata dayika xwe tevhev kir, wefata wê di 5ê hezîranê da ye, min got belkî temûz e, lema min hîşt îro.

Diya min du sal berê di 5ê hezarînê da ji nav me koç kir û çû rahmetê.
Xanimê nuha ji min ra got, lê rojekê bi derengî.
Ez ne roja wefata wê kanîbûm li wir bim, têketama bin darbesta wê û ne jî îro kanim herim qevdek gul deynim ser gora wê û ya bavê xwe.
Ji ber vê jî gelkî xemgîn û dilbirîn im; şermezar im.
Lê ev yek ne ji ber îhmal û bêwefayîya min e, ji mecbûrî ye, ez nikanim herim...

Mêrik ne nankor e

 

Sawcîyê amerîkî-hindî  Preet Bharara, do di roja netewî ya Amerîkayê da bi du rismên malbata xwe ra roja netewî ya Amerîkayê pîroz kiriye û gotiye ji ber ku Amerîkayê 47 sal berê malbata min qebûl kir ez her tim sipasdar im.

Amerîkayê, Ewrûpayê em kurd jî di nav da himêza xwe ji milyonan însanên ji Asya û Afrîkayê ra vekirin û jiyaneke di xewnanên xwe da jî bidîtana bawer nedikirin, jiyaneke li welatên wan ne mimkûn bû da wan.

Joe Biden û Preet Baharara

Lê her kes wek vî camêrî ne qedirşînas  e, ji Amerîkayê û Ewrûpayê ra naşêkirîne, di ser da nankoriyê û neyartiya Amerîka û Ewrûpayê dikin, wan dikujin. Bi mîlyonan Afrîkî û misilman li Amerîka û Ewrûpa bûne agir û bi canê ewrûpiyan û emerîkîyan ketine. 
Preet Bharara sawcîyê doza Reza Zerrab bû.

 

 XXX

Bi xwedê havîn meriv tembel û cangiran dike. Di qijala nava rojê da meriv nikane li ber kompîtorê rûne û bike tiketik,çavê xwe li ulûman bigerîne.

Hewş, bin sîya terasê honik e, bayekî xweş tê. Nizanim bayê xerbî ye ya jî bayê kurr e, lê honik e, rûniştin û xewa li hewşê ji hundur xweştir e.

De nuha bi xatirê we.

Emê rojekê hesabê vî xweşmêrî ji we bipirsin !

Wedat Aydin, egîd û mêrê rojên giran, kelemê nav çavê dijmin, tirs û xofa dilê hêzên dagirlker 32 sal berê di 5ê temûzê da ji alî qatilên dewleta tirk ve ji mala wî hat revandin û di 7ê mehê da cendekê vî xweşmêrî hat dîtin.
Qatilan ew bi hovane kuştibûn.

Miletê kurd ewê tu carî vî mêrê canfîda, vî xweşmêrê rojên giran ji bîr neke.

Wedat Aydin, qehremanekî doza Kurdistanê ye, ewê heta û heta di dilê miletê kurd da bijî.

Cahil gotinên çort dikin

Di twîterê da keçeka semsûrî(bi naznavê Nazê lê bi şev ranazê) gotiye, ”ji ber ku ez bi kurmancîya semsûrê dinivîsînim her kes henekê xwe bi min dike. Ezê êdî bi kurdî nenivîsînim.”

Dema min ev twîtt xwend ez him xemgîn bûm û him jî pir aciz bûm û min ji xanimê ra ev twîtta jêr nivîsî:

Meriv şerm neke kane her derewê bike

Serokê Tiriyê Recep Tayyip Erdogan gotiye li welatên Ewrûpayê yên herî pêşketî jî vasksîn(aşî) bi 100 Euroyî, bi 100 Sterlînî ye.”

Tiştekî wiha tuneye, dereweke hişk û biring e. Li Ewrûpayê li tu welatî vaksîn ne bi pera ye. Ez û xanima xwe, me her du derzî jî li xwe xistin, me qurişek neda.

Xatir

Yekî elwî rojekê bû mîvanê dostekî xwe yê sofî. Wexta nimêjê hat, sofî ji mîvanê xwe ra got:

-Wexta nimêjê ye, rabe em bi hev ra nimêja xwe bikin.

Mêrikê elewî, got baş e, rabû bi sofî ra nimêj kir.

Piştî nimêj qedîya, hat bîra sofî, mîvana wî bêdesmêj nimêj kir. Jê ra got:

Heta Erdogan li ser hukim be Daîş naqede

Nûnerê Amerîka yê li dijî Daîşê John Godfrey gotiye Daîş li Îraqê û li Kurdistana Rojava hîn jî gefeke mezin e.

Amerîkî ya pir saf û kêmaqil in, ya jî bi zanetî vê demagojîyê dikin, naxwazin rastiyê bibêjin.
Bi bawerîya min herdu ne jî, him kêmaqil in, him newêrek in. NATO jî wiha ye, ew jî newêre tiliya xwe berbî Tirkiyê bike.

Kitêbxaneya min îro dîsa zengîn bû

 

Van rojan Xwedê daye min, ji min ra kitêb li ser kitêbê tê. Kitêbxaneya min ji berêvkê da dewlemend dibe. Yanî îşê min baş e, kêf kêfa min e.
Çend roj berê jî Avestayê ji min ra çend kitêb şandin.
Îro jî kitêbxaneya min bi du kitêbên Înan Eroglu dewlemendtir bû.
”Serpêhatîyên Înanolo û Çîrokên Din” û ”Têbîniyek Înan Eroglu” îro gihîştin destê min û di kitêbxaneya min da ciyê xwe girtin.

Dibê HSD qatilên Emîn Îsa eşkere bike

Ev sê roj in li gorî xeberên di medyaya sosyal da belav dibin û agahiyên malbata xortê hatiye kuştin, xortekî endamê PDK-Sê bi navê Emîn Îsa di girtîgeha HSDê da bi îşkenceyê hatiye kuştin.

Malbata Emîn Îsa dibêje diran û çenga lawê wan hatiye şikandin û şopên agir li ser laşê wî hebû. Yanî îşkenceyeke hovana li Emîn Îsa hatiye kirin.
Dibê HSD, PYD bersîva vê yekê bide. Kesê dilê wî bisekine çawa diran û çenga wî tê şikandin û li ser bedena wî şopên şewatê çê dibe?

Serpêhatîya gur û rûvîyê fenek

Gurek û rûvîyek bûbûn destbirakên hev. Demakê bi hev ra man, bi hev ra çûn nêçîrê. Bûbûn wek du bira.

Rojekê gur birçî bû, ji rûvî ra got:
-Ez birçî me, ezê te bixum.
Rûvî matmayî ma, got: