Hovan hosteyekî ken kuştin !

Hov û qatilên Telîban li Afganîstanê hosteyekî ken, komedyenê bi nav û deng Khasha Zwan bi hovîtî kuştin.

Vîdeoya çawa li Khasha Zwan dixin jî wek belgeyeke hovîtîyê û nameredîya xwe belav kirine. Dilê meriv diperite, min min nikanîbû lê sêr bikira.

Hêzên îslamî ne li Afganîstanê tenê, li ku derê hatibin ser hukim, nemirovî û wahşbûna xwe nîşanî dinyayê dane.

Îdeolojîya îslamî îdeolojîyeke ne ya vê serdemê ye, îdeolojîyeke wahşa ye. Kesên sadîst, kesên ji ûjdan û însanyetê bêpar bûne dikevin nav van tevgerên hovan û dibin wahş û celad.

XXX

Wezîrê parastinê yê Tirkiyê Hulûsî Akar gotiye, ”Mexmûr û Şingal jî ne li derî hedefên me ne û li ser Mexmûr û Şingalê em bi Bexdayê û Hewlêrê ra gotûbêjê dikin.”

Hedefa we ne Mexmûr û Şingal tenê ye, hedefa we kurd hemû ne, hûn dixwazin li her beşê Kurdistanê rewşa kurdan yek a kurdên bakur be. Vê hedefa we hûn bibêjin, nebêjin em baş zanin; gerek kurd li tu beşekî Kurdistanê azad nebin.

Nuha hûn xurt in û lema jî hûn çi dikin ji w era dimîne. Lê dinya ne sal û carek e, kes nizane sibe ewê çi bibe. Te hew nêrî tiştê hat sere Şahê Îranê, serê Seddam Husên, were sere te û serokê te jî.