Korfahmî meriv dike zilamî xelkê

Îsraîl û Hamas şer dikin, hin kurdên me li xwe dixin, porê xwe dirûçikînin.

Serokê filistîniyan tê kuştin, hin kurdên me dikin qîrîn û hawar, xwe perçe dikin, rismê mêrik wek bavê wan şehîd ketibe bi bedena Amedê va dikin.
Serokê Hizbullahê tê kuştin rismê wî jî bi bedena Amadê va dikin. Hûn bi qurbana wê bedenê bûno, ma Hesen Nasrallah bav û birayê we ye hûn rismê wî bi bedenê va dikin?

Serokê Îranê Pezîşkîyan ditirse Kurdistan çêbe

Serokê Îranê Mesûd Pezeşkîyan li ser dawiya(taliya) Îranê pir bi xof û tirs e, ketiye panîkê, titirse Îran perçe bibe û Kurdistan çêbe; gotiye:

”Heger li Îranê şerekî hundur derkeve, Azerbêcana Başûr, Xuzîstan, Kurdistan û Belûcîstan ewê ji Îranê veqetin, bibin dewletên serbixwe. Tiştekî bi navê Îranêewê nemîne.”
Pezîşkiyan texmîneke rast kiriye, zû dereng ewê wiha bibe.

Xemgîniya bi kuştina Hesen Nasrallah li zirara miletê kurd e

Partiya DEM´ê bi beyanekê kuştina serokê Hizbullaha Libnanê Hesen Nasrallah xemgîniya xwe anîye zimên û Îsraîl rexne û şermezar kiriye.

Bi vê beyana xwe serokên Dem´ê ez matmayî hîştim.
Dibê serokên HUDA-PAR´ê bi kuştina Hesen Nasrallah xemgîn bibin û Îsraîl rexne bikin, ne serokên DEM´ê.

Parastina Hesen Nasrallah û dijayetiya Îsraîl li zirara miletê kurd e.

Erebê herî baş jî li dijî Îsraîl û avabûna Kurdistanê ye

Serokwezîrê Îraqê Mihemed Sûdanî, kuştina serokê Hizbullahê Hesen Nasrallah  şermezar kiriye, gotiye kuştina Hesen Nasrallah sûcekî giran e, Îsraîl bi vê yekê hemû xetên sor “derbas kir.”

Sûdanî, Hesen Nasralah wekî “şehîdê rêya rast” bi nav kiriye û ji bo wî 3 roj şîn îlan kiriye.
Sûdanî  fikrê wî çi be jî ereb e, misilman e, lema jî otomatîkman neyarê Îsraîl, cihûyan û kurdan e.

Çi kar ji destê meriv were baş e

Min îro ji betalî ji xanimê ra pastake sêva çêkir. Helbet wê tenê nexwar, min jî pê ra xwar. Sosa wê jî li mal hebû, me sos jî lê kir. Li ber qahwê xweş bû. Li welêt ba me yê ban cîranekî bikira, me yê bi hev ra bixwara. 

Di hewşa me da dareke sêvan heye. Îsal pir girtiye, gulîyên dara feqîr di bin da şikiyan. 

Min 20-30 kîlo jêkirin, lê hîn hewqas pê va heye.
Li welêt ba minê cîranên bihatana ji xwe ra top bikirana. Li vir kes nayê. 

Tê gotin Îranê Hassan Nasrallah firot

Du roj berê meleyekî şîî di telewîzyona El Arabîyeyê da ji serokê Hizbullahê Hasan Nasrallah ra gotiye:

”Hassan Nasrallah, wesîyeta xwe binivîsîne. Îranê tu û gurûba te firot. Heger tu bizanîbe li hemberî serê te çi peyman çêkirine her tişt ewê belovacî bibe. Yên Qudsê nîşanî te didin tu firotin. Hêvî dikim di demek nêzîk da tu viya bibînî…”

Dibê meriv bi kar û berhema xwe xelkê derbas ke

Mamoste ji xwendekarê xwe yê jîr, lê gelkî nahs û nerehet pirsî:

-Çima tu ji hevalên xwe hewqasî didexisî, tu nahêlî dersa xwe çêkin, tiştên ew çê dikin tu xera dikî û bela xwe di wan didî? Ji bo çi tu wiha dikî?
Xwendekar got:
-Çimkî ez naxwazim ew ji min bibihurin, ji bo ku ez tim yê baş, yê yekem bim.

Qey rojekê rojê li me jî hilê !

Zemanek dihere, zemanek tê, helbet rojekê kurd li hespê siwar tê û digihîje serxwebûn û azadiyê.

Qey rojekê rojê li me kurdan jî hilê. Ev miheqeq e.

Ji bo ku em kurd nebin xwedî dewleteke serbixwe dijminên me hetanî nuha çi nerindî, xerabî ji destên wan hatiye kirine.

Mezin û rêberên me jî bi piranî hetanî nuha îmtihaneke baş nedane, dersa xwe baş nexebitîne, tim di sinifê da mane.

Li Kurdistana Bakur li gundan jî zarok êdî kurdî nizanin

Fener Rojbiyanî di nivîseke xwe ya Facebookê da qala serpêhatiyeke xwe ya metirsîdar ya gera Kurdistana Bakur kiriye.

Fener Rojbiyanî di gerra xwe ya Kurdistanê da riya xwe bi Colemêrgê, Geverê, Şemzînayê jî xistiye.
Li Nehrê ew û dostê xwe Dr. Yaşar Kaplan û lawê wî û Dr. Nûredîn Ertekîn diçin aşxaneyekê.

Di vê nabênê da du zarokên 9-10 salî, di destên her yekî da satilek hejîr ji wir derbas dibin. Zarok dixwazin hejîra bifroşin wan.

Şer bêxisar nabe

Bi qasî xuya dike tiştê hat serê Hamasê ewê were serê Hizbullaha Libnanê jî.

Hizbullah jî wek Hamasê har bûye. Îranê çend fuze danê gewî bûye, dibêje belkî bi wan fuzeyan ewê kanibe zora Îsraîl bibe. Ev ne mimkûn e, xeyaleke bêbingeh e.

Îran bi xwe newêre bela xwe di Îsraîl bide, kêmaqilên Hamasê û Hizbullahê dajo pêş, wan ji xwe ra wek maşê bi kar tîne.

Kilama Mihemedê Seîd Axayê Deqorî û Zerga Evdî

Kilama Mihemedê Seîd Axaayê lawkê deqorî û Zerga Evdî kilameke muhteşm e. Meriv ji gudarîkirina wê têr nabe. Sitran meriv dihelîne, dilê meriv radke pêdarê.

Ev çi kultur e, çi muzîk e, meriv dibe heyran...
Bi kurmancî bi sedan kilamên wiha hene.
Erotîzma di kilamên kurdî da bêemsal e, hêja ye gelek lêkolînên edebî, tarîxî, sosyolojîk li ser werin kirin.
Jina kurd di warê evînê da pir kişandiye, gelek caran negihîştiye miradê xwe. Dildarê xwe bi dilê xwe hilnebijartiye. Bêdilê wê, bi zor dane hinekên din. Li dinyayê ezabekî, îşkenceyeke ji zewaca bêdil mezintir tune ye.

Dibê meriv çend gotinan ji kurdên hevalên hukûmetê ra jî bibêje

Dewlet nahêle kurd zimanê xwe fêrî zarokên xwe bikin. Dezgehên zimên, mamosteyan digrin.

Do bi ordîyek pûlis li Amedê, Stenbol û Îzmîrê girtin ser hin malan û komeleya zimên MED-DER´ê. 25 kes girtin.

Dewlet eşkere nahêle kurd zimanê xwe fêr bibin, bidin fêrkirin.
Lê dîsa jî hin kurd dev ji hevaltiya vê hukûmetê bernadin.

Rez berê jî ne tu rez bû...

Go rez berê jî ne tu rez bû, terezê(zîpikê)lê xist xerabtire bû.

Gul berê jî ne tu gul bû, baranê lê kir şil bû, bîn mîn tê nema, bû malê avêtinê.

Tirkiye berê jî ne tu dewlet bû, lê îslamîst û faşîstan kirine cahnimeyeke rastîn. Êdî tirk jî dibêjin ev ne tu dewlet e.

Li Tirkiyê her tişt, her dezgeh, edalet, emnîyet, hukûmet, perwerde, îdareya siyasî, huqûqî ji kok da xera bûye.

Serokên kurdan li erebkirina Kurdistanê temaşe dikin

Di malpera Rûdawê da li ser navçeya Mexbûrê xebereke pir muhîm heye. Li gorî Rûdawê nivîsîye li navçeya Mexmûrê pevajoyeke Erebkirinê bi lez û bez dimeşe. 

Heta nuha 49 gundên kurdan vala bûne, ereb lê hatine bicîkirin.

Mexmûr 64 km. dûrî Hewlêrê ye, li ber çavê serokên kurdan, partiyên kurd ereb li Mexmûrê tên bicîkirin, demografiya Kurdistanê gav bi gav diguherînin. 

Serokên kurdan jî li vê dagirkeriyê sêr û temaşe dikin.

Li Kerkûkê dibistan bi Ala Kurdistanê û sirûdê Ey Reqîb vebûn

Ji Kerkûkê û herêmên ne di bin îdareya Kurdistanê da xebereke xweş heye.

Li Kerkûkê dema xwendinê bi bilindkirina Alaya Kurdistanê û xwendina Ey Reqîb dest pê kir.

Do li Kerkûkê dibistan bi sirûdê Ey Reqîb û bi bilindkirina Ala Kurdistanê vebûn.

Em do li daweta xortekî endonezyayî bûn

Ez û xanim do çûn daweta hevalekî lawikê xwe Rojan. Lawik(Rîan) yekî ji Endonezyayê ye, katolîk e. Bûk(Frîda) swêdî ye.

Rîan û Rojenê me ji zaroktiyê da destbirakê hev in, pir ji hev hez dikin. Lawik ji me ra jî baş e, gava hewce be wek ewladekî me, tê alîkariya me dike.

Dawet li dereka dûr, li bakurê Stockholmê, li qesra Lejondals Slottê bû.
Piştî dawetê em venegeriyan malê, em li wir raketin. 

Heta sibe êvarî bi xatirê we

Ez û xanim nuha rêwî ne, em diçin dawata hevalekî lawikê me Rojan. Hevalê wî yekî endonezyayî ye. Ji zaroktî da herdu pir samîmî ne, wek du bira ne. Lawik ji me ra jî pir baş e. Gava hewce be wek ewladekî me tê alîkariya me.

Dawet li qesreke dûr e, îro em nikanin vegerin mal. Emê îşev li otêlê bimînin; emê sibe vegerin.

Anter Anter jî îro got bi xatirê we

Lawê apê Mûsa Anter ê mezin Anter Anter îro li Nisêbînê, li gundê xwe Zivingê wefat kir. 

Îro roja şehîtketina bavê wî apê Mûsa Anter e. Apê Mûsa 32 sal berê bi destê sîxurên dewletê bi namerdî hat kuştin.

Tesadufeke pir îstîsna û pir manîdar e; Anter Anter jî di roja şehîdketina bavê xwe da wefat kir, çû ba bavê xwe yê rahmetî.

Melayê Cizîrî şairekî kurd e, lê Nabîyê rihayê şairekî tirk e

Nivîskarek ne bi nîjada xwe, ne ku ji kîjan miletî ye, bi zimanê berhema xwe dibe nivîskarê miletekî ya jî nabe.

Esera meriv nivîsîye bi kîjan zimanî be ew malê wî zimanî, wê edebîyatê ye.

Kurdên bi tirkî, bi erebî, bi almanî, bi îngilîzî, bi swêdî dinivîsin bi nîjada xwe kurd in, lê berhemên wan ne edebîyata kurdî ye; berhem bi kîjan zimanî nivîsîbe malê edebîyata wî miletî ye.

Hezkirina rastîn û ya derewîn

Her hezkirin ne ji dil e. Hin kes bi rastî, bi dilekî pak ji meriv hez dikin. Di dostî û hezkirina wan da durrûtî tune ye.

Lê hinek jî hene dema karê wan dikeve meriv hezkirina xwe nîşan didin, gotinên xweş ji devê wan dibare. Meriv bi ezmanan dixînin. Lê ya rast siyaset e, ne ji dil e.

Pesnê zêde him ne xweş e, him jî kane derew, para nesamîmîyetiyê tê da hebe. Lê çav derewa nake, meriv dibîne.

Gerr û seyrana me ya îro

Li Stockholmê îro tam havîn bû, 20 derece germ bû. Piştî me xurîniya xwe kir, nêzî danê nîvro me berê xwe da nava bajêr, herêma Slussenê û Gamla Stanê, bajarê kevn. Ji zûda bû em wê da neçûbûn, me got em herin bîstekê li wan deran bigerin.

Gelek guhertin çêbûbûn, hin derên pir xweş ava kiribûn.
Em li çend derên xweş rûniştin, me li bajarê kev navroja xwe xwar û me dest bi gerê kir.

Li Libnanê teqînên cîhazan îro jî dom kir

Li Libnanê, li hemberî Hizbullahê îro dîsa teqînên çêbûn. Telefon, cîhazên lêgerînê û hin aletên din teqiyane. 

Di teqînên îro da 14 mirî û 300 birîndar hene.

Tiştê ji do da ye li Libnanê dibe wek fîlmekî Superman û Science fiction e.
Çawa kanin di eynî wextê da hewqas alet, giş jî yên merivên Hizbullahê biteqînin meriv matmayî dimîne.

Îro ketim hinge dinga çêkirina şerbeta tirî

Îro dîsa pir westîyam. Du darên me yên mêwê hene. Min îro hinek tiriyê xwe top kir û kir şerbet.

Min sê şûşe çêkir, lê nîvî jî maye. Ez westîyam, min nikanîbû giş ji papan bikira.

Karekî zor e, dibê tu tirî ji mêwê bikî, baş bişo, ji papapn bike û du caran jî bikelîne. Ji ber ku dar bilind e topkirin zor e. Destê meriv nagihîje her derê.

Cîhaza lêgerîne wek sîlehekê bi wan da teqîya

Hizbullaha Libnanê gotiye di êrîşa sîber ya do da 11 endamên wan mirine. Li gorî xebera Reuterê li dora 2750 kes jî birîndar bûne.

Berê pîpînek ji cîhaza lêgerînê hatiye û peyamekê xuya kiriye, dûra cîhaz teqîya ye.

Li gorî Ajansa Reuterê îstîxbarata Îsraîl Mossad li piştî vê operasyona sîber e. 

Hin pispor dibêjin Mossadê çend meh berê kanîbûye teqemenîyeke biçûk têxe pişt bateriyên cîhaza lêgerînê û bifroşe Hizbulahê. Ew cîhaz bûn sîlehên di destê Mossadê da.

Mirî ji gorran ranabin

Hin însan wek kulîlka ji demsala xwe xeyidî be, carê çilmisîne hew vedibin. Ne berkol pere dike, ne jî avdan. 

Bêhêvîtî însên wek gula çilmisî diçilmisîne, hişk dike. 

Çira ji koran ra, def ji kerran ra bêfêde ye. Ha bibêje, ha bibêje, tim kerr û gêj e...
Gula çilmisî venake, mirî ji gorran ranabin.

Di nav kurdan da yên herî pir xerabe bûne em kurdên Kurdistana Bakur in

Bi qasî ez dibînim em kurdên Kurdistana Bakur li gorî kurdên hersê perçên din bêtir, zûtir û rehettir entegreyî Tirkiyê û asîmîle bûn.

Me kurdbûna xwe, zimanê xwe, kultura xwe baş neparast.

Em tarîxa xwe, edebîyata xwe, zimanê xwe, coxrafya xwe baş fêr nebûn, me her tiştê tirkan da me, xistinê serê me pir rehet, qebûl kir û kir yê xwe.
Ne îro tenê, ji avabûna Tirkiyê va ye ev wiha ye. Ji ziman û edebîyata xwe bêtir, me ji ziman û edebîyata tirkan hez kir, me ew fêrî hev kir.

Nivîseke 24 sal berê

Min ev nivîsa xwe 24 sal berê bi minasebeta pîrozbahiya 4 saliya rojnameya Azadiya Welat ji Azadiya Welat* ra şandiye.
Nivîs di rojnameyê da hat weşandin, nehat weşandin nayê bîra min. 

Du sê roj berê ez rastî wê û çend nivîsên xwe yên din hatim. 

Heger Azadiya Welat wê demê weşandibe jî haya nifşên nuh jê tune ye. 24 sal di ser ra derbas bûye.
Ez diweşînim, bira di bloga min da jî wek belgeyekê hebe.

Zarok êmîşê mala ne

Arasê me, bavê xwe û diya diya îro hatin serdana me. Ev çend roj in diran derxistiye, me jê ra danoya dirana çêkir.

Li ba me dema zarok diranan derdixin jê ra dano çêkin. Malbat, cîran kom dibin, bi şahiyekê pîroz dikin. Cîranên em nas dikin tune ne, me xwe bi xwe pîroz kir.

Me îro hinek sêvên xwe top kir

Me îro sê satil sêv, li dora 9-10 kîlo sêv ji dara xwe top kir. Hîn hewqas jî pê va mane. Ezê wan jî çend rojên din top bikim.

Dara me îsal sêv pir girtiye, guliyên feqîrê di bin sêvan da xwar bûne.
Dara mêwê cî lê teng kiriye, roj baş nadê. Lê mala wê ava be dîsa jî barek sêv girtiye.
Xaniyê bi hewş, hewşa bi bexçe, bi dar xweş e. 

Ferqa serokekî Îranê û yê Tirkiyê

Serokê Îranê Mesûd Pizişkîyan

Îran jî wek Tirkiyê dewleteka beşekî welatê me dagir kiriye. Serokê Îranê Mesûd Pizîşkîyan jî wek serokê Tirkiyê Recep Tayyip Erdogan serokê dewletekeke dagirker e.

Mesûd Pizîşkîyan jî bi qasî Erdogan li dijî azadî û serxwebûna miletê kurda e.
Lê Mesûd Pizîşkîyan dîsa jî kane bi kurdî bipeyive, bi rehetî bibêje Kurdistan, here ser gorra Celal Talabanî û di deftera gorrê da bi hurmeteke mezin pesnê Celal Talabanî bide.

Tesadufeke pir hêja û pir xweş

Do baran bû, em ji mal derneketin. Xanim rehet nesekinî, rabû ket qulik û pacan û dolaban. Tişt- miştên tê da gişk derxistin, ji hev girtin. Got ez paqijiyê dikim.

Dûra kilasorek(permek)mezin anî da min, got di viya da rojnameya Armancê hene, hela lê binêre. Heger ne lazim e ezê bavêjim.

Min nizanîbû jimarên Armancê yên destpêkê(1979-1985)li ba min hene.
Min got deyne wir, ezê dûra lê binêrim.

Dibê em înqîlaba leşkerî ya 44 sal berê ji bîr nekin

44 sal di ser înqîlaba leşkerî ya 12´ê Îlona 1980´yî ra derbas bû.

44 sal berê li Tirkiyê leşkeran di bin serokatiya Kenan Eevren da bi zor dest danîn ser hukim û dest bi zulm û teroreke mezin kirin.
Zirara herî mezin me kurdan dît.
Cûntayê herî zêde berê xwe da kurdan, bi hezaran kurd girtin, îşkence kirin, di zindanan da kuştin.

Serokê Îranê Mesûd Pizîşkîyan li Kurdistanê ye

Mesûd Pizîşkiyan gihîşt Kurdistanê. Li Balafirgeha Navneteweyî ya Hewlêrê ji aliyê Nêçîrvan Barzanî ve hat pêşwazîkirin.
Pizîşkîyan îro li Hewlêrê ewê dest bi hevdîtinên xwe bike. 

Pizîşkîyan li Bexdayê gotibû ewê here silêmaniyê jî. Çimkî kurd êdî du hukûmet in. Hukûmeta PDK´ê Hewlêrê e, ya YNK´ê jî  Silêmanîyê ye. 

Payiza rengîn îro xwe nîşanî me da

Me rojên germ û xweş, payiza delal çavînokî kir. Li derve ximîna baranê ye, sar û sermayê dest pê kir. Ximîna dengê baranê pir xweşe, wek meriv li dengê kemanê gudarî bike.
Ji nuha û pê da li Stockholmê êdî emê hew germîyana çend roj berê bibînin. 

Roj hatiye dibê em êdî kincên xwe yên payizê û baranê ji dolabê dexin. Stockholm êdî ewê tim wiha şilî û şepelî be. 

Helbet nabe payiz jî wek havînê be, her demsal dibê li gorî xwe be. Çendakî din darên pelên xwe biwşînin, daristan, xweza wek zêr ewê zer bibe. Şikir me ev demsal dît.

Zava û bûk bi zewaca xwe ra di nav zêr û pera da man

Li Colemêrgê di daweta Serdar Adiyamanê lawê Şefîk Adiyamanê jîrkî da 5 kg zêr bi bûkê, Dîlan Çîftçî xanimê va kirine û 5 mîlyon û 150 hezar perê tirk jî bi zavê va kirine.

Diyar colemêrgî pir dewlemend in, di dawetan bi kîloyan zêr û milyonan pere bi bûk û zavê va dikin. 15 kesan bi seetan pere jimartine.
Qey zêr jî wezinandine. Ya na ewê çawa bizanibin 5 kîlo ye?

Umer Şêxmûs ji serokên PDK´ê û YNK´ê ra nameyek şandiye

Kekê hêja Umer Şêxmûs(Omar Sheikhmous), ji Mesûd Barzanî, Nêçîrvan Barzanî, Mesrûr Barzanî, Pavel û Qubad Talabanî ra nameyeke eşkere şandiye. Swêdîya nameyê di malpera wî ya Facebookê da heye.

Di nameya xwe da bi zimanekî liberger ji Barzanî û Talabanîyan daxwaza lihevkirinê dike. Dibêje gerek hûn bi hev nekvin, hilbijartinê bi rengekî demokratîk, şefaf û bêşaîbe çêkin.

Bi van serok û siyasetmedaran em tu carî nagihîjin hevalan

Nacat Zanyar di nivîsa xwe ya dawî ya di malpera Rûdawê, beşa tirkî da miletperweriya kurdî analîz kiriye. 

Li gorî Necat Zanyar, li Kurdistana Bakur rêjeya kurdên miletperwer, nasyonalîst li dora ji sedî 70 ye. 

Bi baweriya min jî texmîneke rast e û ev jimar roj bi roj zêdetir dibe.Gerek em vê bingehê, vê cepheyê berfirehetir bikin.

Do li Stockholmê 40 salîya Hêlîna Kurdî hat pîrozkirin

Mamosteyên Hêlîna Kurdî(zarokxana kurdî)ya 40 sal berê, Bonya Cegerxwîn, Husametîn Aslan, Mahmûd Lewendî û Kitêbxana Kurdî, do li Stockholmê, li Kitêbxana Kurdî bi zarokên wê demê û welîyên wan ra 40 salîya Hêlîna Kurdî pîroz kirin.

Zarokên 40 sal berê, nuha ew bi xwe xwedî zarok in, qala bîranîn û serpêhatiyên xwe kirine.

Bi zarokên wê demê ra sazkirina vê pîrozbahîyê tiştekî pir xweş e, hersê mamosteyan û Kitêbxana Kurdî ji dil û can pîroz dikim.

Ax ji derdê dijberên erebî

Kurdekî hezkiriyê min û kurmancî zimanê min rexne kiriye, gotiye te di nivîsa xwe da peyva ”petêx” bi kar anîye. Gotiye, ”ez dizanim "petêx" ne bi kurdî ye, ev nav erebî ye, wek Xillas, Xalis,ciran hwd. Navê petêx bi kurdiî Qalik'e...”

Yanî dibê min negota ”petêx, ji petêx ra bigota qalik. Li gorî vî dostê minê hêja dibê meriv navê petê ji kurmancî derxîne, tu carî bi kar neyne.

Yê tir kir ez bûm

Mêrik li odê tirek kir, pir fedî kir. Ji bo ku tirê ji hustuyê xwe derxîne, şîleyek li lawê xwe yê li kêla xwe xist.

Lawik matmayî ma, got:
-Bavo, te tir kiriye, çima tu li min dixî?
Bi rê da bavê bi hêrs jê ra got:

Eşqa dizan şevreş in

Ji xelkêra hût e, ji xwe re kût e, hevalê têcirê, bazirganê rût e.

Çepên tirk, îslamîstên tirk têcirên rût in, bi hevaltiya wan em tu karê nakin.
Dibê em dewletên, kesên, hêzên xwedî îmkan bikin dostên xwe, bi rûtan ra em nikanin tiştekî bi dest xînin.

Mala dînan rabûn hev bi pihînan

Bafil Talabanî û Mele Bextîyar bi hev ketine. Rez berê ne tu rez bû, zîpikê lêkir xerabtir bû.

Li Silêmaniyê hêzên ewlekariyê girtine ser sazîyeke Mele Bextîyar ya bi navê ”Dezgeha Rewşenbîrî ya Çawdêriyê.”

Mele Bextîyar jî do vîdeoyek belav kiriye, Bafel Talabanî, malbata wî û kesên li dora wî pir giran rexne dike.

Hin însan wek zebeşê kal in

Çend maneyên peyva ”kal” hene. Yek jê, ji bo kesê extîyar, peyayê zêde umir kiribe, kal tê gotin, yanî extîyar bûye. Jin pîr dibin, mêr, peya kal dibin.

Maneyeke din jî ji bo fêkiyê, sebzeyê hîn baş negîha ye, kelek e, hîn nehatiye wexta xwarinê jê ra ”kal” e tê gotin.

Zebeşê sor nebûyî, petêxê û hinara negihîştî kal e, nayê xwarin.

Li Swêd demsal şaşomaşo bûne

Li Swêd demsal şaşomaşo bûne, havîn bi paş da hat. Di vê mehê da Stockholm bûye wek Amedê. Do li bajarê Helsîngborgê 31,1 derece germ bû. Tiştekî ne normal e.

Stockholm îro 28 derece germ bû û germîyan ewê heta dawiya heftê jî dom bike.
Dibêjin berê tu carî di vê mehê da Swêd hewqasî germ nebûye.
Ez bi xwe ne li dijî germîyanê me, hema bira germ e. Em ji xwe ra têr digerin û dûra jî tên li hewşa xwe kêfa mîran dajon.

Ji bo Erdogan do ji Sîsî ra çi gotibû qet ne muhîm e

Nabêna  serokê Tirkiyê Erdogan û serokê Misrê Sîsî pir baş bûye, biratiya wan ji nuh va desdt pê kiriye. 

Erdogan do li Anqerê, li balafirxana Esenbogayê bi helahop û merasimeke mezin çû pêrgî birayê xwe Abdulfetah Sîsî. 

Di meha sibatê da jî Erdogan Qahîre zîyaret kir.

Navê kera me xera nekin

Gerek meriv di gotinekê da şaşiyeke wiha neke. Here were gotinek e.

Bi rastî sosiretek giran e, ji dêlî  binivîsîn, "Hûn bi xêr hatin Batmanê", "hûn bê xer hatin Batmanê" nivîsîne.

"Bê xer" çi ye, tê çi maneyê ez nizanim. Diyar e şaşiyek bûye, çewt nivîsîne. Lê şaşiyeke ne xweş e. Qest "Hûn bi xêr hatin Batmanê" ye.

Di gotinekê da gerek meriv şaşiyek wiha neke. Dibê wiha be:

-Hûn bi xêr hatin Batmanê !

Bawerîya meriv bi hev neyê meriv ji hev dûr dikeve

Lîstikvanê taximê Kocaelîsporê Ahmet Oguz li ser maça Amedsporê û Kocaelîsporê gotiye:

”Di maçeke hewqasî muhîm da çawa dibe hekemekî rojhilatî(yanî hekemekî kurd)tayin dikin ez fêm nakim? Çawa be rojhilatî ye! Bi rastî ez viya fêm nakim.”

Gava tirkek baweriyê bi kurdekî neyne, kurdek jî ewê baweriyê bi tirkekî neyne. Ewê wiha bibe. 

DÎAKURD´ê karekî tarîxî û pir muhîm kiriye

DÎAKURD´ê ji bo ku kurdên Kurdistana Bakur mafên xwe yên netewî bigrin, xwe îdare bikin, bi riya abûqatên xwe serî li Komîteya Mafên Mirovan a Neteweyên Yekbûyî daye û daxwaz hatiye qebûlkirin.

Qebûlbûna daxwazê ji alî Komîteya Mafên Mirovan a Neteweyên Yekbûyî ji bo me kurdan serketineke baş e. ev gav ewê hin tiştên din jî bi xwe ra bîne.

Tirkiye çima hewqas zulmê li kurdên Kurdistana Federe dike?

Piraniya tirkan, faşîst, kemalîst û îslamîstên wan bi çavê dijmin li kurdan dinêrin, ji kurdan nefret dikin. Viya em giş zanin.
Lê bi taybetî jî ji kurdên başûr û rojavbayê Kurdistanê pir diqeherin, nefreta ji wan gelkî zêdetir e.
Çimkî ew xwedî statuyeke kurd û Kurdistanî ne. Xwe îdare dikin, wek me ne bindest in, kurdî zimanê resmî ye, zarok bi kurdî perwerde dibin. Ala Kurdistanê li wir hêl dibe.

Tirkan li Îzmîrê leşkerekî amerîkî êsîr girtin û tûr xistin serê wî

Li Îzmîrê komek tirk wek wahşan, wek gurên har ên devbixwîn li leşkerekî amerîkî hatin hev, tûr(çewal) xistine serê xort. Vîdeoya xwe jî belavkirin, gotin me heyfa xwe ya 2003´a ji Amerîkayê girt.

Di 4´ê temûza 2003´a da leşkerên amerîkî li Silêmaniyê bînbaşîyek û 11 leşkerên tirk ji ber haziriya teqîneke terorîstî girtin. Dema ew birin îfadeyê, ji bo ku der dora xwe nebînin, bi rê da, di cemseyê da tûr(çewal) xistin serê wan.

Li ser hevaltiya medyaya sosyal

Hin xort ji min ra daxwaza hevaltiyê dişînin, lê profîla wan girtiye. Di Facebookê da keç pir kêm in; di X´ê da zêde ne.

Gelekê caran nav ne rast e, rismê zarokekî, heywanekî kirine profîla xwe. Meriv nizane kî ye, çi kes e?
Kurd e, ne kurd e?
Kurdî zane ya nizane?

Sed sal berê sebebê çênebûna Kurdistanê em bûn, nuha jî em in

Torimê(deveya biçûk)bi rê da ji arwanê ra got:

-Dayê, çonga min dilerize. Fena ku talûkeyeke mezin li pêş me hebe, ez wiha his dikim. Ka were em vegerin.
Arwanê bala xwe da torima xwe, tiştek negot, riya xwe domand.

Bîstek derbas bû, gava torimê eynî tişt careka din dubare kir, arwane zîvirî ser torima xwe, jê ra got:

Pismamê Hekîm Luqman: Em bi kurdî axivîn, wek ku bibêjin vana kafir in êrîşî me kirin

Çend tirkên neyarên kurdan do bi şev Hekîm Lokmanê ji Kurdistana Başûr ji bo ku bi kurdî peyivîye dane ber kêran,kuştine.

Guh bidin xeberê bibînin bê tirk çi tînin serê kurdan.
Ev ne cara pêşî ye kurdan ji bo ku bi kurdî dipeyivin, bi kurdî distirên lînc dikin, dikujin.
Êrîşkar li dora 10 kesan bûne. Heta nuha yek jî negirtine. Heger kurdan tirkek kuştiba ewê tavilê bi dehan kes girtibana.

Ronî û Vîyan do gihîştin mirazê xwe

Do bi şev em li daweta du ciwanên xwe yên hêja, daweta Vîyan Kurekçî û Ronî Tanrikulu bûn. Em bûn şirîkê şahiya herdu ciwanan û herdu malbatan.

Dîtina murweta zarokên xwe ji bo dê û bavan bextewariya herî mezin e.
Aqûbet li serê me û zarokên me yên azib be.
Dawetek xweş bû, tu kêmasî tunebû. Em bûk û zavê pîroz dikin, ji wan ra temenekî dirêj û bextewar dixwazin.

Firat Aydinkaya secereya entellektuelên tirk başa ji hev vençiriye

Firat Aydinkaya di malpera Nûpelê da li ser entelektuelên tirk nivîseke pir hêja, mistewabilind nivîsî ye. Navê nivîsê, "Emê entellektuelên tirk çi bikin?"*

Nivîs bi tirkî ye, kesên tirkî zanin kanin nivîsê di malpera Rûpelê û di malpera X´ê ya Firat Aydinkaya da bixwînin.
Firat Aydinkaya mercek daye ser çend entelektuelên tirk, di roman û nivîsên xwe da li ser kurdan çi gotine raxistiye ber çavên me kurdan.