Mirî ji gorran ranabin

Hin însan wek kulîlka ji demsala xwe xeyidî be, carê çilmisîne hew vedibin. Ne berkol pere dike, ne jî avdan. 

Bêhêvîtî însên wek gula çilmisî diçilmisîne, hişk dike. 

Çira ji koran ra, def ji kerran ra bêfêde ye. Ha bibêje, ha bibêje, tim kerr û gêj e...
Gula çilmisî venake, mirî ji gorran ranabin.

XXX

Gelo emê rehetiyê, huzûrê çawa bi dest xînin? Huzûra me girêdayî azadiya me ye.

Gerek em gişk viya bizanibin û ji bo azadiya xwe bixebitin. Em bi tifaq bin azadiya me mimkûn e, ne dûr e.

Dibê her kurd ji bindestiya xwe, ji bêdewletiya xwe şerm bike.

XXX

Serokên dagirkerên welatê me durû ne, dişibin dezgeha bazarê. Li ser dezgeha bazarê tiştên baş li pêş e, li ber çava ye, lê paşî genî, xerabe ye.

Dagirkerên welatê me jî bi dev xweş dikin, lê dilreş in, gorra me dikolin.

Bi van durûtiyên xwe heta nuha gelek caran derbên mezin li me xistine.

Dijminên bav û kalan nabin dost û yarên lawan. Destên wan rast naçe paxila wan.

XXX

Ji ber ku serokê Huda-Parê Zekerîya Yapicioglu gotiye em li dijî madeya 4´a ya Qanûna Esasî ne, tirkekî bi navê Nîhat Genc heqaretên pir giran, heqaretên kûçik ji ber pûrta xwe diweşîne li Zekerîya Yapicioglu kiriye.

Heger kurdekî ev heqaretên Giran li Zekerîya Yapicioglu bikira bersîva wî ewê pr giranbûya.Yapicioglu û hevalên wî ewê heftêûheft bavên wî kesî bibirana perakî, ewê qiyamet rakirana.

Ez bersîva Zekerîya Yapicioglu û Huda-Parê meraq dikim. Gelo ewê bêdeng bimînin ya jî bersîveke Nîhat Genç heq kiriye bidinê.

Ev segê har dibê bê bersîv nemîne, dibê bersîveke ji ya wî girantir were dayin. Heqaretan li Zekerîya Yapicioglu tenê nake, li hemberî kurdan jî bêedebîyê dike.
Yên guhertina Qanûna Esasî dixwazin ne Yapicioglu tenê ye, Erdogan jî, gelek tirk jî dixwazin. Lê ew newêri ji wan ra tiştekî bibêje, çavê wî yekî kurd dibirre. Ew kurd jî bûye zilamê wan , lê dîsa jî têrê nake.

Meriv hewqasî har, hewqasî bêedeb nabe. Dibê hinek oştî vî segê har bike, navê wî bi bîra wî xîne, bibêje heta zikê te di teqe biewte.