Misilmanan çav berra Ewrûpayê dane

Di medyaya sosyal da ez rastî xebereka balkêş hatim. Li gorî xebera hatiye belavkirin yekî misilman bi yekî alman ra minaqaşe dike, ji yê alman ra wiha dibêje:

”Tu dixwazî pê qayil bibe, dixwazî pê qayil nebe, îslam ewê bibe dînê Almanyayê.
Keça te ya alman ewê şarpê bide serê xwe(serê xwe bigire).
Lawê te ewê wek me riyê berde. Û keça te jî ewê bi misilmanekî bi rî ra bizewice.
Em misilman zarokan zêde çêdikin. Alman qet çênakin. Herî zêde hûn du zarokan çêdikin. Em 7-8 zarokan çêkin elhemdullah. Yê we almanan kûçikek û zarokekî we heye.
Hewqas. We welatên me ji xwe ra kirin kolonî. Bi vê riyê hûn li welatên Mercedesan siwar bûn û we kamareyên xwe dîjîtal bi kar anîn.
Ey Xwedayê min, fetihkirina almanyayê bike nesîbê me.”

Şahidê rûvî dêla rûvî ye

Hêzên dagirker bi leşker û pûlisên xwe tenê şerê me nakin, bi medya xwe, bi nivîskar û şairên xwe, bi profesor û dîndarên xwe, alimên jî şerekî psîkolojîk li hemberî me dimeşînin.

Ev şerê wan ê psîkolojîk ji şerê wan ê leşkerî xerabtir û bi zirartir e.

Hin bêbav û bêeslên xwedêgiravî şair in, edîb in dev davêjin ji kurdan da, kurdan biçûk dibînin, bi derew merewên berradayî tirkan li serê mezin dikin.

Hevaltiya bi dijmin ra li ba kurdan ne şerm e

Di malpera Rûdawê da Dildar Herkî bi zilamê serokê Tirkiyê Recep Tayyip Erdogan, Mehdî Eker ra hevpeyvîneke dirêj kiriye.

Mehdî Eker kurd e, ji qeza Bismil e. Berê wezîrê çandiniyê bû, nuha serokê rêxistineke dewletê ye. Zilamekî Erdogan yê gelkî muhîm e. Lema jî Erdon wî naqewitîne, tim di bin emrê xwe da dihêle.

Erdogan hetanî nuha hevalên xwe yên herî nêz, yên bi wan ra AKP ava kiribûn yek jî li dora xwe nehîştiye. Giş yek bi yek qewitandin. Lê hetanî nuha çipiska xwe jî bi Mehdî Eker nekiriye.

Ez îro ketim lê xêra befê zêde neêşiyam

Meşa min a îro bi macere derbas bû, ez ketim, lê Xwedê kir zêde neêşiyam. Berf nerm, wek pembo bû, ez erzan xelas bûm, erzan filitîm.

Berf çongekê ketiye, peyarê(riyên meşê) weneda bûne, meriviya riya xwe nabîne.

Ji nişka ve nigê minê çepê di kortekê wer bû, ez bi dev û ruyan ve çûm erdê.
Min hêzî ser xwe kir, ez carek din şemitîm, li ser berfê bûm çît.

Berf pir bû, ez zêde neêşiyam. Herdu çongên min hinekî êşiyan, lê Xwedê kir seqet nebûm.

Her roj nivîsîn ne rehet e

Hin sibehan serê meriv vala ye, tiştekî xweş ê meriv binivîse nayê bîra meriv.

Meriv dide bîra xwe, nade bîra tiştekî li gorî dilê meriv nayê bîra meriv.
Îro rojek wiha ye, tûrikê min vala ye. Bala xwe didim xeberên sosyal medyayê, çavên xwe li vir û wir digerînim dilê min li tu xeberê rûnane.

Halê Yekîtiya Nivîskarên Kurd li Swêdê

Yekîtîya Nivîskarên Kurd li Swêdê(YNKS) do kongra xwe ya 27´a çêkir.

Bîstûyek(21) endamên endametiya xwe dabûn beşdarî kongreyê bûn.
Em kêm dibin zêde nabin. Her sal em dibêjin, sal bi sal, xwezî bi par.
Li Swêd bi sedan nivîskarênkurd; kurmanc, zaza, soran hene. Lê endamên Yekîtiya Nivîskarên Kurd li dora 30 kesî ne.

Nivîskarên me nabin endam. Hinek xemsariyê, cangiraniyê dikin, muhîm nabînin bibin endam.

Zivistan wek lokê hêc e

Me îsal bi payiza germ û xweş kêf kiribû. Zivistanê, berfê, sar û seqemê dawî li kêfa me anî.

Lê li Stockholmê meha mijdarê(meha 11a)tim sar e, gelek salan çongekê berf li erdê ye.

Her demsal dibê li gorî navê xwe be. Zivistan jî dibê bi rastî zivistan be, nig û dest bicemidin. Dibêjin zivistan lokê hêc e. Dibê meriv xwe jê bisitirîne.

Xwezî min cangiranî nekiriba...

Îro li Stockholmê li Kitêbxana Kurdî nasandina romaneka keçaka kurd hebû.

Ala Rîanî xanimê romana xwe ya bi navê ”Dota Şer-jin, jiyan, azadî” da nasîn.

Min nêt hebû herim. Lê ji ber berfê, sar û sermayê min di xwe ra nedî herim li Ala xanimê gudarî bikim û ji xwe ra kitêbekê pê bidim îzmzekirin.
Ereba min tune ye, di rojên wiha da trafîk problem e, di riyan da meriv perîşan dibe.

Ji ber ku min di xwe ra nedî herim, min cangiranî kir neçûm hinekî şerm dikim, di hundurê xwe da xwe nerehet, bêhuzûr hîs dikim. Naxazim jineke kurd xeyalşikestî bibe, kes neçe civîna wê.

Rismek û çend bîranînên bi xwe ra anîn

Bi bîrxistina hin parvekirinên salên borî Facebook karekî baş dike. Hafiza meriv nuh dibe, meriv wan roja xeyal dike.

Îro rismekî min ê min 13 sal berê parve kiriye dîsa nîşan daye, gotiye 13 sal berê îro te ev risim parve kir.
Min bala xwe da risim, rojên wê demê, ew mekan, ew atmosfer, karên min dikir, heyecana hazirkirina Armancê hatin ber çavên min.

Cî, Stockholm Alvîk, lokala rojnameya Armancé ye. Destpêka 1980î ye.

Mêrik li ber xwe nakeve lema pesnê xwe dide

Berdevkê Hamasê yê leşkerî Ebû Ubeyde pesnê şerê Hamasê daye, gotiye wan Îsraîl mecbûrî agirbestê kir.

Ebû Ubeyde berdevkê Lîwayên Izedîn el Qasim e. Yanî efendî serokekî Hamasî yê leşkerî ye.

Mêrik malik li filistîniyan wêran kiriye, giş bûne motajê parîyek nanê tisî û tasek av, hîn jî pesnê dînîtiya xwe dide.

Xwedê aqilekî bide we. Xeza him ketiye bin konrola Îsraîl, him jî wêran bûye. 

Antîsemîtîzim nazîzim e

Piştî êrîşa Hamasê ya 7´ê cotmehê û qetilkirina 1400 însanî, min li ser Hamasê gelek tişt xwendin. Min xwest Hamsê û îdeolojiya wê baştir nas bikim.

Hamas tevgereke ji Birayên Misilman sadir bûye, yên Hamas avakirine kadirên Birayên Misilmanên filistînî ne. Hedefa Hamasê Îsraîl  têk bibe û dewleteke îslamî ava bike.

Her kes berê tevşo dide xwe

Dinya wiha ye, her kes ji aqilê xwe razî ye. Her kes berê tevşo dide xwe, tim li têla xwe dixe. Tiştê li gorî te şaş e, xerab e, li gorî yekî din kane rast be, baş be.

Serokê li gorî te siyaseteke şaş dimeşîne, bi wê siyaseta xwe zirarê dide miletê xwe, li gorî yekî din ew serokekî netewî ye, bêqusûr e, bêkamsî ye. Tiştê serok û pariya wî dike rast e, dibê meriv pesnê wî bide.

Çimkî her kes bi gaza xwe cêw dipîve, her kes rojê di tenga xwe da dibîne.

Ereb û misilmanan Swêd jî kirin wek welatên xwe

Ereban û hin çeteyên krîmînel, îslamî do li bajarê Swêd Goteborgê nehîştin serokwezîrê Swêd Ulf Kristersson bipeyive. Hinbekan xwe lê rakişandin, bi siloganan rê li ber axaftina wî girtin.  

Ji ber ku Ulf Kristersson got mafê Îsraîl e xwe biparêze, yûh kirinê, êrîş birin ser, gotin ”rasîst, faşîst, piştgirê qetlîama filistîniyan, tu merivekî destbixwîn î.”

Ulf Kristersson mecbûr ma axaftina xwe di nîvî da bibire û ji ciyê civînê revîrevî bireve.

Hudapar û dizê Xoce Nesredîn

Rexneyên li HUDAPArê dişibe mesela Xoce Nesredîn û dizê ketibû mala wî.
Diz ketibû mala Xoce Nesredîn. Cîranên wî pê hesiyan. Kî hat hundur gazin ji Xoce kir, kir sûcê Xoce.

Hikekan gotin qey te deriyê xwe negirtiye. Hinekan gotin, qey te paceyek vikirî hîştiye.
Welhasilî kelam gişan sûc, kêmasî kir ya Xoce Nesredîn.

Xoce hêrs bû, got:
-Yaho ma sûcê diz qet tune ye, sûc giş yê min e?

Çavdêriyên ji şîneka kurdên soran

Do ez û xanim çûn şîna dayika Ahmed Eskandarî; dostekî minê ji Kurdistana Rojhilat e. Şîn li herêma Telefonplan li Restauranga Addfoodê bû. Ciyekî pir mezin bû, pir qelebalix bû. Me cîyekî rûniştinê bi zor dît.

Em zêdeyî nîv saetekê rûniştin. Min çend nas û dost dîtin. Di nav hewqas însanî da gotineke farisî, dengekî farisî nehat guhê min.

Her kes kurdî bi hev ra dipeyivî. Meriv dibîne yên li dora meriv giş kurd in, bi hev ra bi zimanê xwe dipeyivin.

Di atmosfereke wiha da ez xwe pir rehet, bextewar, dilşa his dikim. Gava li der û dora min bi tirkî dipeyivin ez nerehet û bêhuzûr dibim.

Sipasiyek ji dil ji Necat Zivingîyê qedirzan ra

Necatê hêja, gelek sipas ji bo hurmet û qedirşînasiya te. Mala te ava be. Te ez serbilind kirim.

Bi bawriya min, min kêm gotiye, zêde negotiye. Tu û yên wek te layiqî gelek pesin û teqdîrê ne.

Miletên din kesên wek te, heta yên nagihîjin şekala te jî bi ezmanan xistine, qedir û qîmeteke mezin dane wan, ew kirina navdarên, entellektuelên meşûr.

Necat Zivingî dermanê çavê kul e

Nacat Zivingî di malapera Rûdawê, beşê tirkî da li ser merivên rojhilatî, rojavayî û îslamîtan nivîseke muhteşem nivîsî ye. Ji ber ku nivîs bi tirkî ez lînka wê parve nakim, navê nivîsê ”Batidaki dogulu/Rojhilatiyê li rojava”ye.

Nivîsên wî gişt xweş in, wek dermanê çavê kul in, giş zihnê însên vedikin, bêhişan bi hiş dikin.
Necat Zivingî, merivekî zana, entellektuelekî pir muhîm e, qelemeke pir xurt e, merivekî ji kesên îstîsna ye.

Di nav kurdan da kesên zana, ronakbîrên baş pir in, lê yên wek Necat Zivigî xwedî cesareteke medenî, yên weke wî diwêrin fikrên xwe bêsansor bibêjin, ez nebêjim tunene, lê pir hindik in.

Hin îslamîyên me ji xelkê ra xulamtiyê nekin xur dikeve canê wan

Kurdên Hudaparê, hin kesên îslamî bi dil û can bûne peyayên dewletê, koleyên ereban, tirkan û îslamê. Dîndariya wan ew ji kurdperweriyê dûr xistine, kirine leşkerên filistîniyan û misilmanan.

Dîndarên xelkê, îslamiyên filistîniyan, ereban, tirkan ji bo xwe, ji bo welatên xwe dixebitin.
Yên me ne ji bo azadîya miletê xwe û serxwebûna welatê xwe, ji bo filistîniyan xwe diçirînin, her roj li kuçe û meydanên bajarên Kurdistanê ala filistîniyan li ba dikin, rismên terorîstên ereb bilind dikin.

Mirî ji gorran ranabin

Em çi bikin jî mirî ji gorran ranabin. Mirî carê mirî ne, zindî nabin. Li hin bajarên Kurdistanê hin kurd bûne wek miriyên gorran. Nizanin çi ne. Ne tam kurd in, ne jî tirk in, bûne tiştekî melez, merivên melez.
Di medyaya sosyal da li ser bajarekî Kurdistanê û ehlên wê yên ne kurd programek bi ber çavê min ket. Program bi tirkî bû. Min bîstekê bala bala xwe dayê, pir xemgîn bûm. 

Asîmîlasyonê gelekên me kirine merivên bêşiûr, bêmeju. Ew bûne terşa li waran mayî.

Dêla rep û aqilê rûvî

Şêr, gur û rûvî bûn destbirakên hev. Bi hev hev ra çûn nêçîrê. Nêçîra kiribûn danîn nabêna xwe. Şêr ji gur ra got:

-Li me par bike.
Gur, sorgoşt, goştê nerm giş da ber xwe. Hûr, pizûr, rûvî da ber şêr, hestî jî da ber rûvî.
Şêr bi vê parvekirina gur pir hêrs bû, xurrînê pê ket, lepek li belka guhê gur xist, gur li erdê bû çît, dêla feqîro rep bû.
Şêr dageriya ser rûvî, vê carê ji rûvî ra got:

Dawiya fêlbaziyên mêrik nayê

Endametiya Swêd a Natoyê bû hilika ereb, pir ajot, fire gerîya, bû porê dîna li hev gerîya.

Swêd didê, nadê dawî li şert û daxwazên Erdogan nayê.
Feqîrên swêdî ne ew kesên kanibin bi Erdogan ra kaban bavêjin.
Erdogan çeqlobendek, fistoqiyek wer li swêdîyan çêkiriye feqîran nizanin ewê çawa jê xelas bibin.
Efendî zeyt dikin nabe, bertîl dikin nabe, nabêncîya dixin nabênê nabe. Mêrik carê ba li swêdiyan anîye, wan dibû û tîne, li ser serê wan têr quretîyê dike.

Îraq û Kurdistan têk çûye

Berdevkê PDK´ê Mehmûd Mihemed li ser rewşa siyasî ya Îraqê û Kurdistanê gotiye:

“Rewşa Îraqê û herêmê têk çûye û pêşbîniya hejîneke mezin tê kirin.”
Wa ye êdî ew bi xwe jî qebûl dikin ne Îraq tenê, Kurdistan jî têk çûye. Ev îtîrafeke muhîm e.
Tiştê Mehmûd Mihemed gotiye pir cidî ye. Eşkere dibêje li Îraqê û li Kurdistanê îhtîmal heye bûyerên mezin biqewimin, şerekê navxwe dest pê bike.

Hin însan ber ketin û rabûna xwe nakevin

Serokê Tirkiyê Erdogan ber ketin û rabûna xwe nakeve, jê ra tim 14ê nîsanê ye, çê were, xerab wer ne xema wî ye. Ew tim yê herî baş e, herî humanîst, herî demokrat e; tim tiştê rast û baş dike. Qet xerabiyê, zulmê li kesî nake. Yanî mêrik bi çavê milyaketekî li xwe dinêre.

Li rojava û bakurê Kurdistanê tiştên aniye serê kurdan ji yê Îsraîl li hemberî Hamasê dike ne kêmtir e lê dîsa jî ji Îsraîl ra dibêje tu dewleteke terorîst e.

Telewîzyona Tirkiyê TRTê Sultanê kurd Selaheddînê Eyûbî kiriye tirk

Telewîzyona Tirkiyê kanala TRT1ê, Sultanê kurd ê bi nav û deng Selaheddînê Eyûbî di fîlm da kiriye tirk, lawê Nûreddînê Zengî.
Dawiya qeşmeriyên wan nayê. Ji bo ku meriv Selaheddîn Eyûbî bike lawê Nûreddînê Zengî dibê ya meriv cahil be, ya jî pir bêexlaq û bêbext be.

Navê fîlm ” Fetihkarê Qudsê Selaheddînê Eyûbî” ye.
Di dereke fîlm da Selaheddînê Eyûbî dibêje:
”Ez lawê Nûreddînê Zengî, Selaheddîn im”!
Bêyî tirkekî kes derew û bêbextîyeke  hewqasî mezin û komîk li Selaheddînê Eyûbî nake.

Di mîzaha tirkî da kurd merivên komîk û pêkenînê ne

Firar Aydinkaya li ser henek û mîzaha tirkî ya li ser kurdan nivîseke xweş nivîsîye.

Min pir dixwest Firat Aydinkaya bi kurdî binivîsîne.
Camêr qelemek xurt e, tiştên gelek kes nabîne, ew dibîne, wek şeşkineka jêhatî ye, meselan baş şe dike, xweş ji hev vediçire.

Aydinkaya di malpera NÛPELê da li ser mîzahê, komedîya sînemaya tirk nivîsek bi kurmancî nivîsîye, him jî tam li gorî dilê min û li ser meseleyeke pir û pir muhîm nivîsîye.

Hudapar bi rexnekirinê dev ji hevaltiya dijmin bernade

Huda Parê do li Batmanê dîsa mitînga piştgiriya terorîstên Hamasê çêkir. Dîsa gotin em hevalên Hamasê ne, qetlîama Hamasê ya 7ê cotmehê pîroz kirin.

Navê mitînga xwe jî kirine, ”Piştgiriya Tofana Aksayê”.

Gelekên wan kincên terorîstên Hamasê li xwe kirine.

Vana kurdên bûne zilam û leşkerên Hamasê, amadene qetlîamên terorîstên Hamasê dubare bikin.

Berî her tiştî dibê meriv xwe nas bike û zimanê xwe bizanibe

Meriv tarîxa dinyayê, edebîyata dinyayê, coxrafîyaya dinyayê bizanibe baş e.

Meriv çend zimanan bizanibe helbet baş e. Kesê li dijî viya be, bibêje xerab e tune ye.
Lê berî meriv vana bizanibe dibê meriv zimanê xwe, tarîxa xwe, edebîyata xwe bizanibe, coxrafîya xwe nas bike.

Gelek kurd çend zimanan fêr bûne, kilasîkên edebîyata dinyayê ji ber kirine, bûne pisporên marksîsmê, komunîzmê, bûne pispor û alimên îslamê û bûne tarîxzanên ereban, lê kurdî nizanin, ji tarîx û edebîyat kurdî bêhay in.

Di seyahetnemaya Îbn Faldan da tirk û kultura wan

Mehmet Sanri di platforama Xê da ji Seyahetnameya  Îbn Fadlan li ser pêşiyên tirkan tiştekî ecêb belav kiriye. Nivîseke kin bû.

Piştî min nivîs xwend, meraqa min zêde bû, ez ketim dû agahiyên, nivîsên li ser Seyahetnameya Ahmed Îbn Faldan.

Min çend nivîs xwendin û hin agahiyên balkêş bi dest xistin.

Îbn Fadlan qewmê tirk gelkî prîmîtîv û hov dibîne, di heqê wan û kultur û adetên wan da qala pir tiştên ecêb, teferûatên hetanî nuha nedihat zanîn dike.

Serokekî din ê mafyayê li Tirkiyê hat girtin

Şahê Kokaînê Dritan REXHEPIyê alban(arnaut) jî li Stenbolê hat girtin.

Ma ewê li ku were girtin? Helbet ewê li Stenbolê were girtin. Îro li dinyayê ji bo çeteyên mafyayê welatê herî ewle Tirkiye ye. Tirkiye bûye bazareke navnetewî ya çeteyên dinyayê.

Ji çarhawêlî dinyayê çeteyên mafyayê li Tirkiyê hêwirîne.

Gelekên wan bûne hemwelatiyên Tirkiyê. Çimkî sîstem a wan e, li gorî wan e, wan diparêze. Heger ne wisa bûya hewqas çete li Tirkiyê bi cî nedibûn.

Hêzên çep sadîzma terorîstên Hamasê diparêzin

Min nizanîbû merivên çep, komunîst bi qasî nazîyan, bi qasî  îslamîstên radîkal antîsemît in û li hemberî Îsraîl kanin bibin hevalên Hamasê, terorîstên îslamî û wahşet û sadîzma terorîstên Hamasê li Îsraîl kirin biparêzin.

Lê ez şaş bû me, min hereketên çep, komunîst baş nas nekiriye.
Êrîş û qetlîama Hamasê ya cihûyan a di 7ê cotmehê da nîşanî min da gelek çepên swêdî, tirk û ewrûpî bi qasî celadên Hamasê, bi qasî terorîstên îslamî sadîst in, bêûjdan, ji însanîyetê bêpar in.

Ji miletê xwe ra kor in, ji xelkê ra çarçav û xemxur in

Salim Çelîker ji Diyarbekrê rismê bandroleke piştgiriya Hamasê girtiye û di malpera xwe ya Facebookê da parve kiriye.

Slogan û bandroleke(pankarteke) pir ecêb e.

Bandrol ya KAVAR-DERê ye. Yanî ya hevalên Hudaparê ye.

Nivîsa bandrolê wiha ye:

”Qudus ne azad be, dinya êsîr e.”

Yên ev slogan nivîsîne kurd in, halê welatê wan, miletê wan ji ya filistîniyan û Qudsê xerabtir e.

Lê dîsa jî azadiya welatê xwe naxwazin, azadiya Qudsê dixwazin.

Pirbûna xwendevanên kurmancî min gelkî dilşa dike

Di platforma Xê da 13797 camêrên, xanimên min taqîb dikin hene. Ji ber vê eleqê û şopîberiya min ez pir kêfxweş bûm.

Hêdî hêdî ez piştê li şopînerên zimanê tirkî dişkînim.
Dema xwendevanên kurdî zêde û yên tirkî kêm dibin kêfxweş dibim, bezê li ser dilê min dihele.

Şopînerên min ên FBê hindik in, 4400 kes in.

Zêdebûna xwendevan, şopîner û hezkiriyên kurdî min gelkî kêfxweş û dilşa dike.
Ma kî minê nake bi hezaran însan nivîsên wî bixwînin, wî taqîb nikin?

Dibê em pogroma 9ê mijdarê tu carî ji bîr nekin !

Di ser destpêka jenopsîda cihûyan, Kristallnacht, bi navê wê yê din, di ser pogroma 9ê mijdara 1938a ra 85 sal derbas bûn, lê antîsemîtîzim, qetlîamên li hemberî cihûyan hîn jî berdewam in.
Cihû hîn jî newêrin wek xisristiyanan, wek misilmanan dînê xwe, nasnameya xwe eşkere bikin, sembolên xwe nîşan bidin.

Li her dera dinyayê, heta li Îsraîl jî jiyana cihûyan wek milet hîn jî di talûkê da ye.

"Hebû tunebû" çapa duduya li ber çapê ye

Çapa yekê ya kitêba min "Antolojiya çîrokên zarokan hebû tunebû” li ber qedandinê ye. Çapa duduya ewê bi gelek çîrokên nuh derkeve.

Tîraja çapa pêşî  du hezar bû. Di du salan da du hezar heb hatine firotin. Li gorî kitêbên kurdî ne xerab be, baş hatiye firotin.

Weşanxaneya Darayê got çapa duduya ewê bigihînin Fûara Kitêban a Diyarbekrê. Fûar di nabêna 14-19ê meha donzda da ye.

Di çapa pêşî da 189 çîrok hebûn. Min 23 çîrokên din jî lê zêde kirin.

Em bi fort û halana tu havilê nakin

Ji qantirê ra gotine bavê te kî ye?

Gotiye xalê min hesp e.
Hin kes bi xwe ne tu meriv in, ne hêjayî navê xwe û meqamê xwe ne, bi bav û kalên xwe, xwe dipesinîn. 

Bi fortan meriv tu havilê nake, xelk li sifra hazir mêze dike. Bi halana meriv nikane vegerîne talana.
Ka we ji miletê xwe ra çi kiriye, çi bi dest xistiye?
Navî giran e, warî wêran e.

Tirkiyê ji Antony Blinken ra got ew heval û mitefikê HAMASê ye

Wezîrê karên derve yê Amerîkayê Antony Blinken, piştî hevdîna xwe ya bi wezîrê karên derve yê Tirkiyeyê Hakan Fîdan ra, xeyalşikestî, destvala, kortika hustuyê xwe xurand û çû.

Tirkiye heval û mitefikê Hamasê ye, ne yê Amerîkayê ye. Amerîkayê ev rastî hîn fêm nekiriye.

71 sal e Tirkiye di NATOyê da ye, lê Tirkiye tu carî nebû dost û hevalê Amerîkayê û NATOyê.

Kêfxweşiya ji ber bêhişiyê

Îro ez çûm ser optîker, min berçavka xanimê da çêkirin. Dûra li sentrûmê hinekî gerîyam, ji Întersportê min ji xwe ra cotek sol kirî.

Çentê min biçûk e sol neçûyê. Ji bo ku çente li dikanan ji bîr nekim, min çente avêt ji pişta xwe da.

Gava du, sê tişt, torbe, çente di dest min da bin, li dikanan, di otobozê da, di metroyê da ya çentê xwe, ya jî torbakî xwe ji bîr dikim. Min çend caran sol û kincên min nuh kirîbûn di otoboz û metroyê da ji bîr kirin.

Dawiya Swêd pir xerab xuya dike

Ereb û îslamîyan felaketên anîne serê welatên xwe, hêdî hêdî tînin serê Swêd û gelek welatên Ewrûpayê jî.

Kurmê şîrî heta pîrî, li welatên xwe çi hov û malwêran bûn, li Ewrûpayê jî eynî tişt in; piraniya wan tew xerabtir bûne.

Ji dêlî xwe biguherînin, entegreyî civatê bibin, li gorî qanûnên Swêd tevbigerin, medenî bibin, para xwe ji demokrasiyê bigrin, bûne îslamîst, milîtanên Daîşê û neyarên ewrûpiyan, cîhana xiristiyan û cihûyan.

Sipasiyeke ji dil ji Songul Yurdakul xanimê ra

Songul Yurdakul xanimê li ser min û nivîsên min bi qedirşînasiyeke mezin dilpakîya dilê xwe daye der. Rê ji dila diçe dila, bi qasî hezkirina wê ez jî ji wê, ji kurmancîya wê hez dikim.

Gava ez jinên wek Songul xanimê dibînim pir kêfxweş dibim.

Çimkî jinên bi nasnameya xwe serbilind in, ji zimanê xwe hez dikin û pê dinivîsin roj bi roj kêm dibin.

Serê çeteyekî din jî li Tirkiyê derket

Serê çete û serokê mafîayê Maximilian Rivkin(Cem Cansu) û hevalê wî Necmî Sakî jî li Tirkiyê derket; herdu li Stenbolê hatin girtin.

Ji havîna par da ye pûlisê Swêd, yê Amerîkayê û Înterpol li Maxîmîlîan Rîvkîn digerin. Wa ye ew jî li Tirkiyê derket. Jixwe dihat zanîn li Tirkiyê ye.

Çimkî Tirkiye bûye hêlîna çeteyên narkotîkayê, mafyayê, welatê qatil û mahkûman.

Ma hûn zanim ez ku me?

Dostê minê qedirşînas, rojnamevanê hêja Salihê Kevirbirî di Facebookê û Înstagramê da li ser gelo ez ji kîjan bajarî me lêpirsînek çêkiriye, gotiye, Zinarê Xamo ji ku ye?
A Lice
B Bazîd
C Melazgir
D Wêranşar
Nas û dostên bersîv dane helbet gişan gotine Wêranşar.
Ev 43 sal in baş, xerab, bênabên tiştnan dinivîsînîm û di meydana siyasetê da me. 

Piştî hewqa sal gerek êdî hinekî werim naskirin, xwendevanên min bizanibin ez ku me ?

Hedefa Hamasê qirkirina cihûyan e

Berpirsiyarê Hamasê yê bi navê Gazî Hamad li ser êrîşa Hamasê ya 7ê cotmehê da di Telewîzyona Memrî ya erebî da gotiye:

”Êrîşa 7ê cotmehê destpêk e. Dibê em dersekê bidin Îsraîl. Emê viya tim dubare bikin. Tofana Aksa tenê ya yekê ye. Ya duduya, ya sisêya, ya çara jî ewê bibe.
Çimkî ji bo çareseriya meselê  baweriya me û kapasîta me ya herbê heye.”

Hin însan wek marqeyên sexte ne

Bawer bikin hin însan wek marqeyên sexte, wek zêrê sexte ne; çi ne, ne çi ne, di bin ra hevalên dijmin in, ne hevalên dij min in bi wextê ra, piştî hin rûdanan raxuya dibe.

Hin hedîsa maskeyên wan ên miletperweriyê dixîne, ruyên wan ê rastîn derdixîne ortê.
Lê heta wê çaxê jî gelek însan bi demagojiyên wan dixapin, ji wan hez dikin, qedir û qîmetê didin wan.
Li vê dinyayê tiştê herî zahmet başnaskirina însên e. Heta meriv nas dike hasil diçe mûsil.

Kurdistana Başûr hêdî hêdî dibe welatê ereban

Arif Qurbanî li ser guhertina demografiya Kurdistna Başûr nivîseke pir girîng nivîsîye.

Kurdistana Başûr gav bi gav, bi rehetî dikeve destê ereban.
Arif Qurbanî bi rengekî berbiçav nîşan dide serokên kurdan Kurdistanê hêdî hêdî didin ereban.

Ereb tên li Kurdistanê bi cî dibin û bi nufûsa xwe ya zêd demografiya Kurdistanê diguherin; kurd dibin hindikayî, ereb dibin piranî.

Çimkî her malbateke ereb ordiyek zarok çêdike, jin hetanî hişk dibin zarokan tînin.

We zanîbû bedelê wê qetlîama mezin jî ewê mezin be

Tirkiyî û Îranê terorîstên Hamasê perwerde kirin û ev qetlîama mezin bi wan dan kirin. 

Sûcdarên vê trajediya mezin Tirkiye û îran e, ne tahrîk, teşwîqa û alîkariya wan bûya Hamasê nikanîbû êrîşeke hewqasî mezin li hev ragire.

Nuha jî wezîrên karên derve yên Îran û Tirkiye agirbestê ji Îsraîl dixwazin. Dibêjin bisekine.

Yên şerxwaz hûn in, we şer derxist.We baş zanîbû piştî qetlîamake hewqasî mezin, Îsraîlê jî wiha bike, hetanî Hamasê teslîm negire nasekine.

Tevgerên çep antîsemît in

Belkî ji sedî yekê çepên dinyayê jî alîkariya bi Hamasê ra, bi filistînîyan ra dikin ji kurdan ra, ji PKKê ra nakin.

Temamê çepên dinyayê wek çepên tirk pro-filistînî ne û li dijî Îsraîl in.

Çimkî hereketên çepên dinyayê jî wek çepên tirk antîsemît in, dixwazin Îsraîl hilweşe.

Lema bi dil û can hevalên Hamasê ne, ji bo filistîniyan wek mûriyan dixebitin.

Ker û kerîtî

Di tu kulturê da pesnê kerê reben nayê dayin. Însan ji şêr, ji pilingê dirinde hez dikin, pesnê wan didin, lê tu kes ji ker hez nake, kerê xebatkar wek heywanekî rind, muteber nabîne.

Her kes heqaretê, nav û nîçokan li kerê fedekar, xebatkar  dike.
Sebebê vê çi ye, çima wiha bûye ez nizanim. Esas ker ji bo însên ji gelek heywanan baştir e, bi fêdetir e, ji însanan ra tim kar û xizmet kiriye. Tu carî zirar nedaye însên.

Lê însanan dîsa jî sifetên ne xwş, yên wek qebetiyê, ehmeqtiyê, cahiliyê, bêterbîyetiyê kirine sifet û xusûsîyetên ker û keran.