Di civînan da bi telefonên xwe nelîzin !

Di konferanê da nivîskar li ser kitêba xwe dipeyive, qala kitêba xwe, romana xwe dike, bersîva pirsan dide.
Ji beşdaran gelek kes ji dêlî lê guhdarî bikin, çavên wan di telefonên wan da ne, bi telefonên xwe mijûl in.

Di medyaya sosyal da bi dîtina dîmenên wiha ez pir aciz dibim.

Pir şerm e, bênezaketî û bêhurmetî ye. Di civînekê da ji dêlî kesê, kesa dipeyive, meriv bi telefona xwe nalîze. Ev yek cahilî û bêkulturiya meriv nîşan dide.

Em îro pir westîyan

Îro me rojbûna(31 saliya) lawikê xwe yê biçûk Rojen pîroz kir. Ew, xanima xwe, neviyê me Olîver Aras û çend hevalên wî hatin.

Ji do da ye me haziriya xwe kiribû. Min ji wan ra izxareyek pir xweş, kibabek wek loqim, meriv tiliyên xwe pê ra dixxwar çêkir; çend zelete, sogilme, cacix jî da ber.
Dûra jî peqlawe, paste û qahwa kurdî.

Hin xewn pir ecêb in

Baş e ku hin xewn ne rast in, xewn in. Lê xwezî hin xewn jî rast bûna, ne xewn bûna. Ez bêxew bûm. Li ser dîwanê ez di xew ra çûm, min xweneke pir xweş dît.

Ez li Kurdistanê, li cimateke pir xweş bûm. Piranî êzîdiyên me yên Wêranşarê bûn.
Rojek berê di malpera Nûpelê da min nivîsa Prof. Dr. Îlhan Kizilhan (Êzdî bi ku derê va diçin) xwendibû, belkî tesîra wê nivîsê bû min ew xewn dît.

Xwendina bloga min Hindik-Rindik zêde bûye

Pêr jimara serdana, tikandina bloga min Hindik-Rindik 1325 bû, do hetanî nuha 1615 bû. Îro hetanî nuha 317 ye.

Ev çend roj in xwendevanên min zêde bûne. Esbab-î mûcîbeya vê zêdebûnê çi ye ez nizanim.

Esas dema blogê derbas bûye, dem êdî ya podcastê ye. Nivîskar podcastan çêdikin, blog bûye tarîx, malê muzeyê, podcast di rewacê da ye.

Dibê em jimara mekanên wek PÎNE pir bikin !

Li Amedê qahwa PÎNE roj bi roj meşûrtir dibe. Piştî girtina Remezan Şîmşek(xwediyê Pîneyê), qahwa Pîne deng da.

Çimkî serwîsa li wir bi kurdî ye. Lema mişteriyên Pîneyê zêde bûn, reqlama wê jî baş tê kirin.
Ez jî çend caran çûm wir.
Ev tiştekî baş e. Hêvî dikim ev yek tesîrê li qahwexane, aşxane û dikanên din jî bike.

Havîna Stockholmê îsal tam havîn e

Erê havîn xweş e, lê meriv hinekî tembel dike. Stockholm 28 derece germ e, ez û xanim li hewşê di binê terasê da rûniştine, ji hev ra qala bîranînên rêwîtiya xwe ya Kurdistanê dikin. 

Binê terasê sî ye, honik e. Carnan bayekî honik tê, meriv mest dike. Meriv naxwaze destê xwe bavêje karekî.

Çira virekan hetanî sibê vêketî namîne

Durûtiya Hudaparê ya baweriya bi demokrasiyê kin ajot, maske zû ket. Carek din diyar bû Hudapar Hizbulaha berê ye, berê çi bû îro jî ew e. Ji tevgereke kurdî, netewî bêtir wek hêzeke girêdayî Tirkiyê û artêşeke filistîniyan hereket dike. Ji bo kurd û Kurdistanê xîçekî jî navêjin ji dagerkerên Kurdistanê da.

Çend gotinên meriv jê aqil digire

Esas nanê têra her kesî bikira . Qijik tahmijî erd(zevî), mişk tahmijî embarê, diz tahmijî firnê, rêbir(heramî) tahmijî welêt.

Wek hatibûn neçûn, hinekan kûçikên xwe, hinekan sipiyên xwe hîştin. Hinekan jî pîncên xwe hîştin.
Heger ne were bûya ne mimkûn bû hewqas bêşeref ji me bin.

///Neyzen Tevfîk

Havîn xweş e lê kar jî giran e

Havîn hat, kar û barê hewşê dîsa ket hustuyê min. Ji vêsê da ye ji kar min pişta xwe rast nekiriye.

Darên dora hewşa me bejnekê dirêj bûbûn û bûbûn wek pêrê dînan, li hev gerîyabûn. Manzareyeke pir ne xweş bû…
Hewşa me 203 mîtro çargoşe mezin e, herçar alî jî dar in, dibê meriv her sal bibire, dûzaneka xweşik bida wan.
Êdî weka berê ne xort im, hinekî zor tê. Lê dîsa jî her sal wek darên parqekê xweşik dikim.