Her kurd qedrê azadiyê, serxwebûnê nizane, lema jî azadiyê, serxwebûnê ji bo miletê xwe naxwaze.
Heger her kurdî azadî, serxwebûn bixwesta, heger her kurdî bixwesta ji bindestiya tirkan xelas bibe, dawiyê li vê jiyana me ya rezîl bîne, ewê li Amedê ne ji bona filistîniyan, ji bo miletê xwe mitîng çêkirina, ewê ji bo miletê xwe dua û nimêj bikirana...
HUDAPAR´ê do li Amedê ji bo serokê HAMAS´ê Îsmaîl Heniyeyê terorîst meşeke pir mezin çêkiriye. Bi hezaran însan ji ne ji bo kurd û Kurdistanê, ji bo Heniyeyê terorîst meşiyana.
Hewqas kurd çawa hewqasî bêhiş bûne meriv fêm nake.
Li dinyayê cî û warên pir xweş pir in. Lê dera, warê meriv lê mezin bûye, lê zaroktiya xwe borandiye li ber dilê meriv ji her derê, ji her welatî şîrîntir e.
Meriv her derê ji bîr dike, lê taxa xwe, bajarê xwe, gundê xwe, heval û serpêhatiyên xwe yên zaroktiyê tu carî ji bîr nake.
Berpirsiyarên Supayê Pasdarên Îranê li ser şiklê kuştina serokê Hemasê Îsmaîl Heniye çîrokek din li hev ragirtine.
Berê gotin Heniye bi fuzeyekê hatiye kuştin. Dûra gotin di
hundur mala wî da teqîn çêbûye, hatiye kuştin.
Nuha jî dibêjin xwedêgiravî ”, li derveyî odeya Îsmaîl Heniye lê dima teqînek çêbûye û ew bi guleyeke 7 kîlo giran hatiye kuştin.”
Sofî Xelef keserek kûr kişand, bi dengekî xemgîn û ji xwe nebawer ji xanima xwe ra got:
-Xanim, rabe avê germ bike, heger bû ji xwe ewê bibe, emê serê xwe bişon û ku nebû jî tişt nabe, emê ji xwe ra çayeka bi dem çêkin û vexwin.
Hêdî hêdî eşkere dibe Îranê serokê Hamasê Îsmaîl Heniye kuştiye, ne Îsraîl. Bi bombeyeke bi kontrol kuştine.
Berê gotin rakêtek(fuzeyek) li mala Îsmaîl Heniye lê dima ketiye, Heniye bi teqîna
fuzeyê miriye.
Lê derket ortê derew e, Îsmaîl Heniye ne bi rakêtê, bi bombeyeke ji dûr va bi kontrol hatiye kuştin.
Û bombe jî du meh berê di wê malê da hatiye bicîkirin.
Masî ji avê têr nabe, siyasetmedarên me ji şaşiyên xwe, ji serpêhatiyên xwe û yên pêşiyên xwe tiştekî fêr nabin. Em ji ketin û rabûnên xwe ders û ibretê nagirin, baqil nabin.
Ez nizanim çima em tu carî baqil nabin, dost û dijminên xwe
baş ji hev nagerînin.
Dibê meriv bi dijminê xwe ra, bi dagirkerê welatê xwe ra
nekeve eynî cepheyê, ji bo eynî kesî xemgîn nebe.
Hin kurdên me yên îslamî bûne himal û leşkerên filistîn û îslamê. Ji bo miletê
xwe li dijî dewletên dagirker tu carî meşên protestoyê nakin, ji bona şehîdên xwe tu carî nimêja
xiyabî nakin.
Lê ji bo filistîniyan, ji bo terorîstên ereb xwe di didirînin, kezebê li xwe dipertînin.
Îranê gotiye ewê heyfa serokê HAMAS´ê Îsmaîl Heniye ji Îsraîlê bigire.
Ewê heyfeke çito bigire?
Îran di rewşeke pir xerab da ye, Îsmaîl Heniye mîvanê wan bû, nikanîbûn
mîvanê xwe biparêzin.
Îsmaîl Heniye di mala wan da hat kuştin. Lema mele xwe
mecbûr dibînin tiştekî bikin. Lê xwestin têrê nake, dibê hêz hebe, kanibe bike. Bi rextê piştê, bi hevîrê teyştê lec û şer nabe.
Ez wê hêzê bi Îranê ra nabînim.
