Hêdî hêdî eşkere dibe Îranê serokê Hamasê Îsmaîl Heniye kuştiye, ne Îsraîl. Bi bombeyeke bi kontrol kuştine.
Berê gotin rakêtek(fuzeyek) li mala Îsmaîl Heniye lê dima ketiye, Heniye bi teqîna
fuzeyê miriye.
Lê derket ortê derew e, Îsmaîl Heniye ne bi rakêtê, bi bombeyeke ji dûr va bi kontrol hatiye kuştin.
Û bombe jî du meh berê di wê malê da hatiye bicîkirin.
Tiştê ecêb, îraniyek jî pê ra ne birîndar bûye, ne jî hatiye kuştin. Çima muhafizên wî yên faris tunebûne ?
Ne mimkûn e îstîxbarata Îsraîl du neh berê bizanibe Îsmaîl Heneye ewê li wê
malê bimîne. Çima ew nebirin otêlê, çima birin wir?
Birin wir, ji bo ku bikijin.
Di risim da meriv dibîne, bîne(xanî) saxlem e, teqîn di oda Îsmaîl Heniye da
çêbûye.
Xanî jî ne ya şexsekî ye, xaniyê dewletê ye, di bin kontrola Mihafizên Şoreşê
da ye.
Ev jî nîşan dide îstîxbarata Îranê Îsmaîl Heniye kuşt; ji bo ku têxin hustuyê
Îsraîl û xelkê li Îsraîl girgîn bikin, cepheyeke mezin li hemberî Îsraîl bidin
vekirin.
Jixwe Îsraîl jî bûyer negirt ser xwe, dibêje me nekiriye.
Çavkaniyên New York Timesê jî dibêjin di dahîreya Îsmaîl Heniye da bombeyeke bi
qumande teqiya ye, ne fuze ye.
Yanî meleyên fêlbaz Îsmaîl Heniye kuştin ji bo ku têxin hustuyê Îsraîl û
misilmanan berra bedena Îsraîl bidin. Bêbextî û namerdiyên wiha serokên Îranê
berê jî pir kirine. Bi namerdiyên wiha gelek serokên kurdan kuştin.
Min çer bihîst Îsmaîl Heniye li Tehranê, di malekê da hatiye kuştin, min
miheqeq tiliya Îranê di vî îşî da heye. Di nivîsa xwe da min wiha gotiye:
”Li
alî din çima Îsmaîl Hanîyeh nebirine otêlê, birine malekê?
Belkî jî ji bo ku bidin kuştin wiha kirin. Ji meleyên Îranî
tê tiştên wiha bikin.
Tiliya îstîxbarata Îranê di vî îşî da hebe ezê matmayî nemînim. Helbet ev jî bi
emrê serokên Îranê mimkûn e.”
Qatilê Îsmaîl Heniye serokên Îranê ne, wa new dan kuştin. Hawê kuştina wî, ciyê lê hatiye kuştin nîşan dide Îran li pişt kuştina Îsmaîl Heniye ye.
Inga kommentarer:
Skicka en kommentar