Tirkiye dixebite çeteyên Colanî bajo ser kurdan

Agir ketiye dagirkerên tirk, ji bo ku Ji bo ku li Kurdistana Rojava hukûmeta kurdan têk bibin, ji bo ku Kurdistana serbixwe çênebe bi şev û roj dixebitin, geh ew baz didin Şamê, geh çeteyên xwe yên HTŞ´ê radikşînin Anqerê.
Bi çeteyên Colanî ra civînê li ser civînê çêdikin. Dixwazin çeteyên îslamî berra kurdan bidin. Nuha hedefa tirkan bi destê çeteyên HTŞ´ê êrîşî kurdan bikin, hukûmeta wan rûxînin.

Îro di daristanê xalifîm

Ez îro di daristana nêzî mala me da xalifîm, nîv seetê vir da, wê da viz bûm, de de, de de, axirê bi zor, bi destopelkê bi ser riya xwe va bûm. Bîna min hat ber min. 

Seet li dora yanzda min berê xwe da parka nêzî mala me(slätmossens naturpark). Xanim gelkî westîyayî ye, got ez nikanim bimeşim. Ez bi tenê çûm.

Tirkan di wergera kitêba Îbn Kesîr da kurd kirine tirk

Mamosteyê tarîxê yê zanîngeha Selçûkê (Konyayê) Prof. Mustafa Demircî gotiye, ”di xebata xwe da min ferq kir, di kitêba Îbn Kesîr(1300-1373) da di her dera navê kurd derbas dibe kirine tirk. Min tercuman dît, min got çima te wiha kiriye? Got min ew der tercume nekiriye...”

Sohbet di gel bavê Lewendi 2001

Li Stockholmê, li mala Mahmûd Lewendî sohbetek bi bavê wî yê rahmetî ra. Sal 2001´e.
Ev demeke Keya Îzol bi parvekirina hin vîdeoyên ji kar û xebatên me yên li Swêd, ji dîroka me ya 45 salên li vî welatî xizmeteke bêhempa dike. Mala camêr hezar carî ava be. Ev vîdeo jî yeka ji wan e.
Yên di vîdeoyê da. Ji milê çepê Faris Medenî Marsîl, Nafî Çilgin, Zinarê Xamo, bavê Lewendî, Yilmaz(Selîm Bakac),Fexriyê Farqînî û Mahmûd Lewendî

Ronî di himêza kalikê xwe da pir kêfxweş bû

Şîrîn û egîda mala Xamo, neviyê(torinê)me yê nuh Leo Ronîyê me pêr hatibû serdana kalik û pîrika xwe. Di himêza me da qet negiriya, pir sakîn, rehet û kêfxweş bû. Pir şîrîn e. Hîn biçûk e, 25 rojî ye, wek pembo ye.

Bêguman meriv ji kalik û pîrika xwe hez dike, li ba wan xwe di ewlehiyê da dibîne.

Tirkiye çeteyên xwe yên ereb dajo ser kurdan

Terorîstên hukûmeta Sûriyê bi sîlehên giran, wek keriyên gurên har berê xwe dane Kurdistana Rojava.

Bi emrê Tirkiyê dikin êrîşî kurdan bikin.

Tirkiye bi taktîk û manawrayên ”pêvajo-mêvajoyan” negihîşt armanca xwe, lema dikin şer biceribînin.

Kultur sînoran nas nake

Fîlozof Michel Serres

Fîlozofê fransiz Michel Serres, li ser ferqa mal û milk, tiştên madî û zanînê numûneyeke balkêş û xweş daye. Ferqa tiştên madî û zanînê wiha nîşan daye:

”Heger yê te nanekî te hebe, yê min jî euroyekî min hebe û ez bi euroyê xwe nanê te bikirim, di dawiya vê alvêrê da li ba min nan, li ba te jî ewê euroyek hebe.
Ev, wek balanseke mikemel xuya dike, ne wisa?

Gerek em dijminê xwe yê herî xedar baş nas bikin

Cepheya Erdogan û Bahçelî ji bo kuhukûmeta, îdareya kurdên Kurdistana Rojava têk bibin wek gêrikan dixebitin, her fêbaziyê, her derewê, her hîlekariyê, her durûtiyê dikin.

Ev ne bes e di nava ra gefê li kurdan dixun, serê ço û devê tivinga mor nîşanî kurdan didin, ji PYD´ê ra, ji HSD´ê ra dibêjin heger hûn teslîmî terorîstên HTŞ´ê nebin emê fermana we rakin. 

Yanî bi hawakî sergitî dibêjin emê Kurdistana Rojava bi temamî dagir bikin.

Tu şer ne bêdawî ye

Ermenistan û Azerbeycanê bi navbênkariya serokê Amerîkayê Donald Trump li hev hatin û li Qesra Sipî peymana aştiyê îmze kirin.

Azerî û êrmenîyan li ser Qerebaxê çend salan şerekî mezin kirin, bi hezaran însan ji hev kuştin.

Di vî şerî da yên herî bêtir zirar dîtin, yên ji erdê xwe, ji mal û milkê xwe bûn û di cepheya herdu aliyan da hatin kuştin kurd bûn.
Tu şer ne bêdawî ye, dawiya her şerî lihevkirin e, aştî ye. Însan dîsa jî dev ji şer bernadin.