Fîlozofê danîmarkî Søren Kierkegaard li ser poşmaniyên însên tiştekî balkêş gotiye. Li gorî wî, tu çi bikî jî dawî poşmanî ye.
Tu bizewicî tu poşman dibî; tu nezewicî tu dîsa poşman dibî; dixwazî bizewice,
dixwazî nezewice tu yê poşman bibî.
Dibêje, guh mede ehmeqiyên dinyayê, pê bikene û derbas be, tu yê poşman bibî; tu guh bidê jî tu yê poşman bibî.
Baweriyê bi jinekê bînî, tu yê poşman bibî, baweriyê pê nînî, tu yê dîsa poşman bibî. Dixwazî bi jinekê baweriyê bîne, dixwaze nîne, tu yê dîsa poşman bibî.
Ev e, tevahiya felsefê, temamiya naveroka wê, naveroka ruhê wê ev e.
XXX
”Meriv kane însên bike sê birr: Yên dibînin, yên gava tu
nîşan didî dibînin û yên nikanin tu carî bibînin.”
Leonardo da Vîncî
Mixabin di nav me kurdan da yên qet nabînin pir in, qarixî
bûne, rastiyê tu carî nabînin. Bi koranî, bi aqilê xelkê dijîn.
XXX
"Heger tu feydeyê nedî kitêbên xwe kitêbên te ewê
feydeyê bidin te.
Yê pesnê aqilê xwe dide kêmasiya aqilê xwe nîşan dide."
Îbn Hzm
Meriv çiqasî jîr û baqil be jî dibê pesnê xwe nede, dibê
xelk wiya teqdîr bike.
Qurretî, pozbilindî ne karê merivê zana û maqûl e.
XXX
Do him maça Kûpa Cîhanê ya Fîfayê qediye, him jî mîvanên me
çûn. Îşev ne maç heye, ne jî mîvan. Ez û xanim dîsa man bi tenê. 5 heftene em
fêrî temaşekirina maçan bûbûn, bi tunebûna wan nuha sebra min nayê. Dibê ez xwe
fêrî tiştekî din bikim. Ezê xwe bidim xwendinê.
Min kitêba Sun Tzu, Krigets Konst(Sinetê Herbê) temî kir.
Çend roj berê ji min ra hat. Zarok hatin min nabên da xwendina wê. Dibê ez
biqedînim û tiştekî li ser binivîsînim. Kitêbeke ecêb e, xwezî her siyasetmedarê
me ew xweniba.
2026-07-20
XXX
-Hilweşîna dewletekê ne ji nişka ve ye, destpêkê henek bi
rastiyê tê kirin, dû ra çewtî normalîze dibe.
Çîçero
-Her kesê fêrî fikirandinê bûbe, tu carî bi koranî bi tu
tiştî va nayê girêdan
Tolstoy
-Merivê aqilê xwe perwerde neke, koleyekî teslîmî îradeya
hinekên din bûye.
Epîktetos
Inga kommentarer:
Skicka en kommentar