Li hemberî hovîtiya ereb û îslamîstan min ji însaniyeta xwe şerm kir !

Dr. Nemam Ghaourî  ya di orta min û Mumtaz Aydin da ye

Ez nuha ji Kitêbxaneya Kurdî têm. 

Min li semînera Dr. Nemam Ghaourî xanimê ya li ser rewşa jinên êzdî yên di sala 2014a da ji alî ereb û misilmanan va êsîr hatibûn girtin û nuha di kampên Sûriyê û Îraqê da ne guhdarî kir.

Dr. Nemam Ghaourî, xainimeka kurda ji başûrê Kurdistanê ye  û ji sala 2014a û vir da ye wek tuxtoreka volonter(yê bi riza xwe beşdarî karekî dibe)li kampên başûr û rojava di nava jin û zarokên êzdî da dixebite.

Îro ji bo me karê herî baş û girîng axaftina bi kurdî ye

Gava ez dibînim di medyaya sosyal da hin camêr li ser qelsiya kurdperweriyê, nasyonalîzmê di nava kurdan da bi tirkî şîretan li kurdan dikin ez aciz dibim. 

Ji bo kurdan îro roj tiştê herî muhîm yê dibê kurd, partî û siyasetmedarên kurd bikin axaftina bi kurdî ye, xwedîderketina li zimên e. 

Ne ji dagerkerên welatê xwe ra, ji Amerîkayê û Îsraîl ra dibêje terorîst

Filistînî, Hibulah û Îxwanî Muslimîn tu carî piştgiriya kurdan nakin û ji bo kurdan yek peyveke tahl jî ji Îranê û Tirkiyê ra nabêjin.

Lê nûnerê HUDA-PARê yê Hewlêrê Abdulsamed Yalçin di hevpeyvîna xwe ya bi Rûdawê ra ji bo filistîniyan, Hizbulahê û Îxwanî Muslîmîn xwe dikuje û ji bo wan neyartiya Amerîkayê û Îsraîl dike, ji wan ra dibêje terorîst.

Çîroka min û te

Ji zû da ye
dinya alem zane

Çîrokek min û te heye

Ez li ser te tim dibêm û dilûbînim
Di çîroka min û te da
tu dil î
ez dildar im
Tu evîn î

Wiha here bi rastî jî tirk ewê me biqedînin

Ez ditirsim bi rastî jî tirk me bihelînin û bikin tirk. Gelek îşaretên vê tahlûkeyê hene.

 
Berî her tiştî em kesên bi kurdî zanin û ziman, muzîk û edebiyata kurdî didomînin roj bi roj kêm dibin. Heta 20-30 salan em kesên bi kurdî zanin diqedin. 

Îslamîst çima neyartiya Rojava dikin ?

Dijminatî, kîn û nefreta îslamîstan ya li hembrî Rojava ji ber kompleksa xwebiçûkdîtinê ye; ji ber dilbijokiya halxweşiya, refaha Rojava ye. 

Çimkî welatên misilman jî wek Rojava ne pêşketî ne, ne di nava refahê da ne, lema ji Rojava diqeherin û dijminatiya Rojava dikin.

Hedefa Tirkiyê tunekirina kurda ye

Tirkiyê dest pê kiriye li dora Efrînê dîwarekî ji betonê lê dike. Bala min lê ye hin kes matmayî mane.

Wey roj baş !

Tirkiyê Efrîn ne ji bo bide Sûriyê, ji bo daqultîne dagir kir.

Heger bi zor jê neyê stendin ewê tu carî nede kesî. 

Lê Tirkiye viya jî hindik dibîne, hinekî din dixwaze.

Dopîng

Bavo rabe!
Mêrik ji lawê xwe yê mezin tasek av xwest. Lêwik got ez westiyayî me, birayê minê din bîne.
Mêrik îcar ji lawê xwe yê ortê xwest. Wî jî got weleh dersa min heye.
Lawikê biçûk fêm kir ewê dor were wî, got:
-Rabe bavo, rabe! ji van bêşerefan tu xêr sadir nabe. Here ava xwe vexwe û xêra xwe tasekê jî ji min ra bîne.

Dopîng
Satilmişê tirk di Maratona Bezê ya Ewrûpayê da dopîng kiribû. Lê dîsa jî li dawiya hemûyan mabû, bûbû yê herî dawî. Hevalê wî Dûrsûn jê pirsî:

Mêrxasekî kurd !

Min kitêba Faris Medenî Marsîl ya li ser jiyana kurdperwerê hêja û îdolê xortên salên 1970î Muhterem Bîçîmlî ”Mêrxas Hebûn Hevalo” du roj berê qedand.

Kitêb 236 rûpel e û salê çûnî (2018) di meha hezîranê da bi minasebeta 40 saliya wefata wî ji alî weşanxaneya Nasê ve hatiye weşandin.
Li ser kurdperwerekî canfîda xebateke hêja ye.