18 november 2026

Bêdengîya kurdên di cepheya dijmin da cesaretê û hêzê dide wan

Orhan Mîrogluyê ji APKê li dijî girtinên hevalên HEVBENDÎYê derketîye, girtina wan rexne kiriye. Gotiye, ev operasyon şaş e, kesên şîdetê naparêzin dibê kanibin bi şiklekî azad fikrê xwe bibêjin; kesên hatine girtî dibê werin berdan.

Li hemberî êrîşên wiha bêdengnemana Orhan Mîroglu û kesên wek wî muhîm e.
Kurdên di cepheya dijmin da ne ya jî dostên AKPê ne êrîşên wiha rexne bikin, bêdeng nemînin baş e.

Çimkî yên pişta me şikandine ew in, ew nebin hevalên dagirkeran, êrîşên wan neparêzin baş e. Dibê kesên wiha zêde bibin. Dibê em bi qasî êrîşên dewletê, bêdengmana wan jî rexne bikin. Gerek kurd tu carî nebin hevalên partîyên tirkan, ev yek hêzê û cesaretê dide wan û umrê bindestîya me dirêj dike.
Sibe ewê dor were wan jî.
Li Tirkiyê û Kurdistanê jiyan û malê tu kurdî ne di ewlehîyê da ye. Heta em nebin xwedî statuyeke sîyasî ewê tim wiha be, tepa tirkan ewê tim li ser serê me be.

XXX

-Uslûba şaş celadê gotina rast e. Tu tiştekî çawa dibêjî ji tu çi dibêjî hîn muhîmtir e.

Rexneyeke bi heq, di cî da gava bi uslûbeke ne xweş were gotin him bêtesîr dibe, him jî dibe sebebê reaksîyonên ne xweş.
Di rexneyên xwe dibê meriv heqaretê li xelkê neke, bi edeb be.

XXX

Heger tu di eynî wextê da berra du korgîyan(kevroşkan) bidî tu yê nikanibî yekî jî bigrî. Meriv nikane du zebeşan bi destekî rake, heger tu rakî, yekê bikeve.
Dibê meriv karekî bide ber xwe û wiya jî baş bike, neke karê suxre.
Bira hindik be, bira xweşik û rindik be.

XXX

Xwendevanên bloga min Hindik Rindik  roj bi roj zêde dibin. Jimara xwendevanên min ên rojana êdî ne bi sedan e, gihîştîye hezaran.

Serlêdanên do: 33879
Serlêdanê vê mehê: 218908
Gelek sipas ji bo xwendevanên kurdî û bloga min.

Inga kommentarer:

Skicka en kommentar