Hewcedarîya însên bi qasî bi nan heye, bi şerefê jî heye

Ji bo însên şeref, şexsîyeteke pak, saxlem gelkî muhîm e. Şeref, nirxê manevî yê qedir û rûmeta însan, civat dide meriv e.

Hewcedariya însên bi nan tenê tune ye, bi hesîyet, şerefê jî heye. 
Ji bo wê jî dibê meriv li şerefa xwe miqate be, wek roniya çavên xwe biparêze.
Merivê bêşexsîyet, bêşeref xwedî çi bibe jî, xwedîyê kîjan meqamî be jî ne tu tişt e, bêqîmet e, qurişekî nake.
Pêşiyên me gotine, Xwedê kesî ji şerefê neke !

XXX

-Bi pereyê xwe şerefê qezenc meke, bi şerefa xwe pera qezenc bike ji bo ku gava perê te qedîya, bira şerefa te jî neqede.
Nîcanor Para

-Însanê şeref û qerekterê wî tune dişibe maleka bêperde. Mala bêperde ya bi kirê ye, ya jî ya firotinê ye.

XXX

Ji mûriyê pirsîne, gotine:

-Ma tu wiha bi ku da diherî? Mûriyê gotiye: -Ez diherim ba dildarê xwe. Gotine:

-Bi vî nigê kût pir zor e tu bikanibî xwe bigihînî dildarê xwe. Mûriyê gotiye:

-Tişt nabe, heger ez nikanibim bigihîjimê ezê di rîya wî da bimrim.

Ji bo azadîya miletê xwe bi qasî ji destê me tê, bi qasî em kanibin emê bixebitin, micadela xwe bidomînin.

Me ew roj dît emê kêfxweş û dilşa bibin, me nedît jî emê di wê rêyê da bimrin.

Ev jî ji bo me şerfeke herî mezin e.

Yên kumê bênamûsîyê dane serê xwe bira şerm bikin.

XXX

-Di sedsala 21ê da hîn jî bi milyonan însanên ji xurafeyan, ji mûcîzeyan bawer dikin hene. Bi milyonan kesên li bende keremetên miriyan in hene .