Fûara Kitêban a Amedê îro dest pê kir

Fûara Kitêban a Diyarbekrê îro dest pê kir. 27 weşanxaneyên kurdî beşdarî Fûarê dibin. Fûar ewê 9 rojan, hetanî 4ê cotmehê dom bike.

Kitêbên min ewê li standên Weşanxana Pallê û Weşanxana Dara hebin. Dibê amedî miheqeq rêya xwe bi Fûarê xînin û her yek çend kitêban bikirin.
Ev îmkan her tim nayê ber nigên we.

Zarokên xwe jê ji bîr nekin. Hebû Tunebû, Antolojîya Çîrokên Zarokan bikirin û dîyarî zarokên xwe bikin. 

Bira zarokên we ji van xemîşokên kurmancî yên wek gezo şîrîn bêpar nemînin, bira zarokên we aşînayî çîrokên kurmancî bibin û zimanê xwe, fantazîyên xwe bi pêş xînin.
Weşanxana Avesta vê carê beşdarî Fûarê nabe.

Xwedîyê WeşanxanaAvestayê gotiye, ji ber mesrefên giran, paşguhkirina daxwazan û cihên xirab ew beşdarî Fuara Amedê nabe.

Rast e, beşdarîya Fûarên Kitêban ne rehet e, him karekî giran e, him jî mesrefeke zêde lê diçe û di dawiyê da jî kar zirarê dernaxîne.

Lê jixwe Avesta li Amedê ye, yê bixwaze kane here wir kitêban bikire.