Dîndarên dagirkerên welatê me jî tim li pişta dewleta xwe bûne

Serokekî çermsoran bi hêrs û bi dilşewatîyeke mezin ji keşêyê li kêlek fermandarê Îspanî sekinî bû û li qetlîama miletê wî temaşe dikir ra got:
-Heger Xwedayê te, vê dagirkerîyê, vê zulma li qebîleya min dibe, vê qetlîamê xweş dibîne û tesdîq dike, dibê tu baş bizanibî ew tiştê te bawerî pê anîye ebeden ne Xwedê ye.

Meleyên tirk û ereb jî li dijî kurdan ne tenê pişgiriya artêşa xwe kirin, ji bona serketina wan li mizgeftan dua kirin.

Di dema dagirkirina Efrînê û Serê Kaniyê da, bi emrê Serokatiya Dîyanetê, li Tikriyê li mizgeftan Sûreya Fetihê (Sûret el-Feth)hat xwendin.

Meleyên ereb jî eynî tişt kirin, wan jî ji bo serketina çeteyên xwe, li dijî kurdan li mizgeftan Sûreya Fethê xwendin. Çîroka me û ya çermsoran eynî çîrok e.

 Şîreteka çermsoran:

Tiştê tu zanî bibêje, lê bi hawakî wer nebêje fena ku tu aqil didî yê hember.
Tiştên tên gotin baş guhdarî bike, lê bawer neke her tiştê tê gotin rast e.
Bêdengmayîn nayê maneya tu bi tiştekî nizanî. Zêdeaxaftin jî nayê maneya meriv pir tiştan dizane.

-Ne kesî biçûk bibîne, ne jî kesî zêde mezin bibîne. Biçûkdîtina însanekî kêmaqilî ye, pir mezindîtin jî tirsonekî ye.

-Seqet be, kût be, kerr be, kor be, lal be, lê tu carî ne nankor û virek be.

Dibê meriv her tim ji dêlî jimarê qelîteyê hilbijêre.
Merivekî bi qelîte her tim ji jimara zêde girantir e.
Merivê xwedî şexsîyet dijmin jî li hember bi hurmet e.

-Cesaret ji aqil were cesaret e, ji nezanîyê were cehalet e.

-Aqûbeteke pir metirsîdar li bende ronakbîrên bi siyasetê ra mijûl nabin, ewê ji alî cahilan ve werin îdarekirin
///Arîsto

-Bawerîya bi însanan wek xumarê ye, carnan meriv qezenc dike, carnan ji meriv dihere.
-Tenê tiştekî rind heye, zanîn, tenê tiştekî xerab heye, cehalet
///Sokrates

 -Her însan jiyana xwe dijî, di riya xwe da dimeşe. Eynî wek darekê, her kes jiyana xwe dijî.
Ji ber ku dara giryazê hejîran nagire ma tu qet pê da xeyîdîye, te jê ra gotiye, çima tu hejîran nagirî?

Dîtina hin kesan eynî wiha ye:
-Gur pîroz dike...
Kûçik teselî dike.
Ji berx ra jî dibêje, derbasî be…
Û ya herî xerab jî, hemû wî wek dostê xwe texmîn dike.

-Dibê meriv ji jahrê şîfayê, ji durûyan wefayê nepê
Du şelale hevdu nabihîzin, dema meriv konsantireyî tiştekî dibe, tesîra kirinên kesên din li meriv nabe