Sal bi sal hezar xwezî bi par

Pêşiyên me gotine darî xwar e, hosteyî rast e. Yanî şaşî, kêmasî ne ji hoste da ye, ji malezemeyê da ye. Malzemeyê hoste ne baş e.

Yê me kurdan darî rast e, hosteyî xwar e. Hosteyên me ne tu hoste ne, ne erbabên karê xwe ne. Ne ew siyasetmedarên kanibin miletê xwe ji bindestiê xelas bikin, bigihînin azadiyê.
Miletê me fedekar e, canfîda ye, ji bo azadî û serxwebûna xwe her fedekariyê dike. Lê serokên me ne serok û siyasetmedarên baş in, ne erbabên karê xwe û serokatiya xwe ne.

Ji bo wê jî tiştê bi salan, bi bedelên mezin, bi kevçî topî ser hev kirin, bi heskê belav dikin.

Lema rewşa kurdan li Kurdistana Başûr, Rojava û Bakur li gorî berê gelkî xerabtir e, roj bi roj xerabtir dibe.
Em li bende bûn li Kurdistana Başûr û Rojava serxwebûnê îlan bikin, xerabtir kirin. Mafên 10 sal berê bi dest xistibûn, giş ji dest dan, miletê xwe bêtir bi ereban va girê dan. Yanî sal bi sal hezar xwezî bi par

XXX

Êdî dem hatiye ez sipasiyeke ji dil bişînim ji Hîvîdar Zana xanimê ra

Di Xê da 15311 şopînerên min hene.Ji nava wan belkî şopînera min a herî sadiq Hîvîdar Zana xanim e.Her nivîsa min a dikeve serê wê diecibîne,carnan parve dike

Gelek kes hene qurre ne,nivîsekê tu carî naecibînin

XXX

Xortê bi navê Cîhan Acet, tiştê dixwîne bi dîqet dixwîne nuha bala min kişand, got, min ciyê rîyê û simêlê tevhev kiriye. Min rî biriye jor, simêl aniye jêr.

Di Xê da 15 hezar şopînerên min hene vê şaşiya min bala kesî nekişandiye. Mala Cîhan Acet ava be, rî û simêl di ciyên wan ê rast da bi cî kir.

Min gotibû, "tû dikim jor rî ye, tû dikim jêr simêl e."
Bi xêra Cîhan Acet ciyê wan rast dikim:
-Tû dikim jêr rî ye, tû dikim jor simêl e.

XXX

Dar bi berên xwe şîrîn e, însan bi xebata xwe hêja ye, bi qedir û qîmet e.

Ji bo wê jî dibê meriv li gorî emelê însên qedir bide însên. Merivê xebatkar, li gorî hêza xwe ji miletê xwe ra kevirekî dide ser kevirekî, fikrê me li dijî hev be jî li ba min bi qîmet e, teqdîr dikim.