Herdu jî pîsên ji hev pîstir in !

Hin kone, fêlbaz, tirsonek, pûlperestên me dibêjin efendim ji me kurdan ra AKP ji CHPê gelkî çêtir e, kemalîst pir xerab in, ti8rkçî ne, îslamîst ji wan baştir in.
Na wela qet ne were ye, yek ji yekî ne baştir e, herdu jî xerabên ji hev xerabtir in. 
Îdeolojîyên wan, taktîkên wan, metodên wan cihê bin jî, hedu serî jî dixwazin kurdan bihelînin, bikin tirk.

Herdu jî bi qasî hev li dijî azadiya miletê kurd in; naxwazin li beşekî Kurdistanê kurd ji bindestiyê derkevin, bibin xwedî dewlet.

Ji mêrik ra gotin:
-Kîjan çêtir e, kûçik ya beraz?
Mêrik got:
-Nahlet li herduyan jî bê, herdu jî pîs in.

 XXX

Ji avê ra gotine: -Çima hewqas deng ji te tê?
Avê keserek kûr kişandiye, gotiye:

 -Çimkî hevalên min kevir in.

Heta serokên me ev serok bin, heta ev dubendî di nava me da hebe, ne mimkûn e ez gav û seetê nelûbînim, nekim gazî û hawar, wan rexne nekim.

Dijminatiya nava malê ne ji xêrê ra ye, keriyên guran çarhawêlî me dorpêç kirine.

Herçar cîranên me dagirkerên welatê me ne, li bende ne me baş serkut bikin, me baş ji desthilanîn da bixînin.

Riya xweparastinê tifaq e, hevkariya netewî ye. Ew tunebe emê bêtir perîşan bibin.

 XXX

Ka werin vêsê, di nava xirecira meriv gelkî bînteng dike li podcasteke Omer Faruk Baran a hûnê ji guhdarîkirina wê pir memnûn bimînin, guhdarî bikin. Jixwe podcastên wî gişk, yek ji yekê xweştir e. Lê viya bêtir kêfa min anî, hin kesan desteg dane vê xebata Omer Faruk Baran.

XXX

Ji deve ra gotin:
-Çima hustuyê te xwar e?
Deve got:
-Ma ku dera min rast e ku hustuyê min jî rast be?
Meriv nizane kîjan şaşiyên serokên me yên Kurdistana Başûr û Rojava bibêje, kîjanê nebêje.
34 sal berê meclîsa vekirin, îro kilît deriyê wê xistine, belkî jî bidin girtin.