Deve ji hev dûr biçêrin jî guhên wan li ser hev e

Dagirkerên welatê me gişk di rû da dostên hev xuya nekin jî, carnan nabêna wan xera bibe jî guhên wan tim li ser hev e, di bin ra dost û mitefikên hev in.
Deve çiqas ji hev dûr biçêrin jî guhên wan tim li ser hev e.
Erdogan û Colanî  di rû da xwe dûrî Îranê nîşan bidin jî di bin ra dostên hev in. 

Şerê nabêna wan yê dê û dotê ye, li hemberî me tim dost û mitefikên hev in. 

Gava dibe mesela kurd û Kurdistanê giş dijayetiyên xwe yên siyasî, îdeolojî û dînî didin aliyekî û li hemberî me wek bira destên xwe didin hev.

XXX

Min digot belkî şerê Îranê û Îsraîl vê carê gelkî bajo, lê wa ye wer nebû. Îsraîl çerx kir, got heger Îran êrîş neke em jî nakin. Wer xuya dike Amerîka û Îsraîl newêrin zêde herin ser meleyên xwînxwar. Fêm kirin mele xurt in, çavên wan meleyan nabirre.

Di destê Îranê da fuzeyên digihîjin Îsraîl pir in, ne kanin îmha bikin, ne jî gişan bixînin.

Heger bikanîbûna cebilxaneyên Îranê îmha bikin û fuzeyên davêjin gişan bixînin, şer ranediwestandin, ewê baş lêxistina, hata mele diketin. Fêm kirin bi şer nikanin meleyan bixînin.

XXX

Gelek kurdên welatparêz, dilsozê welat û miletê xwe ji ber ku ya hevalên PKKê ne, ya jî dilsoz û sempatîzanên PKKê ne,ji ruyê PKKê da li dijî ala kurdî derdikevin.

Gava meriv bala xwe dide gotinên wan, parvekirinên wan, merivên welatparêz in. PKKê ew kirine kesên li dijî ala kurdî.

XXX

Siyasetemdar û serokên tu miletekî din wek siyasetmedar û serokên kurdan nabin êsîrên îdeolojiyan. Seokên xelkê îdeolojiyan jî, dîn jî ji bona berjewendiyên miletê xwe bi kar tînin.

Gelek siyasetmedar û serokên me bi îslamê bûne zilamên xelkê, bi çepîtiyê dijminan ji xwe ra çêdikin.