Denîz Undavê kurd Almanya ji têkçûnê xelas kir

Hemşeriyê min Denîz Undav di deqîqeya dawî da gola xwe ya duduya jî avêt. Denîzê Undavê wêranşarî bi vê gola xwe li Almanyayê bû qehremanekî tarîxî. Medyaya Alman jê ra secde dibe, dibêje, sipas Denîz!
Di maçeke Kûpa Cîhanê da avêtina 2 golan ne tiştekî hindik e. Hêjayî teqdîrê ye. Ez hemşeriyê xwe ji dil û can pîroz dikim.Ew xurûr û serbilndiya me ye.Gola ewilî bi serî avêt, goleke muhteşem bû. Lîstikvanên Elfenbenskustenê matmayî man. Gola dawiyê jî pir xweş avêt. Li ber qelê top bi hostayî girt û kir gol.

Hinavê Almanyayê qetiya bû. Çimkî Elfenbenskusten ji wan baştir dilîzin. Lê netîce hîn ne diyar e. Elfenbenskusten kane bi ser keve.

Ez dibêjim Alman êdî ewê nehêlin. Çimkî Denizê kurd çûwa hawara wan.

2026-06-20

XXX

Hollandayê do êvarî Swêd perîşan kir, bi serketina

5-1 swêdî feqîran şaşo maşo bûn. Li ber ketim, pê qeherîm.

Piştî gola duduyan xanima min ji qahra di nîvî da rabû, got ez êdî tehamul nakim li vê lîstika pîs, tirsonek temaşe bikim.

Swêd pir xerab lîst, parastina Swêd pir xerab bû. Lema di deqa 5a da golek, di ya17a da gola duduyan xwarin.

Hollandî qet newestîyan, bi kêfa dilê xwe lîstin. Îsakê bi nav û deng bû sebebê Hollanda du golan bavêjin.

Swêdî xwe ji ruh û can, sedîsed xwe nadinê.

XXX

Misilmanek, îslamîstek, afrîqiyek li Swêd çi xerabiyê, çi nerindiyê, çi bêqanûniyê, çi nelirêtiyê bike jî swêdîyek newêre bi rengekî azad, bêsanasor wî kesî rexne bike; gava rexne bike, di cî da mohra rasîstiyê û îslamîfobîyê lêdixin.

Lê xerîb, îslamîst, afrîkî kanin ji swêdiyan ra, ji dewelta Swêd ra, ji partiyên swêdî ra her tiştî bibêjin, her rexneyê li wan bigirin.

Swêdî li welatê xwe bûne kesên bindest, newêrek, kesên rasîst, kesên tim neheq in. Herî kêm li dora 4 milyonê Swêd xerîb in, îslamîst dîsa jî dibêjin swêdî rasîst in.

XXX

Xwendina kitêbên baş, wek meriv bi însanên herî baş yên sedsalên berê ra sohbetê bike.

Decartes

XXX

-Çav ji yê kêfa wî jê ra tê, aqil ji yê wî fêm dike, lê belê ruh bêyî yê dişibe wî ji kesekî din hez nake.

Şemsî Tebrîzî

XXX

Heger hûn hîn jî silavê didin kesên hûn xemgîn kirine, ev sedeqeya ûjdanê we ye.

Hz. Mewlane.

-Dema herî zift tarî, dema herî nêzîk a ronahîyê ye.

XXX

Gotineke pêşiyên japonan a pir manîdar heye, dinêje:

”Ji bo ku tu bikanibî ji xwe ra bibêjî ez sinetkar im gerek tu berê hostê xwe derbas bikî. Dûra jî gerek tu şagirtekî ji derbas kiribe bigihînî.

Ji ber ku japon, çînî xwediyê vê felsefeyê ne lema tiştên hewqasî mezin, sinetên bêhempa xuliqandine.

XXX

3 roj in Fûra Kitêban a Wanê dest pê kiriye. Fûar ewê heta 21ê mehê dom bike. Gelek weşanxane bi hezaran kitêbên xwe çûne ber nigên waniyên hêja.

Weşanxana min PALL û DARA jî beşdarî Fûarê bûne. Hûna kanin kitêbên min Rojnivîskên Sirgûnekî û Hebû Tunebû jî li Fûarê bi dest xin.