Berpirsê peywendiyên derve yê hukûmeta Kurdistanê Sefîn Dizeyî ji ber ”hurmet û dostaniya kûr” a serokê Tirkiyê Recep Tayyip Erdogan a bi Mesrûr Barzanî ra pir kêfxweş bûye û gelkî pesnê Erdogan daye, gotiye:
”Serokkomar Erdogan ji ber rêz û dostaniya kûr a bi Serokwezîr Mesrûr ra,
protokol xera kir, heta hewşa ofîsa xwe, Mesrûr Barzanî bi rê kir..."
Ji ber vê pêşwezîkirina Erdogan a sexte, durû, wek siyasetmedarekî kurd meriv
bi vê heyraniyê qala serokê dewleta dagirkerê welatê xwe nake.
Tirk dibêjin,”heta tu ji ser pirê derbas bî tu yê ji hirçê ra bibêjî xalo.”
Erdogan li gorî şîreta mezinên xwe hereket kiriye. Sefîn Dizeyî efendî jî ji me ra reqlama vê şalûziya Erdogan dike.
Li dinyayê siyasetmedarekî tu miletekî bindest, welatê wî dagirkirî bi heyraniyê pesnê dijminê xwe nade.
XXX
Ne bi lezê, ne bi bezê, ne jî bi rêberiya merivê kuş, merivê
ne tu tişt, ne hêjayî serîyekê sîr û pîvazê nagihîja tu meqsed û mirazê.
Miriyên gorran ranabin, merivên xerab çênabin. Ji hesinê
xerab şûrê baş çênabe, gerek meriv viya bizanibe.
XXX
Ahmed Turk di beyanek xwe da gotiye,””Kurdistan navê
herêmeke coxrafîk e” .
Mehmet Mamaş jî ev tarîfa Ahmed Turk rexne kiriye, gotiye, ev tê maneya Ahmd
Turk, Kurdistanê wek herêmeke Tirkiyê, ”wek Kilikyayê, wek Kapadokyayê, wek Çukurovayê”
dibîne
Camêrekî bi navê Rustem Turk(belkî yekî ji malbata Ahmed
Turk e) ji vê rexneya Mehmet Mamaş aciz bûye, gotiye:
”Te li wir cumhûrîyetek ava kiriye gelo haya mej ê çê nebûye? Kînga te îlan
kir, emê bi navê dewleta tu di dixwazî bi nav bikin.”
Min jî ev bersîva jêr da Rustem Turk:
"Rustem Turk, Li gorî vê tinaza te ya bi Kurdistanê, heta em
Kurdistanê îlan nekin dibê em qala wê nekin.
Ewladê miletekî bindest, welatekî dagirkirî, ji kurdekî ra dibêje qala navê
Kurdistanê meke, kînga te Kurdistan ava kir wê çaxê qalê bike.
Wek kurdekî
meriv çawa kane hewqasî bibe xerîbê welatê xwe meriv fêm nake. Trajediyeke ji
viya mezintir tune ye."
Inga kommentarer:
Skicka en kommentar