Li ser Abdulah Ocalan ankêteke pir muhîm

Navenda Lêkolîn û Şêwirmendiyê ya Enqerê (Ank-Ar)li ser Abdulah Ocalan û Selahetîn Demirtaş, gelo kîjan bêtir nûnertiya kurdan dike, kîjan bêtir mafê kurdan diparêze ankêtek çêkiriye.

Pirs ev bûye:
"Li gorî nêrîna we Selahattîn Demirtaş ya jî Abdullah Ocalan, kîjan baştir nûnertiya daxwaz û nêrînên kurdan dike?"

Ji sedî 63,9ê beşdaran piştgirî daye Selahetîn Demîrtaş wek nûnerê kurdan dîtiye

Ji sedî 22,6ê beşdaran jî gotiye Abdullah Ocalan baştir temsîl dike, baştir diparêze.

Ji sedî 13,5ê beşdaran jî gotiye tu fikra wan li ser vê pirsê tuneye.
Ez mesela nûnertiya Demirtaş didim aliyekî, tiştekî li ser nabêjim, dixwazim li ser Evdila Ocalan dîtina xwe bibêjim.
Di vê ankêtê da jî baş xuya dibe, Evdila Ocalan êdî ji baş rûmet da ketiye, piraniya melet êdî wî wek serokekî, wek siyasetmedarekî xwe nabîne. Ev pêşketineke pir baş e.
Lê ji sedî 22,6ê hîn hêviyekê ji Evdila Ocalan dikin pir e, ne baş e; dibê ji sedî yekê jî Evdila Ocalan wek siyasetmedarekî miletê kurd nedîta, jê hêviyek nekira. Çimkî ew bûye zilamê dewletê û ji bo kurdan jî mafekî herî biçûk jî naxwaze.
Evdila Ocalan di 50 salên serokatiya xwe da mala kurdan wêran kir.
Bi hezaran keç û xortên kurd yên herî canfîda kuştin û dan kuştin. Nifşekî ciwanên kurd qir kir.
Bi hezaran seqet kirin, ji perwerdeya wan dûr xistin.
Bi hezaran keç û lawên me di zindanên tirkan da seqet û nîvmerî bûn.
3-4 milyon kurd ji Kurdistanê bi çolan ketin, çûn nava tirkan. Piranî li wir heliyan, bûn tirk.
Bi şerê xwe bûn sebebê valakirina bi hezaran gundên kurdan. Bi hezaran kurd bûn qorîciyên dewletê.
Miletê kurd ev zirara mezin, ev fedekarî giş ji bo azadî û serxwebûna xwe kir. Evdila Ocalan, PKkê soza azadî û serxwebûnê da kurdan, milet jî ji wan bawer kir û her fedekarî kir. Bi hezaran ewladên xwe dan wan.

Nuha jî Evdila Ocalan rabûye dibêje ew serxwebûnê, federasyonê, otonomiyê, heta statuyeke kulturî jî ji bo kurdan naxwaze. Bi hin demagojiyan kurdan fêrî qebûlkirina bindestiya ebedî dike, dihewisîne koletiya tirkan.
Merivekî hewqasî xerabî bi miletê xwe kiribe gerek were ricimandin, ne ku ji alî ji 22ê kurdan ve were hezkirin.

XXX

Ne bi lezê, ne bi bezê, ne jî bi rêberiya merivê kuş, merivê ne tu tişt, ne hêjayî serîyekê sîr û pîvazê nagihîja tu meqsed û mirazê.

Miriyên gorran ranabin, merivên xerab çênabin. Ji hesinê xerab şûrê baş çênabe, gerek meriv viya bizanibe.

XXX

Serokê Komîsyona Dadê yê Parlamentoyê Cuneyt Yuksel gotiye:

”Heta ku fesihkirina rêxistinê(PKKê) û danîna sîlehan ji aliyê saziyên dewletê ve neyê piştrastkirin tu gavên yasayî ewê neyên avêtin. Merhela herî krîtîk a vê pêvajoyê çekdanîn û fesixkirina PKKê ye.Piştî destnîşankirina vê yekê gavên yasayî kanin werin avêtin.”

Wek xuya dike, hukûmeta AKPê bi tiştên PKKê heta nuha kirine nayê serî, dibêje gerek werin teslîm bibin, dûra emê bifikrin.

Dibêje tiştê heta nuha bûye nîna ye, em li bende tirnîna yê ne. Piştî ew jî bû, emê binêrin…

Dema hereketek bi gotinên, bi emrê êsîrekî, zilamekî dewletê(Evdila Ocalan)rabe û rûne, wî wek rêberê xwe qebûl bike aqûbeta wê hereketê têkçûneke mezin e.

Yê qikê ji xwe ra bike rêber bîvila wî ji nav sergo dernayê. PKKê bi rêberiya A.Oclan mala xwe jî,mala kurdan jî şewitand.