Bi van rêber û serokan ne dewletê, em nikanin holikekê jî lêkin

Gava dibe zivistan, sar, serma dest pê dike, tîtî dibêje, "ezê ji xwe ra xaniyekî lêkim, ji vê perîşaniyê xelas bibim."

Dibêje lê lênake, heta taliya jiyana xwe wer li ber sar û sermayê diqefile.
Em kurd jî tim dibêjin, ji me ra dewletek lazim, heta dewleta me çênbe emê tim perîşan bin.
Em viya dibêjin, lê belê serokên me ji bo çêkirina dewletê gavên lazim navêjin, dev ji dijminatiya hev bernadin, yekîtiyeke netewî çênakin.

Tiştê miletê kurd bi salan, bi kevçî top dike, serokên me bi heskê li neyaran belav dikin.
Serokên me ji dewletên dagirker bêtir nahêlin em bibin xwedî dewlet; çimkî hedefa wan ne ew e, binhehawê qewî nakin.

XXX

Seroka Dahîreya Têkiliyên Derve ya Rêvebiriya Xweser Îlham Ehmed û Fermandarê HSD´ê Mezlûm Ebdî ji bo hevdîtinan çûne Şamê.

Ewê hîn gelek caran herin ber deriyê Colanîyê terorîst.

Heta ji wan tê bira herin Şamê û werin, nikanin tu tiştî bikin. Çimkî teslîm bûne, hêzeke wan a leşkerî nemaye. Dijminên terorîst bi sîleh in, ew destvala ne. Pir pir Colanî wan bike mamûrên dewleta xwe. Mamûrên dewletê parsekên ber destên dewletê ne.

Kobana bi xwîna bi hezaran şehîd hat rizgarkirin bi emrê Evdila, bi fisgenîkî dan çeteyên îslamî.

Li hemberî tiştê meriv dibîne kezeba meriv dişewite, nayê kişandin. tiştê anîn serê kurdan trajediyeke pir mezin e.

Tirk çi tînin serê me, çeteyên ereb jî ewê eynî tiştî bikin. Çimkî ew dewlet in, xwedî artêş û sîleh in.

Evdila Ocalan kurd perîşan kirin, ji dewletbûnê daxistin, kirin bindestên ereban.