Hukûmeta Ehmed el Şer dixwaze YPJ´ê bike pûlisên Sûriyê

Hukûmeta îslamî ya terorîstên Sûriyê gotiye ew qebûl nakin YPJ wek hêzeke leşkerî bimîne. Di nava artêşa Sûriyê da nabe jin hebin.

Lê jinên YPJ´ê kenin bibin pûlis. Wer xuya dike YPJ, PYD û HSD jî ewê vê daxwaza Ehmed el Şer Colanî qebûl bikin. Heger bikanibin vê daxwaza Sûriyê red bikin baş e.
Lê tiştê xuya dike PYD, YPJ, HSD ne bi serê xwe ne, gotina dawî hîn jî ya Evdila Ocalan e. 
Dema meriv ne dewlet be, girêdayî dewleta xelkê be meriv ne xwedî îrade ye, ne xwedî biryar e.

Heger kurd xwedî federasyon ya jî otonom bûna Sûriyê nikanîbû YPJ´ê belav bike.

Lê Evdila Ocalan û PKK´ê bindestiya ereban bi PYD´ê, YPJ´ê dan qebûlkirin, nehîştin kurd di daxwaza federasyonê da israr bikin.

Destûra Sûriyê ya esadî hîn nehatiye hazirkirin. Dibê kurd wê demê di federalîzmê da israr bikin. Heger Sûriye federal be, kurd ewê bibin xwedî hezeke leşkerî jî û di îdareya xwe xwe bêtir xwedî biryar bin.

XXX

Pir xemgîn im. Di êrîşeke hewayî da 6 pêşmergeyên Firqeya 7´a şehîd bûne, 22 pêşmerge jî birîndar in. Du pêşmerge jî wenda ne. Êrîş ji alî Îranê va hatiye kirin.
Meleyên xwînxwar û çeteyên xwe bela xwe ji kurdan venakin. Û heta kanibin jî ewê tim êrîşî kurdan bikin. Ji wan ra fersend çêbûye.

Kurd şer naxwazin lê Îran û çeteyên Îraqî kurdan neyarên xwe dibînin.

Dibê hêzên pêşmerge di parastina xwe da îhmalê, sistiyê nekin.

Dijminên me pir xedar in. Sîstema parastinê gerek were xurtkirin.