Rica min ji kurdên dîasporayê, di protestoyên xwe da sakîn bin !

Xuwişk û birayên ezîz û dilşewat, dibê em kurdên dîasporayê li her dera dinyayê êrîşên ser Kurdistana Rojava protesto bikin û ji dinyayê piştgiriyê, alîkariyê bixwazin.
Dibê em ji bêdengiya Amerîkayê, Ewrûpayê gazin bikin, wan rexne bikin.
Lê tu carî dijminatiya Amerîkayê, Ewrûpayê, Îsraîl nekin. Bi êrîşa ser wan, bi dijmminatiya wan em li zirarê ne. 

Li hemberî van hovan yên alîkariya me bikin dîsa ew in, dibê em wan îqnayî alîkariyê bikin. Êrîşî wan nekin.

Li tu welatî êrîşî sefaretxaneyên tu welatî nekin, bi pûlisên tu welatî ra şer nekin. Meş û protestoyên me dibê aştiyane bin, em zirarê nedin tu kesî.

Êrîşkarîya ser deran, acizkirina xelkê tu feydeyê nade me, zirareke mezin dide me.

Kes bi zorê nabe dostê me, alîkariya me nake. Dibê bi rehetî, bi diyalogê, bi medenîyata xwe, bi kultura xwe ya humanîst, demokrat em xelkê îqna bikin.

XXX
Herin hawara Kobanê

Partîno, gelî serokên kurd, guh bidin qêrîn û hawara gelê Kobanê, çeteyên Colanî bi alîkariya Tirkiyê Koban dorpêç kirine, dixwazin heyfa xwe hilînin, qetlîameke mezin bikin !

Partiyên Bakur û Başûr, hukûmeta Kurdistanê, dîaspora kurd zû herin hawara Kobanê hîn dereng nebûye.

Heger çete têkevin Kobanê kesî sax nahêlin...

XXX

Çeteyên Colanî û Erdogan û hevpeymaniyên Amerîkayê, Yekîtiya Ewrûpayê yên nuh li Reqayê ala DEAŞê bilind kirin!

Hêzên Hevpeyman,Amerîka ewê bi van çeteyan Daîşê ra şarê DEAŞê bikin?

Li Amerîkayê,li Fransayê,li Yekîtiya Ewrûpayê,li Hêzên Hevpeyman pîroz be!

XXX

Bijî Wêranşar, bijî bajarê min ê bi xîret, kurdperwer!

Wêranşar her tim kela kurdperweriyê bûye, nuha jî viya nîşanîneyaran dide.