Di jiyanê da, di micadelê da hin caran dibe ku gelşên meriv çêbibin, meriv biweste, meriv ji taqet da bikeve, mecbûr be bîstekê bîna xwe bigire, nabênekê bidê.
Lê ya muhîm dibê meriv teslîm nebe, dev ji micadelê bernede.
Emê micadela xwe bidomînin hetanî em azad û serbixwe dibin, heta em dibin xwedî
dewleteke netewî.
Em nebin xwedî dewlet emê hêdî hêdî bibin faris, ereb û tirk.
Heger em viya naxwazin dibê bêhêvî û reşbîn nebin, xwe bidin ser hev û di daxwaza azadî û serxwebûnê da bi israr bin.
XXX
Ji bo însên medîtasyona herî baş, herî bi fêde meşxûlîyet e,
dibê meriv karekî bike, bi tiştekî mijûl be.
8 sal in teqawit(xaneşîn)bûme, lê ne betal im; nivîsên
rojane min ji xwe ra kiriye kar.
Wek herim kar, her sibe seet di 07.00´a da ji xew radibim,
qehwa xwe ya sibê vedixum, xurîniya xwe dikim û dûra jî kompîtora xwe vedikim,
tiştekî dinivîsînim.
Min ev rûtîn ji xwe ra kiriye wek karekî rojan e, bi vê
dûzanê sebra xwe tînim, wexta xwe derbas dikim.
XXX
Esalet ne di bejnê da, di esil da ye. Nazikî ne di navê da,
di zimên da ye. Rastî ne di gotinê da, di hundur da ye. Pakî ne di rû da, di
dil da ye.
///Mewlane
XXX
Li Tirkiyê bêyî zilamên erdogan û Bahçelî her kes di devê
topê da ye, her kes kane her gav were girtin.
Gotin Rûşen Çakirê rojnemavan vê hatiye girtin. Rûşen Çakir
gotiye, ez xemgîn im, hîn kesî nehatiye ez nebirime.
Yanî tirsa ewê were girtin di dilê her kesî da heye. Nuha sê
dewletên wiha hene; Îran, Rûsya û Tirkiye. Bêyî merivên Erdogan û Bahçelî
ewlehiya jiyana kesî tune ye.
Bêguman herî zêde jî kurdên welatparêz di devê topê da ne.
Inga kommentarer:
Skicka en kommentar