Meriv ji şaşiyên xwe ders û ibretê digire

Di jiyanê da, di micadela siyasî da şaşî, zor û zahmetî tim ne xerab e, ji meriv ra dibe tecrûbe, meriv zanetir, xurttir dike, berê meriv ji şaşiyan dûr dixîne, berê meriv dide riya rast.

Yanî tengasî, rojên giran her tim ne xerab e, carnan kane bi fêde be, meriv bi pêş da bibe, bibe pûsile.
Di van 40-50 salên dawî da me gelek şaşî kirin. Me hevaltiya hêz û însanên antî-kurd kir, di netîceyê da ev yek ji me ra bû ders, bû sebebê em şiyar bibin, dev ji fikir û îdeoliyên ne li gorî me, li zirara me berdin, werin ser xeteke netewî, bêtir bibin merivên neteweperwer.

Helbet yên wek 50 sal berê mane, tu carî baqil nabin jî hene, zad(mehsûl) bêzexelî nabe.

Aqilê me yê îro 50 sal berê bi me ra hebûya, me yê karên baştir kiriba; em nedibûn sovyetçî, çîncî, arnawitçî, me yê wexta, enerjîya xwe bida fêrbûna zimanê xwe, tarîxa xwe, edebîyata xwe, nuha em di rewşke hîn baştir da bûn. 

XXX

Selîm Temo, li ser şiîra tirkî û nijadperestîya tirkan axaftineke muhteşm kiriye. Ji bo ku lê rast hatim kêfxweş bûm.

Camêr poetîka tirkî û nîjadperastiya wan baş ji hev vençirî ye, hilika wê derxistiye.

Bixwînin, hûnê pir jê hez bikin.

XXX

Balafirên Koalîsyona Navnetewî li qeza Idlibê Kafr Takharim depoyeke cepbilxana HTŞ´ê(Heyet Tahrîr eş-Şam)bombebaran kiriye. Nuha tirk pir li ber ketine. HTŞ çekdarên Ahmed Şar e, lê bi qasî wê jî girêdayî Tirkiyê ye.

XXX

Swêd û Sûriyê li hev kirine. Swêd ewê gelek çeteyên, sûtalên sûcdar teslîmî Sûriyê bike. Nabêjin çawa li hev kirine, çi dane Sûriyê. Ez bawer nakim Sûriyê bêpere, belaş bigire. Miheqeq swêdîyên çend milyon kron bera bêrîkên zilamên Colanî bidin.

Serokê Somalîyê jî belaş qebûl nekir, swêdiyan çend milyon dan wan jî.

Berê çeteyên xwe dişînin, dû ra bi bertîlê paşda digrin.

Li Ewrûpayê berpirsiyarên tu welatî wek Swêdiyan nezan, cahil, totikvala ne.