Wezîrê kareên derve yê Sûriyê Hesen Şeybanî bi devê tirkan dipeyive

Wezîrê Karên Derve yê Sûriyeyê Eshed Hesen Şeybanî wek tirkan peyivîye, gotiye:

”Kurd kanin wezîfeyên bilind bigrin. Em dixwazin pirsgirêka bakurrojhilatê Sûriyeyê bi rêkeftinê çareser bikin. Dema wê hatiye hêzên leşkerî û ewlehiyê bikevin nav wezaretên karên navxwe û parastinê. Her tişt ji bo gotûbêjê vekirî ye, lê federalî û dabeşkirin nayên gotûbêjkirin.”
Mêrik eynî wek tirkekî peyivîye, tirk jî dibêjin li Tirkiyê kurd dibin her tişt. Kurd ne li "wezîfeyên bilind" in, li dû azadî û serxwebûna xwe ne.

Dema kurd ne şirîkê dewletê bin, yanî sîstem ne federalî be kurd dibin mamûrên dewleta ereban. Li tirkiyê jî eynî sîstem e. Dewlet ya tirka ye, kurd jî li dijî miletê xwe dibin leşker, pûlis û mamûrên dewleta tirkan.
Şeybanî jî eynî tiştî dixwaze. Lê te bê wêderê gotiye, gerek li Kurdistanê kurd xwe îdare bikin.

Carê navê wê coxrafiyayê ne ” bakurrojhilatê Sûriyê y” ye, ew der Kurdistana Rojava ye, ya jî rojavayê Kurdistanê ye. Gerek ev nav têkeve qanûna bingehî. Navê welatê kurdan Kurdistan e, dibê hûn viya qebûl bikin.
Ya din kurd ne li dû mamûretiya ereban e, kurdan bi hezaran şehîd ji bo ku bibin leşker û mamûrên dewleta ereban nedan.
Kurd dixwazin li welatê xwe, xwe îdare bikin. Heger hûn dixwazin bi kurdan ra bijîn, riya vê federasyon e. hûnê welatê xwe îdare bikin, kurd jî ewê welatê xwe îdare bikin.