Her bahoz ne xerab e

Nivîskarê Brazîlî Paulo Coelho gotiye:

-Bahoz giş ji bona jiyana we xera bikin ranabin, hinekên wan ji bo ku riya we paqij bikin, rê li ber we vekin radibin.

Yanî her bahoz, her astengî her tim ne xerab e, di jiyanê da carnan hin zorî û zahmetiyên, hin gelşên derdikevin pêş, meriv baqiltir, xurttir dikin, dost û dijminên meriv baştir ji hev digerînin.

Bi kurtî, rojên zor û tarî hertim nabin sebebê têkçûna meriv, carnan jî hin rê û alternatîfên ne di hesêb da tînin bîra meriv û meriv bi pêş da dibin, ji meriv ra dibin ders û tecrûbeyên muhîm.

Li Kurdistana Rojava, Bakur û Başûr kurd rû bi rûyî hin gelşên mezin in, lê tu gelş, tu astengî ne ebedî ye, zû dereng emê wan çareser bikin û derkevin firêqetiyê.
Dibê em bêhêvî nebin. Halê dijminên me jî pir xerab e, rewşa wan jî xerab e.
Di gelek waran da em ji wan xurttir in, dost û piştgirên me ji yên wan bêtir in.