Konfuçyus li ser hêvîyê û bawerîya bi pêşerojê, bi serketinê gotiye:
-Însanê perê xwe wenda kiribe, qet tiştekî xwe wenda nekiriye. Siheta wî ji
dest çûbe, nîvê jiyana xwe wenda kiriye. Lê heger hêvîya wî û bawerîya wî ya
bi siberojê nemabe, tê maneya her tiştê xwe wenda kiriye.
Rewşa me xerab e, neyarên me wek gurên har dora me girtine, dixwazin êrîşî me bikin, lê dîsa jî dibê em
bêhêvî nebin, dev ji bawerîya xwe ya bi serketinê û azadîyê bernedin. Karê me
zor e, lê serketin mimkûn e, gerek bawerîya me bi viya hebe.
XXX
Rêxistina Mafên Mirovan a Îranê (IHR)li ser îdamên li Îranê
hatine kirin raporek belav kiriye. Di raporê da gotiye, Komara Îslamî ya Îranê
îsal herî kêm 1000 kes îdam kirine. Ev hejmar di 30 salên dawî de ya herî zêde
ye.
Rojane herî kêm 9 kes tên îdamkirin.
Li gorî raporê tenê di hefteya borî de 64 kes hatine
îdamkirin, ev jî tê wateya rojane zêdetirî 9 ke hatine îdamkirin.
Wahşetek, barbarîyeke ji viya mezintir tune ye, dinya dibê
vê rejîja celadan ji ortê rake û van celadên xwînxwar gişan îdam bikin.
XXX
Pir hindik aqilê her kesî heye, lê hin kes aqilê xwe bi kar
naynin. Ji dêlî serê xwe bixebitînin, bi aqilê xwe bifikirin, dibin êsîrê aqilê
hinekên din, hinekên din çi bibêje, çi pêşniyar dike, ew dibêjin amena we sedeq
û tesdîq dikin.
Aqil sermîyanê însên e, lê hin kes qet dest nadin vî
sermîyanê xwe, tim deyn dikin.
Dibê meriv bi aqilê xelkê sîyasetê neke, di rûnê xwe da
biqijile.
Pêşiyên me gotine, aqilê xelkê lolibê meşkê…
XXX
Li ser kesên bûne kûçikên(tahjiyên) nêçîrvanan gotineke pir
xweş heye, dibêje:
-Ya bi nêçîr be ya jî bi nêçîrvan be. Lê belê tu carî nebe
kûçikê nêçîrê dibe ji nêçîrvan ra.
Çi heyf kesên ji tahjîtiya, ji kûçiktîya nêçîrvan hez dikin
pir in. Hevaltiya dijmin tahjîtiya nêçîrvan e.
Inga kommentarer:
Skicka en kommentar