Tirk dewlet û cîrantiya her miletî li dilê xwe dixin, tenê cîrantiya kurdan qebûl nakin

Wezîrê karên derve yê Tirkiyê Hakan Fîdan ji kurdên Kurdistana Rojava ra, ji HSD´ê ra dibêje, ya hûnê teslîmî çeteyên HTŞê bibin ya jî emê midaxele bikin.

Neyartiya kurdan a dilê tirkan da pir kûr e, tehamul nakin li tu beşekî Kurdistanê kurd azad bijîn.
Tirk dewleta her miletî li dilê xwe dixin, cîrantiya ereban, farisan, bûlgaran, gurcîyan, yûnanan, êrmenîyan, azerîyan bi kêfxweşî qebûl dikin, tenê cîrantiya kurdan qebûl nakin.

Dibêjin gerek kurd nebin cîranên me. Heger bibin cîranên me ewê xew nekee çavê me, emê dîn û har bibin.

Dijminatiyeke hewqasî xedar, hewqasî irqçî, faşîst nehatiye dîtin.
Kurdên bûne zilamên tirkan û wezîr û parlamenterê AKP´ê, heger zereyek xîret bi wan ra mabe, dibê ji Hakan Fîdan û erdogan bipirsin, bibêjin, çima hûn hewqasî li dijî cîrantiya kurdan in?

We îtîrazî cîrantiya Daîşê nekir, hûn îtîrazî cîrantiya terorîstên, canîyên HTŞ´ê nakin, çima hûn naxwazin kurd bibin cîranên we?