Ez ditirsim tirk dîsa nehêlin kurd ji bindestiya ereban xelas bibin

Sefîrê(ambasadorê) Amerîka yê Anqerê Thomas J. Barrac gotiye, hevdîtinên HSD´ê û Tirkiyê berdewam in.

Ji bo ku li Kurdistana Rojava îdareya kurdan têk bibin, tirk piralî dixebitin; armanca wan kurdan dîsa bikin bindest.
Wezîrê karên derve yê Tirkiyê Hakan Fîdan jî gotiye, li Sûriyê PYD û ENKS tenê tuneye, hin partiyên, hin kesên dostên me jî hene. Em bi wan ra dixebitin.

Yanî hin xwefiroş kirine havalên xwe.
Heta nuha osmanîyan û tirkan nehîştin kurd bibin xwedî dewleteke serbixwe. Ne hîle û zora osmanîyan û tirkan bûye ji zûda em bûbûn xwedî dewleteke serbixwe.
Di Şerê Cîhanê yê Yekê da Kurdistana serbixwe ava bûbû, tirkan bi hîle û fêlbaziyên xwe serokên kurdan xapandin û nehîştin Kurdistana serbixwe ava bibe.

Ez ditirsim tirk vê carê jî nehêlin li Sûriyê kurd ji bindestiya ereban xelas bibin, bibin xwedî dewleta xwe.
Tirkan hebûna xwe bi tunebûna me va, bi bindestiya me ya ebedî va girê dane. Mêrikan heta nuha tim bi ser ketine, em hêdî hêdî kirine tirk, em anîne ber qedandinê.
Dixwazin li beşên din ê Kurdistanê jî kurdan biqedînin.

XXX

Tu kanî hespê bibî ser avê, lê belê tu nikanî bi zor avê pê bidî vexwarin.

Yanî tu kanî rastiyê ji yekî ra bibêjî, lê belê tu nikanî pê bidî qebûlkirin.

Însan gava bibe murîd ji rastiyê ra çavên xwe û guhên xwe digire, ha bibêjî, ha bibîjî pere nake.

Ji koran ra çira, ji kerran ra def bêfêde ye.