Ma dengê hafiz xweş bû ?

Alî Şerîatî li ser misilmanên bi erebî nizanin, ji Quran û ayetên dixwînin tiştekî fahm nakin gotineke rast û xweş gotiye:

-Yê dixwîne ji tiştê dixwîne fahm nake. Yê guhdarî dike ji tiştê lê guhdarî dike fahm nake.
Li dawiyê çi dimîne?
Ma dengê hafiz xweş bû?
///Ali Şerîatî

Alî Şerîatî camêr rast gotiye. Mele, feqe, kesên xwende ne tê da, kurdên din ji xwe tu duayê xweşikî nizanin, ji xwe ra dikin pilepil, hema li hev dimeliqînin.

XXX

Tirkan bi salan li zulm û neheqiyên li kurdan, li siyasetmedarên kurdan dibûn temaşe kirin, gotin çi ji me ra, kêfa xwe jê ra anîn.

Lê nuha dor hatiye wan, îcar ew tên girtin. Dema siyasetmedarên kurd yek bi yek hatin girtin, beledîye yek bi yek ji destê wan hatin girtin dibê we lê temaşe nekira.

XXX

Çiqasî rast e, çiqasî ne rast e ez nizanim, li ser navê Îskenderê Mezin anekdotek heye.

Dibêjin wezîrekî Îskender hebûye, tu carî kêmasîyek, şaşîyek Îskender jê ra nedigotiye, her karê wî rast didîtiye, tesdîq kiriye.

Rojekê Îskender ban kiriyê, jê ra gotiye:

-Hewcedarîya min bi te tune ye.

Wezîr gotiye:

-Çima hukumdarê min?

-Çimkî ez jî beşerek im. Hewqas wexte tu li ba min î, heger te rojekê jî kîmasîyeke min, şaşîyeke min nedîtibe ev tê maneya tu merivekî cahil î.

Na heger te kêmasîya min dîtibe, lê te bincil kiribe, wê wextê jî tu merivekî xayin î.

Çîrokek xweş, meriv jê dersê digire. Kê li hev anîbe ne muhîm e.