Gelo hewce ye meriv ji zeytê ra bibêje "zeta zeytûnan" ?

Rûdawê di ser nivîsa xwe da ji zetê ra gotiye, ”zeyta zeytûnan.”

Di nivîsê da ”rûnê zeytûnan” jî bi kar anîye.
Em li Wêranşarê tenê dibêjin ”ZEYT”.
Em nabêjin ”zeyta zetûnan” ya jî ”rûnê zeytûnan”.
Zeyta me qediyaye dibê ez herim bikirim.
Ez ji xwarinên zeytê hez dikim.
Li Wêranşarê gava te got ZEYT, her kes fêm dike tu qala çi dikî.
Ji rûnê heywîn û netaban ra meriv dibêje rûn, lê ji yê zeytûnan ra meriv dibêje zeyt.

Tirk dibêjin ”rûnê zeytê”, lê em dibêjin ”zet” û xelas.
Gelo ”zeyta zeytûnan, rûnê zeytûnan” tercumeya ji tirkî ye ya jî bi rastî hin kurd wisa dibêjin.
Ez meraq dikim gelo li kîjan herêman ji zeytê ra dibêjin ”rûnê zeytûnan”, ya jî ”zeyta zetûnan” ?
Zeyta Tirkiyê, çi marqe dibe bira bibe dibê meriv nekire. Ji sedî 99´ê zeyta Tirkiyê ne zeyt e, her jahr û zuqûm tê da heye, tenê navê zeytê lê dikin û rismekî zeytûnan lê dixin.

Li Swêd kes zeyta Tirkiyê nakire, yên dikirin bi paş da dişînin.
Kurdistana Başûr dibê zeyta Tirkiyê nekire, ji bo kurdan pir talûke ye, kanin her jahrê tevê bikin.
Ne zeyt, rûn, zeytûn tenê, mêwe û sebze jî dibê meriv ji Tirkiyê nekire. Wê rojê mandalînên wan jî talûke dîtin, bi paş da li wan vegerandin.
Tirkiye bûye welatê sextekariyê. Xurekên Tirkiyê, çi dibe bira bibe sextekarî tê da heye, dibê meriv nekire û nede miletê xwe.

Onay Tîcaretê eynî zeyt bi 43 marqeyên cihê daye pîyasê. Yanî 43 nav li eynî zeyta sexte kirine û buha firotine xelkê.
Sunciq, penêr, goşt, kebab, şîreberf(bestenî,dondurme)zeyt di gişan da gişk sextekariyên mezin kirine.