Daxwaz û hezkirin hebe tiştê meriv fêr nebe tune ye

Ji bo ku meriv baş ji heqê karekî derkeve, bibe erbab û hosteyêyê karê xwe, bibe alim, nivîskar, lêkoêîner berê meriv ji sifirê dest pê dike, dûra bere, bere fêr dibe, xwe bi pêş dixîne, dibe şagirt, xelfe û hosteyê karê xwe, sinetê xwe.

Ji bo ku meriv bi pêş keve dibê meriv dest pê bike. Meriv berê elîfbayê fêr dibe, dûra dibe nivîskar, rojnamevan, alim, edîb, şair û zana. Kes zane ji diya xwe nabe.

Kesên dev ji tirkî bernadin, bi kurdî nanivîsin ne ku nikanin, naxwazin lema bi kurdî nanivîsin. Kurdî zewqê nade wan, agirê dilê wan venamirîne…

XXX

Di micadela li dijî dagirkeriyê da heger tu westiya, taqet di te da nema bêhêvî mebe, dev ji micadelê bermede; bîstekê, demekê bîna xwe bigire. Hêza xwe topî ser hev ke, xwe baştir amade bike.

Şaşiya herî mezin meriv di nivîsê rê da dev ji micadelê berde. Ji bo serketinê dibê meriv tim biceribîne, îcar nebû, carek dinê…

XXX

Çeteyên HTŞ´ê yên girêdayî artêşa tirk in 15 hezar kurdên efrînî revindine û dixwazn wan li hemberî HSD´ê wek êsîrên bazarê bi kar bînin.

Bêyî tirkiyê ew tiştekî wiha nakin.

Amerîka, Hêzên Hevpeyman dibê midaxale bike.

NATO li dijî çeteyên îslamî şer dike, Tirkiye him endama NATO´yê ye him jî mitefiq û sponsorê HTŞ´ê ye.