Bîsteke din ez rêwiyê Parîsê me. Ezê 28´ê mehê bi şev vegerim. Heta wê çaxê ez tiştekî nanivîsînim. Di van sê rojan da hûnê ji dîtin û xwendina nivîsên min xelas bibin.
Piştî vegerê ezê qala rêwîtiya xwe bikim. Ez wer bawer dikim.
Berî ez bi rêkevim, min çend aforîzim hazir kirin. Hêvî dikim bi dilê we be.
Heger ne bi dilê we be nexwînin.
-Carnan jiyan te ji ciyê tu lê yî digre dibe li ciyekî din
datîne û ji te ra dibêjie:
-Ji vir dom bikke.
-Jiyan sê beş in: Beşê tu bawer dikî tu yê dinyayê biguherînî, tu fêm dikî naguhere û dûra tu baş bawer dikî dinyayê tu guherand.
J. P. Sartre
-Mesela esasî, ne ku meriv bibe xwediyê tiştekî, ya muhîm tiştê meriv
xwedîye dibê meriv layiqê wî tiştî be.
-Xwe mewestîne, bihêle yên dixwazin hevaltiya jiyana te
bikin bira bi te ra werin.
Charles Bukowskî
-Ji bîr meke, yê ji bo te dev ji yekî din berdaye,
rojekê ji bona yekî din ewê dev ji te jî berde.
Mewlane
-Bêdengî hertim ne delîlê zanetiyê, aqilmendiyê ye; feqet
gewezetî hertim delîlê ehmeqiyê ye.
Benjamîn Franklîn
-Jiyan wek çîrokekê ye, ne muhîm e çiqasî dirêj e, ya muhîm
tu çiqasî xweş jiya ye.
-Ji bo ku ji kesekî ra bibêjim baş e, ya jî xerab e ecele
nakim. Çimkî însanan her tim kanibûne min matmayî bihêlin.
T. Elîot
-Mirina ji pê, ji jiyana li ser çongan bişereftir e.
-Însan carnan xeyalên xwe yên mezin bi merivên biçûk ra
heder dike.
- Ji bo ku tu qusûrên wan nadî ruyên wan, hin kes xwe
bêqusûr dihesibînin.
-Kûçikan qet ranehîştin min, lê ezê nikanibim eynî tiştî ji
bo însanan bibêjim.
-Şefqet zimanekî wiha ye, kerr jî kane bibihîze, kor jî kane
bixwîne.
-Kûçik tasika kê bialêse wî diparêze, li defa wî dixîne, gur birçî dimîne
lê kûçiktiyê nake.
-Jiyan dişibe ava di qedeheke derizî da.
Tu vexwî jî ewê biqede, tu venexwî jî ewê biqede.
Lema jî tahma jiyanê derxîne.
Çimkî tu jiyanê baş bijî jî ewê biqede, tu baş nejî jî ewê biqede.
///La Edrî
Inga kommentarer:
Skicka en kommentar