Li Tirkiyê dewlet zulmê, îşkencê li me dike, tirk jî jê ra li çepika dixin, halanan di zalim û sadîstan hildidin, ji wahşeta hovan ra dibêjin her bijî, ev hindik e, hinekî din bikin, hinekî din bikujin.
Vîdeoyeke wahşetê ya leşkerên tirk di medyaya sosyal da
digere, bi hezaran tirk pê kêfxweş dibin, dibêjin ev hindik e.
Yê li hemberî zulmê ranebe, piştgiriyê bide zulimkaran,
qatilan jî zalim e.
Milet ne li pişta terora dewleta xwe bûya, dewletê nikanîbû van hovîtiyan bike.
Desthilatdarên Tirkiye hewqasî pîs in, hewqasî zalim, faşîst
û antî-kurd in nahêlin rojekê meriv kêfxweş, dilşa û bextewar bijî. Miheqeq
nerindiyekê, zulmekê li kurdan dikin, kezeba meriv diperitînin, meriv xemgîn û
heznî dikin.
XXX
Li ser hilbijartinên belediyan Ahmet Davutoglu gotiye, heger
li hin bajaran namzedên me bixwazin piştgiriya MHPê ya jî ya AKPê bikin, emê
nebêjin çima hûn alîkariyê dikin.
Giş îslamcî ne, pîsê ji hev pîstir in.
Tu qitranê bikelînî nabe şekir, cinsê kê çi be li cinsê xwe
dihere.
Ji ber ku Ahmet Davutoglu ji xizmeta, ji zilamtiya Erdogan
derketiye baş nabe. Kûçik bi rûçikandinê nabe tajî.
Inga kommentarer:
Skicka en kommentar