Çend rêz ji bîranînên min -147-

Weşandina hin notên xwe yên rojane û nivîsên xwe yên kevn didomînim. Min got bira wenda nebin. Ew jî tarîxeke. Do ez çi bû me, çi fikirî me bira were zanîn.

1985-06-12

*Min wext û ciyê kongra Federasyonê ji Rezaq Feylî, Heqî, Zubêr ra got. Min cardin telefonî Husên Aksaç kir ne li mal bû. Min ji Heyder (Heyder Diljen)ra got, ewê jê ra bibêje.

*Ez û Mistefa(Riza Polat)çûn mala Mistefa Kalpak. Li ser mesela temsîliyeta DDKDê em hinekî pê ra peyivîn.
Ev çend car in Vîldan Tanrikulu li ser navê DDKDê beyanan dide, dikeve civînan.

Em li dijî vê yekê ne. Em dibêjin ew tenê DDKDê temsîl nake, em jî DDKD ne. Me xwest bi li ser vê meselê hev ra beyanekê bi hev ra derxin. Mistefa soz neda, got ezê bi hevalên xwe ra bipeyivim.
Ezê zêde nemam, ez rabûm çûm mal, Mistefa ma, got ezê hinekî din bimînim.