Weşandina hin notên xwe yên rojane û nivîsên xwe yên kevn didomînim. Min got bira wenda nebin. Ew jî tarîxeke. Do ez çi bû me, çi fikirî me bira were zanîn.
XXX
1987-03-04
*Îro çûm qursa soranî. Dixwazim soranî p herfên erebê fêr bibim û soranî rehet bixwînim. Ez soranî fêm dikim, lê axaftina min ne baş e û nikanim rehet bixwînim. Ez dom nakim, esas heger xwe baş bidimê ezê xwendinê jî fêr bibim.
*Ez çûm komelê, min ji Mihemedê Hekarî ra nivîsên Armancê xwend. Min xwend wî nivîsî. Ez jî carnan dinivîsînim lê ne wek Mihemed.
XXX
1999-03-04
*PKKê beyanek belav kiriye, gotiye kongra xwe ya şeşa
çêkiriye û Abdullah Ocalan jî dîsa wek serokê xwe hilbijartine.
*Abûqatiya Ahmed Zekî Okçûoglu îro hat qebûlkirin. Di xeberên Tirkan da gotin Abdullah Ocalan xwestiye Hesîp Kaplan jî bibe abûqatê wî.
*Li Batmanê îro keçikekê çalakiyeke întîxarê çêkir. Bûyer çawa bûye baş nehat eşkerekirin. Lê li gor xeberan keçik miriye û şeş pûlis jî birîndar bûne. Bi îhtîmalek mezin ewê zû pê hesiyabin.XXX
1996-03-04
Kitêbên Remzî Înanç ji min ra şandine îro hatin. Giş 13
kitêb in. Sê heb kovarên Varlik in, 3-4 heb jî katalogên hin weşanxaneyan in.
Yanî 13 kitêb bi 800 kronê Swêdî. Wey kevir bibare !
Ez bi kêf li kitêbên hatine dinêrim û rûpelên wan di ser hev ra diqulibînim.
Îcar şandina 800 kronî jî nizanim ewê wê zewqê bide min ya na?
XXX
2018-03-04
Yildiz xanim merheba! Yildiz xanim, do Mahmûd Lewendî ji min ra qala gazinên te
kir. Got te gotiye min tu bela sebeb ji hevaltiya xwe derxistiye û
bloke(asteng)kiriye.
Ev ne rast e, ne bela sebeb e û tu jî viya zanî. Di nabêna
min û te da minaqaşeyeke ne xweş çê bû, te hin peyvên ne xweş ji min ra kirin û
lema jî min tu ji hevaltiya xwe derxist.
Tu zanî ji ber ku tu bi kurdî dinivîse
çiqasî kêfa min hat û min çiqasî pesnê te da. Me çend caran ji hev ra nivîsî.
Lê dû ra mesele nuha nayê bîra min, lê te dilê min hîşt û lema jî min tu ji
hevaltiya xwe derxist.
Lê te ew sebeb ji Lewendî ra negotiye, te gotiye bela
sebeb min tu asteng kiriye. Ev ne rast e û ez li ciyê rehetiyê, bêyî sebebek
hebe kesî ji hevaltiya xwe dernaxim.
Hela jineke kurd ya welatparêz û him jî
şair û bi kurdî dinivîse qet ji hevaltiya xwe dernaxim. Min xwest astengiyê
rakim lê min nikanîbû, ez ji heq derneketim.
Ez nizanim meriv çawa radike. Bi
rêya Facebookê min nikanîbû xwe bigîhanda te, lema ez vê mesajê bi twittê ra
dişînim.
Bi silavên birayê
Zinarê Xamo
XXX
Yildiz Çakar:
2018-03-04
Silav. Mixabin te ez belesebe asteng kirime. Ebeden min ser navê te tu gotineke
nekiri ye.
Te ji min re heqeretê xwe kir û tu çû. Min derbarê jinikek a seroka
penê tiştek parve kiribû di rûpela xwe de. Tu hatî di binê nivîsa min de te got
"wa yildiz tu çawa piştgiriya vê xanimê dikî".
Halbûkî bernama penê
du roj bû. Ez çúbûm a yekî û haya min ji bûyerê roja din tune bû. Hîn min hay
ji meselê çêbû te him gotinên xwe kir him jî te ez blokè kirim.
Helbet mesela
qerejdaxê bû ji ber ku ez çûvî me gotin hat ser gotine navê te jî behs bû min
jî mijarê got.
Û mixabin dewlet facboka min girtiye. Kengî ezê a núh vekim
nizanim.
Lê dibe ku ez gotinèn hişk bikim lê ez tu car neheqiyan nakim. Wer
xûya dike ku muhtemel gotinen min ên ji hinekên din te girtiye ser xwe.
Eger
min ji te re gotinek kiriba min eşkere digot erê min ev gotin kiriye. Lê
derbarê te de yek peyv devê min de derneketiye.
4 mars 2018 9:55 fm
Û qerejdaxî kêm in, loma jî bila du gotinên te zêde bin
tiştek nabe.
Silav û rêz..
2018-03-04
XXX
Careke din merheba Yildiz xanim. Xwezî ew nivîsên me nuha
hebûna. Te gotinên wê jinikê yên ne xweş parast û te ez rexne kirim.
Yanî
aciziya min ne belasebeb bû. Tu kanî bibêjî ez neheq bûm, lê sebebekî vê
dilmayina min hebû. Te ji Lewendî da ra qala vê bûyerê nekiribû.
Lê neyse, guh
medê, di dilê min da ciyê te her wek berê ye. Ji bo min ya muhîm şêla te ya
siyasî û îdeolojîk e, tu li dijî min bî jî ev yek hezkirina min kêm nake FBa
xwe çêke û daxwaza hevaltiyê bişîne. Ez di twîttê da te taqîb dikim.
Û ji ber
tiştê hat serê te û kesên wek te jî bi qasî te pê diêşim û xemgîn im. Ji ber ku
piştî 37 sala in sirgûn, trajediya min bû qedera te jî pir li ber ketim. Lê wer
xuya ye heta em bindest û bêwelat bin sirgûn ewê tim para me û qedera me be.
Gelek silavên biratiyê ji keça qerejdaxî ra
2018-03-04
XXX
Yildiz Çakar:
Bizanibe ez ji te hezdikim. Rojek derfeta min çêbe ezê werim aliyê we. Wê çaxê
ezê bixwazim te bibînim. Ez ji te aciz nabim vê bizanibe. Mixabin jiyan li vir
bo min pir zehmet e. Ev salek bû bêmalim. Li vir kes alikariya kesî jî nake. Weke
diya min dibêje "tu caris î" Ewê van rojana qey biqedin. Pêşerojê wê
tiştên xweş çêbin. Hêvîya min pir heye bo pêjerojê. Emê hemû vegerin.. Careke
din silav û hezkirin ji axa qerejdaxê...
4 mars 2018 10:55 fm
XXX
Spas ji bo gotinên dostane. Jiyana dîasporayê destpêkê pir
zor e, xerîbî, sirgûn dibe wek kerasekî ji êgir. Gava tu vi rda hatî helbet tu
yê min bibînî. Ezê te li Stockholmê bigerînim. Heger nuha hewcedariya te bi
alîkariyeke madaî heye ji min ra bibêje, tiştê ji destê min were ezê bi
kêfxweşî bikim. Fedî neke bibêje. Emê rojên xweş bibînin.
Zinarê Xamo
4 mars 2018 11:22 fm
XXX
Gelek sipas.
Saxiya can dixwazim..
Yildiz Çakar
4 mars 2018 2:30 em
XXX
Axir dibê tu bizanî, roja tu ketî tengasiyê bizanibe
birayekî te li Swêd heye.
Zinarê Xamo
2018-03-04
Inga kommentarer:
Skicka en kommentar