Min ji vî îşî tişte fêm nekir

Li rojavayê Kurdistanê 25 partî hatine ba hev û bi hev ra partiyeke bi navê Partiyên Yekîtiya  Niştimanî ya Kurd(PYNK) ava kirine.

Ser xêrê be. Hêvî dikim gaveke berbî yekîtiyê be.

PYD di nav partiya nuh da ye, lê ENKS û partiyên di nava wê da ne di nav vê tifaqa nuh da ne. Yanî ENKS ne di nav PYNKê da ye.  Ev ne baş e. 

Çimkî ya muhîm dibê ENKS û PYD û hêzên li dora wan werin ba hev.

Min bi xwe ji vî îşî tiştek fêm nekir. 

PYNK çima û ji bo çi çê bû, ez bi wê nizanim. Lema jî newêrim zû kêfxweş bibim.

25 partî hatine ba hev, lê hîn du caran bi qasî van partiyan, partî li dervayî vê tifaqê ne.

Li beşekî hewqasî biçûk 50-60 partî ne normal e, ev ne siyaset e, ev tîcaret e, ev bazirganîye tîcaretê ye.

Qey her bêkarekî, her şît û fêlbazekî ji xwe ra partiyek ava kiriye û pê debara xwe dike.

Hebûna hewqas partîyan ne karê aqil e !

Li welatekî 3-4 milyon nufûsa wî hewqas partî skandal e, aqilê meriv nagire, civatek dibê hewqasî jî deform, xerabe nebe.

Di beşekî beyana PYNK dawiha tê gotin:

-Li jêr navê "Partiyên Yekîtiya Niştimanî ya Kurd", em ê xebatên hevbeş bimeşînin û pêşveçûnên heyî yên derbarê yekrêziya Kurdî bişopînin ku karê şopandinê jî dê bikeve ser milên nûnertiyeke me ya nûavakirî.

-Me logoyek ji bo Partiyên Yekîtiya Niştimanî ya Kurd bijart.

-Wê bi berdewamî civînên nûnerên van partiyan bên lidarxistin da ku nêrînên cuda yên derbarê pêşveçûn û bûyerên nû, bêne nîşandan û gotûbêjkirin.

Partiyên Yekîtiya Niştimanî ya Kurd ev in:

- Partiya Yekîtiya Demokratîk (PYD)

- Partiya Demoqrat a Kurdî ya Sûrî (P.D.K.S)

- Partiya Aştiya Demoqrat a Kurdistanê

- Kongreya Star

- Partiya Kesk a Kurdistanê

- Partiya Çep a Demokrat a Kurd li Sûriyê

- Partiya Çep a Kurd li Sûriyê

- Partiya Lîberal a Kurdistanê

- Partiya Biratî ya Kurdistanê (PBK)

- Partiya Niştimanî ya Kurdî li Sûriyê

- Partiya Guhertina Demoqrat a Kurdistanê

- Tevgera Nûjen a Kurdistanê-Sûriya

- Partiya Têkoşîna Demokrat

- Partiya Azadî ya Kurdistanî ya Azad

- Partiya Yekîtiya Niştimanî ya Azad-Rojava

- Partiya Komarî ya Kurdistanî-Sûriya

- Tevgera Çaksaziyê-Sûriya

- Partiya Komunîst a Kurdistanê (KKP)

- Partiya Roj a Demokratîk li Sûriyê

- Şepêla Pêşeroj a Kurdistanê

- Partî Demuqratî Kurdistanî-Sûrî

- Yekîtiya Karkerên Kurdistanê (YKK)

- Partiya Kombûna Niştimanî ya Kurdistanî

- Partiya Rêkeftina Demokrat a Kurdî li Sûriyê

- Partiya Demuqrat a Kurd li Sûrî (Partî)