Rûdawê vê carê jî qiralîçe kiriye "şahjin" !

Rûdawê di sernivîsa xwe da ji Qiralîçeya Norweçê ra gotiye, Şahjin. 
"Evîn Haciyê cilên Kurdî diyarî Şahjina Norwecê kirin...”

Cara pêşî ye navdêreka wiha dibihîzim. Dîyar e îmalateke Rûdawê ya nuh e. Jixwe di piranîya xeberên Rûdawê da îmalatên nuh hene. Hewqas pir in êdî nayê hesêb.
Min li ferhenga dijîtal nêrî, navên wek, ”banû, melîke, qiralîçe, sitî, şahbanû, keybanû, siltanxanim” hene, lê ”şahjin” tune ye. 

Dîyar e navê "şahjin" malekî, mahsûlekî fabrîqa Rûdawê ya nuh e, nuh derxistiye bazarê.
Mafê Rûdawê tune ye hewqasî bi kurmancî bilîze. Ev ne rast e, bêmesûlîyetî ye. Kesên berpirsîyar dibê vê lîstika bi kurmancî bisekinînin.
Bibêjin ”qiralîçe, melîke” ya jî şahbanû baştir e, rasttir e. Qiral û qiralîçe rasttir e, her kes jê fahm dike. 

XXX

-Ji kesê kitêbxana wî heye û pir dixwîne metirse.

Kesê dibê esas dibê tu jê bitirse, yê tenê kitêbek wî heye, wê miqedes dihesibîne û qet nexwendîye.

Freidrich Nietzsche

Jixwe bi piranî yên li dinyayê dibin sebebê gelek şeran û qetlîaman jî ev kesên xwedî vê kitêba miqedes in.

XXX

Facebookê îro ev rismê dilşahîya min a 8 sal berê nîşanî min daye, fena ku xwestibe bibêje, binêre, 8 sal berê bi hatina xanimê û êmîşî ji Kurdistanê anîbû tu wiha kêfxweş bûbû.

Rast e, ez pir kêfxweş bûbûm, lema nuha jî parve dikim.

XXX

Gerek her kurd, zengîn, feqîr, rast,çep, dîndar û ataîst, elewî, sûnî, kurmanc, zaza, soran, goran, hewram, yanî her kurd gerek ji halê xwe yê îro ne razî be, bixwaze ji vê perîşanîyê û bindestiyê xelas bibe.

Em ji halê xwe yê îro razî bin em tu carî nikanin ji bindestê xelas bibin. Gerek em tim ji xwe bipirsin:

-Emê ji vê bindestiyê çawa xelas bibin?

Û dû ra jî li çareyekê, li rêyekê bigerin.