Gava aqil kêm be çare nayê dîtin

Hin însan ji bo ku karekî nekin, wezîfeyekê negrin ser xwe gelek mahneyan, gelek hincetên pela pûçî dibînin. 
Hin sîyasetmedar ji bo ku gelşa nabêna xwe çareser nekin, yekîtîya xwe, tifaqa xwe çênekin gelek hincetan didin pêş.
-Mahne, hincet, qal û qîl wek mû ye, li ba her kesî tê dîtin. Lê belê aqil wek çareyê ye, çare li ba her kesî nayê dîtin. Gava aqil tunebe, ya jî kêm be, çare jî çênabe, tevlihevî dom dike.

Sîyasetmedar û serokên me baqil bûna bi hev nediketin, nedibûn sebebê vê perîşanîya me. Xwezîya min bi dilê wî miletê serokên wan baqil in, bi hev nakevin, berjewendîyên miletê xwe di ser her tiştî ra digrin.

Aqil taca zêrîn e, li ser her kesî nîne.

XXX

-Heger çenteyê li pişta we bi we pir giran tê, êdî hûn nikanin rakin, ji pişta xwe deynin, bala xwe bidin tiştên tê da. Tiştên ne hewceyî, ne hêjîyî hûn bi xwe ra bigerînin ji nav biniqînin, bavêjin. Ewê barê we sivik bibe, hûnê rehet bikin.

XXX

Di jiyana tu kesî da cîyê her kesî ne garantî ye. Bi guherîna dem û dewranê ra hinek tên, hinek diherin. Meriv bi hinekan ra hevaltîya xwe, dostanîya xwe heta roja dawî didomîne, bi hinekan ra jî têkilîya xwe qut dike, ji dûr va lê temaşe dike.

Lê meriv tenê vê hilbijartinê nake, kesên din jî li hemberî meriv eynî tiştî dikin, ew jî ji meriv dûr dikevin. Gava fikir xatir ji hev dixwazin, şûşa dil dişkê, dil jî ji hev sar dibin. Fikir zora dil dibe.Ya rast jî ew e.

Bawerî ne fikreke, dera fikir lê disekine, nahêle meju karê xwe bike, bifikire. Dibê meriv nehêle bawerî rê li ber fikirandinê bigire.

-Hêrs pola ye. Ji bona bibe şûr sebir lazim e, aqil lazim e, hostatî lazim e

-Ji dêlî tu di gelek karan da bibî şagirt, di karekî da bibe hosta baştir e.

XXX

Îro li Amedê Hevbendîya Netewî ya Kurdistanê hate îlankirin.
Di nav Hevbendîyê da Pêlkurd, PDK-Bakur, PSK, PWK, Vejîn û gelek kesên serbixwe hene.
Ser xêrê be, pîroz dikim û ji Hevbendîyê ra serketinê dixwazim. Însîyatîveke baş e.
Hêvî dikim ew jî wek yên berî xwe piştî çend mehan belav nebe.